Re: BOLL MJAFT-it! (?) Kete nuk e di endè.
stafi i mjaft
Erion Veliaj, Drejtori Ekzekutiv i Fushatës MJAFT!
Erioni është Drejtori Ekzekutiv i Lidhjes Rinore Ballkanike si dhe i Institutit të Lidershipit Rinor. Eshtë diplomuar në Shkenca Politike/Marrdhënie Ndërkombëtare në Universitetin e Grand Valley State, Michigan, në Shtetet e Bashkuara të Amerikës. Ka punuar si konsulent i shumë organizatave ndërkombëtare dhe disa degëve të Kombeve të Bashkuara: në Departamentin e Shtetit Amerikan, në Organizatën për Mbrojtje dhe Bashkepunim ne Europë (OSCE), në Këshillin Europian, në Institutin e Shoqerisë së Hapur, në Qendrën Tregtare Van Andel Global, Ndihma Ndërkombetare, etj. Erioni jep ndihmesen e tij ne bordin e drejtuesve të Lidhjes Botërore të të Rijve (NCY) si dhe ka qenë pjesë e punës e shumë organizatave humanitare, të mbështetjes, hulumtuese, të demokratizimit e të ndërtimit të shoqërisë civile në Ballkan, Amerikën Qëndrore e Latine si dhe Afrikë. Kështu ai ka jetuar dhe punuar në më tepër se 60 vende. Eshtë Qytetar Nderi i Memfisit dhe vitin e kaluar Erioni u përfshi në regjistrat e Kongresit të SH.B.A. për shërbimin e tij në nismat për vendosjen e paqes në Ballkan e veçanërisht në Kosovën e pas luftës. Ka qenë folës publik për kapituj të Këshillit të Punëve Botërore, kampuse të ndryshme universitare si dhe konferneca ndërkombëtare mbi paqen dhe çështjet e zhvillimit.
e-mail:
erionveliaj@mjaft.org
Arbjan MAZNIKU, Producent Ekzeutiv
Arbi ka mbaruar studimet e tij në verë të 2002-it pranë Fakultetit të Gazetarisë. Ka punuar për Programin e Debatit që nga viti 1998, kur ky program ishte pjesë e Fondacionit për një Shoqëri të Hapur. Tani ai është Koordinator Projekti për Organizatën Kombëtare të Debatit. Arbi është gjithashtu drejtor i bordit të Programit për Rininë pranë Fondacionit për një Shoqëri të Hapur për Shqipërinë. Përvoja e Arbit përqëndrohet mbi aktivizmin rinor. Ai gjithashtu ka ndihmuar në koordinimin e punës në Institutin e Lidershipit Rinor si dhe në Insitutin e Lidershipit të Europës Juglindore. Ai trajnon mbi debatin grupe të shkollave të mesme e të universiteteve si dhe jep mësim mbi retorikën dhe të folurit publik. e-mail:
arbimazniku@mjaft.org
Endri FUGA, Menaxher i Përgjithshëm
Endri, 20 vjeç, nga Tirana, vazhdon studimet për Shkenca Komunikimi në Universitetin “La Sapienza” në Romë, Itali, në degën Mass Media dhe Komunikim Institucional e Masiv. Eshtë Drejtori Ekzekutiv i Lidhjes Rinore Ballkanike-Shqipëri. Më parë ai ka marrë pjesë në aktivitete të Lidhjes Rinore Ballkanike, si kampet e Insititutit të Lidershipit Rinor, gjyqet imituese e turnamentet kombëtare të debatit. Ai është trajnues për organizata të ndryshme si dhe është anëtar i bordeve ekzekutive të Organizatës Kombëtare të Debatit dhe të “Inisiativës Rinore të Europës Jug-lindore” në programin “Për një Shoqëri të Hapur Shqiptare”, pranë Fondacionit Soros. Aktualisht, Endri është kryeredaktori i “Snews”, një gazetë rinore në internet. Ka marrë pjesë në aktivitete të shumta ndërkombëtare rinore, si dhe është vullnetar i “Kryqit të Kuq Shqiptar”. e-mail:
endrifuga@mjaft.org
Marinela LIKA, Koordinatore e Fushatës MJAFT!
