Re: hahahahah
ne gazeta panorama lexova nje artikull mbi camerine, po e ve ta lexoni.
Stendat janë të ndryshme, të ndara sipas qëllimit, sipas personazheve, dokumenteve dhe fotografive. Por gjithsecila prej tyre ka diçka të përbashkët, flitet për Çamërinë. Në Muzeun Historik Kombëtar dje është çelur ekspozita me fotografi, dokumente për Çamërinë. Janë aty, Mbreti Zog, Fan Noli, Konica, presidenti i SHBA-së Uillson, vëllezërit Frashëri, artistë me origjinë a lidhje çame, si D’ora Distria, Mitrush Kuteli, KOl Idromeno vëllezërit e famshëm piktor e skulptor të shekullit të kaluar Dino, personazhe të njohur të historisë çame, etj. Ja çfarë shkruhet në disa dokumente të firmosur nga këta personazhe, të cilat ekspozohen për herë të parë në ambientet e muzeut. Abdyl Frashëri
Përpjekje për gjuhën shqipe fillimi i kalvarit çam në 1913. Popullsia e bregdetit duke filluar që nga kufiri i tanishëm i Shqipërisë me Malin e Zi dhe deri në Prevezë është tërësisht shqiptar. Sanxhaku i Çamërisë me një popullsi prej 75 mijë shqiptarësh ka vetëm 18 mijë shqiptarë në Greqi.Mit’hat Frashëri
Mit’hat Frashëri, ministër fuqiplotë në Athinë i drejtohet kryetarit të komisionit Mikst, Kostandinopojë.
Zoti kryetar, qarkullojnë zëra për heqjen nga Çamëria (Epir) të 5000 shqiptarëve që i detyrohen këmbimit të detyrueshëm. Në rast se këto zëra janë të themelta, unë jam i ngarkuar nga qeveria ime të protestoj energjikisht pranë komisionit Mikst. Ky vendim faktikisht është në kundërshtim me përmbajtjen dhe frymën e deklaratës së të deleguarve turq dhe grekë në konferencën e Lozanës (janar 1922), deklaratë e përsëritur përpara Lidhjes së Kombeve nga i deleguari grek SH. T. Z Caclamanos, i njëjti që kishte pranuar të qenit me vend të kërkesës së shqiptarëve në Lozanë. 11 nëntor 1925 Fan Noli
Noli, kryetar i Këshillit të Ministrave në Tiranë i drejtohet Feliti Beut, kryetar i Këshillit të Republikës Turke, Ankara
Tiranë 10 dhjetor 1924
Kam nderin t’i bëj të ditur shkëlqesisë suaj se Këshilli i Lidhjes së Kombeve trajton aktualisht çështjen e popullsisë së Çamërisë për t’i dhënë një zgjidhje përfundimtare kësaj çështje në përputhje me rregullat e drejtësisë dhe interesat e Shqipërisë, është e domosdoshme që e nderuara qeveri turke të bëjë një deklaratë zyrtare në kuptimin që pasi ky truall i banuar vetëm nga shqiptarët, popullsia e tij nuk i nënshtrohet këmbimit dhe kështu nuk mund të pranohet në Turqi. Duke pasur parasysh karakterin e ngutshëm dhe të rëndësishëm të çështjes, unë do t’i isha pafundësisht mirënjohës shkëlqesisë suaj që të ketë mirësinë të ngarkojë të nderuarin delegacion turk në Romë që të bëjë një deklaratë të tillë përpara Këshillit të Lidhjes së Kombeve. Pranoni zoti kryetar sigurimet e konsideratës sime shumë të lartë.Ahmet Zogu
Promemorie e dalë nga mbledhja e Këshillit të Ministrave
Tiranë 02/prill 1936
Në mbledhjen e këshillimit ministror më datën 2 prill 1936 ministri i Punëve të Jashtme relatoi mbi gjendjen e pakicave shqiptare në Çamëri si dhe me designimin nga ana e qeverisë greke të deritanishme pesë shtetasve shqiptarë, grekofonë, si mësues të gjuhëve shqipe në shkollat qeveritare greke, në pesë katunde të Çamërisë. Ministri i Punëve të Jashtme gjithashtu dha hollësira mbi mitingun e mbajtur në xhaminë e Filatit, ku popullsia shqiptare kërkoi të drejtën që ta mbajë vetë shkolla shqiptare dhe me këtë rast ekspozoi pikëpamjen e ministrit të Shqipërisë në Athinë. Këshilli ministror vendosi mbas këtyre shpjegimeve që përfaqësitë tona në Greqi, veçanërisht Legata e Athinës, të ngarkohen që të bëjnë demarshe me qëllim që të emërohen si mësues të gjuhës shqipe, ndër shkollat e Çamërisë. Shqiptarët prej race, gjuhe dhe origjine mbi emërimin e mësuesve nga ana e qeverisë greke, përfaqësuesit tanë duhet të insistojnë, në anën tjetër minoriteti shqiptar i Çamërisë të inkurajohet që të kërkojë shkolla shqiptare komunitare. Përfaqësitë tona në Greqi duhet të këshillojnë përparësinë shqiptare të Çamërisë me gjithë mosmarrëveshjet personale që mundet të ekzistojnë.Beqo Izet Kushi
Nga letra dërguar presidentit të SHBA, Uillson në emër të shoqërisë Çamëria.
Nga ana e shqiptarëve të ngastrës së Çamërisë i lutemi shkuanjësisë tuaj të përdorni influencën dhe mbi bazat e parimeve të shenjta të kombësisë dhe të vetëvendosjes të prishen vendimet pleqësore, dhe të padrejta të konferencës së Londrës më 1913 që u përkasin kufijve të Shqipërisë.