Bollano gënjen, botohet letra e plotë e OMONIA-s

Bollano gënjen, botohet letra e plotë e OMONIA-s

Publikuar më » Dërguar më: 11/12/2008 - 07:08
Nga Tedi Blushi
“Gazeta Shqiptare” e disponon të plotë kërkesën, ku me gërma kapitale OMONIA kërkon të mos ratifikohet Marrëveshja e Stabilizim-Asociimit mes Shqipërisë dhe Bashkimit Europian.
MEMORANDUMI

TIRANE- Vasil Bollano do të kishte bërë më mirë të heshtte sesa të gënjente publikisht. Në daljen e djeshme para medias, ai nxitoi ta cilësonte një “keqkuptim” përmbajtjen e memorandumit që shoqata OMONIA e drejtuar prej tij, i ka dërguar Parlamentit grek. “Gazeta Shqiptare” e disponon të plotë kërkesën, ku me gërma kapitale kërkohet të mos ratifikohet Marrëveshja e Stabilizim-Asociimit mes Shqipërisë dhe Bashkimit Europian. Ndaj dhe për t’ia fashitur atij “keqkuptimet”, ne po e ribotojmë atë në gjuhën greke, që ai ta ketë më të lehtë për të kuptuar atë se çfarë ka shkruar. “Kemi kërkuar ratifikimin e MSA-së dhe ecurinë e Shqipërisë drejt integrimit europian”, - pretendoi dje kreu i OMONIA-s. Në fakt kjo kërkohet edhe në memorandum, por veçse me një kusht. Dhe ky kusht është dhënia e autonomisë për Vorio-Epirin. Ndaj dhe Bollano gënjen. Gënjeu edhe kur tha se “Vorio-Epiri i përket historisë”, sepse vetëm për Vorio-Epirin dhe për vorio-epirotasit flitet nga fillimi e deri në fund të memorandumit. Pra nuk na qenka aq çështje historike sa duket kur në letrën drejtuar Parlamentit grek, OMONIA kërkon që Tirana zyrtare të njohë si zonë minoritare pothuajse gjithë Jugun e vendit, të banuar sipas saj qysh para 3 mijë vjetësh nga grekët etnikë. Kjo është e shkruar në memorandum dhe nuk është aspak një keqkuptim. “Të njihen zyrtarisht si zona të minoritetit ato zona të cilat pala shqiptare nuk i njeh të tilla, si për shembull Saranda, Gjirokastra, Himara, Delvina, Korça si edhe 99 fshatra përreth tyre. Të ndryshojë kuadri ligjor i Shqipërisë në një mënyrë të tillë që të lejojë bashkimin e gjithë kësaj zone në jug të Shqipërisë, që tradicionalisht banohet nga grekët, në një periferi të organizuar administrativisht në bazën e një organi që merr drejtpërdrejt vendimet nga vetë qytetarët”, citojmë nga letra e OMONIA-s, ku kërkohet gjithashtu edhe vendosja e gjuhës greke si gjuhë të parë zyrtare në Jug të vendit. Pra Bollano sërish gënjen. Gënjeu edhe kur tha se ky dokument është “publikuar në gazetën ‘Zëri i OMONIA’ në datën 10 nëntor, pra rreth një muaj e një ditë”. Pra nënkuptoi se ky memorandum nuk i është dërguar Parlamentit grek. Ne disponojmë edhe kopjen e kësaj gazete, ku në faqen nr.2 të së cilës thjesht paralajmërohet nisma që do të ndërmarrë OMONIA pas pak ditësh. Nëse edhe ky është një keqkuptim, ne mund ta ribotojmë edhe atë shkrim. Sa për memorandumin, ai i është drejtuar në datën 25 nëntor Parlamentit dhe Ministrisë së Jashtme greke dhe kjo është qartësisht e lexueshme qysh në kokën e letrës.

(s.g/GazetaShqiptare/BalkanWeb)

 

[Al-Punk]

Re: Bollano gënjen, botohet letra e plotë e OMONIA-s

Memorandumi i OMONIA-s
Publikuar më » Dërguar më: 11/12/2008 - 08:14


1 - Shqipëria të njohë zyrtarisht si zonë të minoritetit grek Jugun e vendit: Sarandën, Gjirokastrën, Himarën, Delvinën, Korçën dhe 99 fshatra përreth tyre
2 – Të ndryshojë kuadri ligjor i Shqipërisë në një mënyrë të tillë, që të lejojë bashkimin e gjithë kësaj zone në jug të Shqipërisë në një periferi të organizuar administrativisht në bazën e një organi që merr drejtpërdrejt vendimet nga vetë qytetarët (autonomi për Vorio-Epirin)
3 - Të mos vazhdohet ushtrimi i politikës së centralizimit të pushtetit që drejtohet nga qeveria e Tiranës
4 - Të respektohet e drejta e pronësisë së tokave
5 - Gjuha greke të jetë gjuha e dytë zyrtare në Shqipëri dhe gjuha e parë zyrtare në zonën e minoritetit
6 - Të hapen shkolla e të botohen librat e duhur në gjuhën greke në çdo vend ku ka minoritarë
7 - Të mos shkelen të drejtat politike të vorio-epirotëve, sikundër ndodhi me 5 të arrestuarit në 1993 deri në zgjedhjet e fundit me ngjarjet në Himarë.