Diplomuar në Fakultetin e Shkencave Sociale (Punë Sociale) në vitin 2000, ajo punon si aktiviste në shoqrinë civile që nga viti 1998 dhe ka një përvojë të gjërë në fushën e organizatave rinore duke krijuar një eksperiencë të pasur në kërkime, trajnime, koordinim, menaxhim dhe ngritje kapacitetesh institucionale. Nga viti 2000 e në vazhdim ajo punon si koordinatore programi prane Organizatës Kombëtare të Debatit, përgjegjëse për punën kërkimore, publikimet dhe trajnimet. Ajo ka kontribuar ne pasurimin e bibliotekës së kësaj organizate me kërkime në më shumë se 21 çështje problematike sociale, ekonomike, filozofike dhe politike. Ajo është në të njëjtën kohë një ndër themelueset dhe Nënkryetare e Organizatës për Ndihmë Psiko-Sociale, dhe trajnere trajnerësh në fushën e shërbimeve psiko-sociale për familjen, fëmijët, gratë dhe të rinjtë. e-mail:
marinelalika@mjaft.org
Besjan PESHA, Koordinator i Studentëve
Besjani studjon në Universitetin e Tiranës, Fakulteti i Shkenca Sociale, Dega Shkenca Politike. Besjani është anëtar dhe themelues i disa shoqatave studentore si edhe një student aktiv që punon vazhdimisht në ngritjen e një rinie studentore më aktive dhe të organizuar. Ai ka qenë trajner për fushatën Mjaft ku ka trajnuar mbi 500 te rinj rreth aktivizimit rinor dhe mënyrave dhe formave të ndryshimit social. Më parë Besjani ka punuar në Kosovë gjatë emergjencës humanitare ku ka qenë Koordinator i Llogjistikës pranë Organizatës Ndërkombëtare CESVI. Aty ai ka implemntuar 15 projekte rindërtimi, rihabilitimi dhe bashkëpunimi. Ai ka qenë gjithashtu vullnetar dhe llogjist pranë CARITASIT italian, shqiptar dhe hollandez dhe ka marrë pjesë në aktivitete të shumta rinore.
e-mail :
bp@mjaft.org<br />
Silvi BAVELAAR, Koordinatore ndërkombëtare e Fushatës MJAFT!
Silvi është studente e diplomuar në Hollandë dhe punon si praktikante në UNDP dhe mbështet fuashatën. Ajo ka një përvojë të gjerë në marrëdhëniet publike. Si studente ka qenë shumë aktive në një sërë komisionesh të University College Student Association. Ka qenë anëtare e Bordit të USCA gjatë vitit 2000, përfaqësuese e marrëdhënieve publike për shumë organizata në Hollandë e Itali. Për momentin po fiton përvojë në fushën e zhvillimit përpara se të vazhdopjë me Masterin e saj në Studimet e Zhvillimit në Sussex, Angli. Interesat e saj akadmike kanë të bëjnë me shkenacat politike, antropologjinë, marrdhëniet ndërkombëtare, sociologjinë dhe psikologjinë.
e-mail:
sylvie.bavelaar@mjaft.org
Arbi VELIAJ, Webmaster
Arbi është nxënës i vitit të tretë në shkollën e mesme "Sami Frasheri" në Tiranë. Eshtë i dhënë pas dizanjit grafik si dhe kryesisht web dhe multimedia authoring. Administron një sërë faqesh Interneti për organizata kombëtare e ndërkombëtare duke përfshirë Lidhjen Rinore Ballkanike si dhe Delegacionin e Komisionit Evropian në Shqipëri. Arbi ka marrë pjesë në Institutin e Lidershipit Rinor, në Gusht 2002 si menaxheri i multimedias në të. Arbi, pjesëtari më i ri në moshë i skuadrës së MJAFT!-it, përdor mjeshtëritë e tij të dizanjit grafik për të shprehur protestën e tij kundër kushteve të Shqipërisë përmes Fushatës MJAFT! Shumë nga animacionet dhe fotografitë e faqes së Internetit janë produkte të protestës së tij. e-mail:
aveliaj@cprstudio.com
GRUPI KESHILLUES
Ardjana KALO
Znj. Kalo është diplomuar në Fakultetin e Ligjit dhe të Poltikave në Universitetin e Tiranës në vitin 1990 dhe aktualisht po ndjek një Master në Menaxhim, Administrim Biznesi (MBA). Që nga viti 1990 ajo ka një eksperiencë të gjërë pune duke filluar në vitin 1990 në Zyrën e Prokurorisë të rrethit të Mirditës; 1991- Në sektorin e kërkimeve në Ministrinë e Drejtësisë; 1992- Departamenti Ligjor i Mistrisë së Industrisë së rëndë dhe Minierave; 1993- Këshilluese Ligjore e Menaxherit të Përgjithshëm të Albtelekom; 1996 &#8211; Këshilluese Ligjore e Menaxherit të Përgjithshëm të AMC; dhe që nga viti 2000 ajo punon si Menaxhere Programi e Shoqërisë së Ndihmës Ligjore, Tiranë &#8211; Cafod, Shqipëri.
