BeRaTsi_MiZeRje
Aktivist i AlbForumi
Këngëtarja shqiptare Dafina Zeqiri, ka publikuar një fotografi mjaft nxitëse në Instagramin e saj, ku shihet një unazë kryqi, që simbolizon fenë e krishterë. Kjo, natyrisht se ka nxitur reagimin e fansave të fesë islame, që ajo i ka të shumtë në numër.
Menjëherë pasi Dafina publikoi këtë fotografi, erdhën edhe reagimet e fansave të saj, të cilët nuk u duruan pa komentuar pse vendosi këtë unazë që simbolizon krishterimin dhe nëse ajo është e fesë krishtere.
Kishte edhe disa fansa të tjerë që e kanë mbrojtur Dafinën se për ata është e parëndësishme feja e këngëtares, sepse e adhurojnë atë që ajo bën në muzikë.
Nuk kaloi edhe shumë kohë dhe Dafina edhe vet komentoi duke i kthyer përgjigje një prej komentuesve.
“Kjo nuk ka asgjë të bëjë me fenë. Në fund të fundit të gjithë jemi një”, ka theksuar Dafina.
Dafina duket të jetë prekur aq shumë nga komentet sa që nuk hezitoi të komentonte sërish.
Ajo në një tjetër koment shihet duke spjeguar se ku e ka blerë këtë unazë.
“Po e kam blerë në punk butik. Çka me bo, për veti e kanë. Unë thjesht dua që njerëzit t'i lë të mendojnë e të bëjnë atë që duan. Ata e shikojnë punën e tyre, e unë timen”, ka shkruar Dafina në komentin tjetër.
Ende mbetet e paqartë përkatësia fetare e këngëtares, e cila si duket ka shkaktuar një ngritje të pluhurit krejt papritur me këtë fotografi të akcesorëve të saj të rinj.