(s.g/GSH/BalkanWeb)

 

[Al-Punk]

Re: Bollano gënjen, botohet letra e plotë e OMONIA-s

Berisha: Letra e OMONIA, klithmë ekstremistësh
Publikuar më » Dërguar më: 11/12/2008 - 07:27
Nga Tedi Blushi
Kryeministri shqiptar, Sali Berisha reagon pas publikimit të memorandumit nga “Gazeta Shqiptare”: “Qeveria greke nuk duhet të ndikohet, nga klithma ekstremiste ngado që t’i shkojnë ato.”

TIRANE- Qeveria shqiptare reagon me ashpërsi ndaj kërkesës së OMONIA-s drejtuar Parlamentit grek për mosratifikimin e Marrëveshjes së Stabilizim-Asociimit mes Shqipërisë dhe Bashkimit Europian, në rast se Tirana zyrtare nuk njeh autonominë e Vorio-Epirit. Presionin e ushtruar ndaj Athinës zyrtare nga organizata e minoritetit grek e ka dënuar vetë Kryeministri Sali Berisha, gjatë një konference të djeshme për shtyp. Në fjalën e tij, shefi i ekzekutivit e cilësoi memorandumin e OMONIA-s, si “klithmë ekstremistësh”, ndërsa ftoi qeverinë greke të mos ndikohet prej saj. Reagimi i Berishës vjen dy ditë pasi “Gazeta Shqiptare” botoi të plotë tekstin e memorandumit që organizata e minoritetit grek, e drejtuar nga Vasil Bollano, i ka dërguar zyrtarisht shtetit fqinj. “Qeveria greke ka një dialog konstant me qeverinë shqiptare dhe qeveria greke nuk ndikohet nga klithma ekstremiste ngado që t’i shkojnë ato. Qeveria greke është një qeveri demokratike, një qeveri që punon dhe ka faktuar se punon për marrëdhënie miqësore dhe normale me Shqipërinë dhe vende të tjera të rajonit”, - deklaroi mes të tjerash Kryeministri. I fokusuar mandej tek çështja e mbrojtjes së lirive dhe të drejtave të minoritetit grek, Berisha tha se Shqipëria ka marrë më shumë masa se çdo vend tjetër i rajonit për mbrojtjen e pakicave kombëtare. Ndonëse, shtoi mandej, se gjithsesi ka ende vend për përmirësime. “Ky ka qenë komuniteti i shtypur në mënyrën më të egër nga diktatura. Të drejtat e minoritetit kanë pasur një përmirësim madhor dhe Shqipëria ka marrë shumë vendime të cilat nuk janë marrë as nga vende të tjera të rajonit. Në këtë drejtim, pranoj se megjithatë ende ka vend për përmirësime”, - vuri në dukje Berisha, që në këtë mënyrë u ka dhënë një përgjigje edhe pakënaqësive të shprehura nga OMONIA lidhur me çështjen e lirisë e të drejtave të minoritetit në vendin tonë. Greqia është vendi i fundit i anëtarëve të Bashkimit Europian që nuk ka ratifikuar ende MSA-në. Athina zyrtare e ka argumentuar vonesën në ratifikimin e dokumentit me procedurat burokratike, duke mohuar që të ketë shkaqe të tjera.
Ndjekje penale
Në një prononcim të dy ditëve më parë për GSH, deputeti i pavarur, Spartak Ngjela kërkoi ndjekje penale për kreun e organizatës së minoritetit grek, Vasil Bollano. Sipas avokatit, kjo është përgjigja që meriton Bollano, pas memorandumit që OMONIA i drejtoi Parlamentit grek për mosratifikimin e MSA-së. Por në këtë kontekst, Ngjela shtoi se më shumë se sa tek Bollano, problemi qëndron tek Kryeministri Sali Berisha. Ky i fundit, sipas tij, nuk duhet t’i bëjë sehir këto provokime, por duhet ta shkarkojë atë nga posti i kreut të Bashkisë së Himarës.

(s.g/GazetaShqiptare/BalkanWeb)

 

[gurax]

Re: Bollano gënjen, botohet letra e plotë e OMONIA-s

Keto jane te tera filma. Absurditeti i tere kesaj situate jane vete Omonitaret (e nderuar nese duhet) per te kuptuar se peticione te tilla dhe drita jeshile e Shqiperise per ne Nato, perjashtojne njera tjetren. Greqia eshte anetare e Natos dhe Shqiperia pritet te behet e tille dhe dy vende te tilla qe kane lidhur nje traktat apo kane rene dakord per te lidhur nje traktat (Nato ne thelb eshte nje traktat aleance ushtarake) eshte qesharake t'i drejtohen njeri tjetrit me peticione apo memorandume te tilla. Dy mundesi jane me te besueshmet, ose Omonitaret jane krejt te paafte te lidhin me shume se dy ide politike me njera tjetren dhe mjere ai komunitet te cilin perfaqesojne, ose kane interesa te tjera private dhe interesohen te bejne kete lloj zhurme. Mundesia e dyte ama' i ben shume te ngjashme me strukturat paralele qe duan te zgjidhin dicka duke u shmangur nga nje procedure shume e qarte per zgjidhjen. Me fjale te tjera, jane shume te ngjashem me mafiozet.