Ajo ka kontribuar në një numër të madh publikimesh, më të fundit e të cilëve janë:
&#8220;Amendamentet e 98-ës në kontekstin ekzistues ligjor të telekomunikacioneve&#8221;, Albanian Observer, Qershor 1998; &#8220;Krijimi dhe ndërthurja e ShP (Shoqërive të Përbashkëta) nën Legjislacionin Shqiptar&#8221;, Qëndra e Publikimeve Ligjore Ndërkombëtare, 1999 (bashkëautore); &#8220; AMC S.A. përfitimet nga proçesi i privatizimit&#8221;, Gazeta EKONOMIA, 23 Shkurt 2000; &#8220;Ndihma Ligjore dhe agjentët e saj në Shqipëri&#8221;, Revista Shqiptare për të Drejtat e Njeriut, Prill 2001; &#8220;Fjalori Ligjor Shqip-Anglisht, Anglisht-Shqip&#8221;, Kalo & Associates, 2002 (bashkëautore); &#8220;Praktika e ligjit për ata që kanë nevojë për shërbime ligjore më shumë se të tjerët&#8221;, Revista Shqiptare për të Drejtat e Njeriut, Prill, 2002.
Artan HOXHA
Drejtor i Kërkimeve në Institutin e Studimeve Bashkëkohore (ISB) nga viti 97 deri sot. Angazhimet kryesore personale janë në fushën e reformave institucionale dhe të zhvillimit ekonomik. Gjithashtu, anëtar i Këshillit Mbikqyrës të Bursës së Tiranës dhe anëtar i Bordit Ekzekutiv të Qëndrës Shqiptare të Ndërmjetësimit dhe Arbitrazhit Tregëtar.
Aldo BUMCI
Ka mbaruar Universitetin dhe Specializimin Pas-Universitar për Marrëdhenie Ndërkombëtare. Që nga fundi i vitit 1999 ka filluar të punojë në Institutin për Studime Ndërkombetare, gjithashtu jep edhe
mësim si pedagog i jashtëm në Fakultetin e Shkencave Politike.
Delina FICO
Delina Fico është bashkë-themeluese e disa organizatave drejtuese të cilat veprojnë në fuqizimin politik dhe ekonomik të grave në shqipëri. Gjatë dhjetë viteve të fundit ajo ka punuar gjerësisht si staf, konsulente dhe anëtare Bordi për agjensi dhe organizata të ndryshme, rajonale, kombëtare dhe ndërkombëtare të cilat fokusohen në çështjet Gjinore në Europën qëndrore dhe Lindore, përfshirë UNIFEM, Programin e Rrjetit te Grave në Institutin për një Shoqëri të Hapur, New York, Rrjetin e Grave Lindje Perëndim, Fondi i Aksionit Urgjent për te Drejtat e Njeriut të Grave, Fondacioni Soros, Shqipëri dhe World Learning për Zhvillimin Ndërkombëtar.
Ajo është diplomuar në Universitetin e Tiranës dhe New York University. Delina ka MS në Menaxhimin Jofitimprurës dhe MA në Shkenca Politike nga New School University në New York.
Aktualisht Delina punon në Kosovë si Koordinatore Kombëtare e Programit të fuqizimit politik dhe ekonomik të Grave, një program i financuar nga USAID dhe implementuar nga STAR Network i World Learning.
Eduard ZALOSHNJA
Dr. Zaloshnja u lind në Tiranë në vitin 1960. Lëvizja studentore e Dhjetorit 1990, e gjeti asistent-pedagog në Fakultetin e Ekonomisë Agrare në Tiranë. Nën ndikiminin e edukatës anti-komuniste marrë në familje, iu bashkua që në 11 Dhjetor grupit të studentëve dhe intelektualeve të rinj që themeluan PD-në. Në zgjedhjet e Marsit 1991, ishte kandidat i PD-së për deputet në një zonë rurale.
Në Janar 1992, Dr. Zaloshnja shkoi në SHBA për të mbrojtur doktoraturën. Që prej asaj kohe, ka jetuar në shtetin e Virxhinias, ndërkohë që ka botuar rregullisht artikuj në gazetat shqiptare. Aktualisht punon në "Pacific Institute for Research and Evaluation", me qendër në zonën metropolitane të Uashingtonit, ku merret me analizën ekonomike të aksidenteve në punë dhe në trafik. Një përshkrim më të hollësishëm të punës shkencore të Dr. Zaloshnjës mund ta gjeni në faqen e internetit:
http://www.pire.org/Staff_bios/Zaloshnjabio.doc.
Fron NAZI
Eshtë Drejtor i Projekteve për Ballkanin në Institutin e Menaxhimit Lindje Perëndim, Inc. (EWMI), një organizatë jofitimprurëse me bazë në New York dhe aktualisht Kryetar i Partisë së Projektit Advokues te OJQ-ve Kosovare, një marrëveshje bashkëpunimi mes USAID dhe EWMI. Ai punon që prej dhjetë vjetësh në Evropën Lindore dhe Qëndrore duke themeluar fondacione ndërkombëtare dhe lokale jo fitimprurëse. Ka qënë Drejtor Ekzekutiv i Fondacionit Soros dhe ka themeluar mjaft grupe &#8220;think tanks&#8221; si dhe OJQ në rajon. Ai siguron analiza për institucione të ndryshme qeveritare dhe organizata joqeveritare dhe vlerëson projekte për organizata ndërkombëtarë të BE-së dhe SHBA-së, në mënyrë të vazhdueshme. Ai është autor dhe publikues i artikujve dhe analizave të rajonit në organet kryesore të medias në Europë dhe Amerikë.
Klotilda FERHATI
Klotilda është diplomuar për Drejtësi, nga Fakulteti i Drejtësisë, Universiteti i Tiranës. Ajo është avokate pranë Studio Legale Tonucci &#8211; International Law Firm. Ekspertiza e saj fokusohet në të drejtën tregtare dhe civile, në legjislacionin e privatizimit dhe cështje ligjore në lidhje me organizatat jo-fitimprurëse. Nga ana tjetër, ajo ofron shërbime ligjore falas për organizatat jo-fitimprurëse. Aktualisht ajo po kontribuon në hartimin e strategjisë kombëtare në interes të personave me aftësi të kufizuar. Klotilda është anëtare e Bordit Kombëtar dhe këshilltare ligjore e Fushatës Mjaft!.
Klotilda ka punuar me Programin e Debatit që në vitin 1997, kur ky program ishte pjesë e Fondacionit Soros (OSFA), dhe aktualisht kontribuon si Kordinatore Programi e Organizatës Kombëtare të Debatit (ANDA). Ka qënë debatuese, ndër të parët që startuan debatin parlamentar në Shqipëri, dhe pikë kontakti e kordinimi për të gjithë klubet universitare të debatit pranë ANDA-s. Ajo është trajnere për praktikat e debatit në shkolla të mesme dhe universitete si dhe trajnere për trajnerë mbi cështje të menaxhimit institucional të OJF-ve e certifikuar nga ORT, USAID në bashkëpunim me World Learning.
Po ashtu ajo ka qënë anëtare e Bordit të Programit të Rinisë në (1998 &#8211; 2002) dhe Nën/Kryetare e Këshillit Rinor Shqiptar.
Valdet SALA
Valdeti është diplomuar më 1970 në Fizikë Teorike, në Universitetin e Tiranës. Ajo ka një M. Sc në Filozofi, Universiteti i Tiranës dhe është çertifikuar në Menaxhim dhe Administrim Librarie. Që në v.1993 ajo punon për Fondacionin Soros (Fondacioni i Shoqërisë së Hapur për Shqipërinë) si Drejtore Programi (Programi i te Drejtave të Grave; Zhvillimi i Librarive; Zhvillimi i OJQ-ve; Programi në Mbështetje të Arsimit të Lartë; Shëndeti Publik; Lindje-Lindje; Programi i Rinisë, etj.)
Valdeti është autore dhe bashkëautore e rreth 30 artikujve në çështje sociale dhe gjinore. Bashkëautore e kërkimeve në vëzhgime mbi çështjet gjinore: Si jetojnë Gratë e Divorcuara Shqiptare; Fëmijët e rrugës-Situata dhe gjëndja e tyre; Dhuna ndaj Gruas në Shqipëri dhe Tabutë që favorizojnë dhunën; Mbrojtja e të Drejtave Themelore të Fëmijëve në Shqipëri. Ajo bën pjesë në Grupin Ekspert të HDR (Raporti i Zhvillimit Njerëzor) Shqipëri për v.1995.1996.
Që nga vitit 1992 ajo ka qënë mjaft aktive në promovimin dhe zhvillimin e shoqërisë civile në Shqipëri. Aktualisht Valdeti është Kryetare e Asamblesë së &#8220;Refleksione&#8221;, Anëtare e Bordit të Organizatës së Biblotekave Shqiptare, Anëtare e bordit Editorial të Buletinit të qëndrës së Gruas, Kryetare Bordi e Fondacionit Shqiptar për Shoqërinë Civile, Anëtare e Bordit të Drejtuesve te Co-Plan.
http://www.mjaft.org/shq/people.htm
