Berisha dhe linçimi i 'Mjaft'
<span style="font-style: italic">" ..Burgjet e presidentit Berisha ishin dikur plot me "Erion Veliaj". Me cilët do t'i mbushë burgjet e tij kryeministri Sali Berisha ?Doktori nuk ka ndryshuar. Këtë e thonë nën zë edhe aleatët e tij të rinj, por e dëshmojnë edhe sjelljet e tij në publik."</span>
Nuk ishte e vështirë për t'u parashikuar, (edhe pse në një editorial të pak javëve më parë), ne e kishin lënë një dyshim: Si do të sillet Sali Berisha nëse në 4 korrik do të bëhet kryeministër? Kurioziteti ynë shtrihej që nga raportet e tij të ardhshme me mediat, me opozitën, korrupsionin, ligjin, shoqërinë civile etj. Ishim veçanërisht të interesuar të dinim se si do të sillet kryeministri Berisha kur një OJF (siç ishte shembulli i "Mjaft"
do të organizonte një protestë në shesh kundër qeverisë së tij ?
"Mjaft" ka kryer disa protesta në këto vitet e fundit kundër qeverisë socialiste dhe askush nuk e ndaloi për të bërë një gjë të tillë.
Po Berisha - pyesnim, do t'i lejojë të njëjtën liri kësaj organizate apo qindra OJF-ve të tjera që janë krijuar në vend? Këto përgjigje i morrëm pa patur nevojë për të pritur 4 korrikun. Për fat të keq, përgjigjja është JO. Provë e saj është reagimi i dhunshëm i këtyre ditëve të fundit i Partisë Demokratike ndaj lëvizjes "Mjaft", "fajtore" që publikoi një sondazh (i kryer nga një organizatë tjetër) nga i cili nuk rezulton që PD do të humbasë zgjedhjet, por vetëm që është në barazim me PS-në. Kaq mjaftoi që të niste linçimi tradicional i drejtuar nga lideri "demokratik" dhe i kryer nga qehajajtë e tij. Nuk qenka e vërtetë atëherë që Berisha ka ndryshuar.
Ai po dirigjon fushatën e shpifjeve kundër "Mjaft" në të njëjtën mënyrë me të cilën drejtoi për pesë vjet kur ishte në pushtet, apo në këto tetë vjet që ka qënë në opozitë, fushatat e linçimit dhe të shpifjeve kundër kujtdo që nuk pranonte të ishte shërbyesi i tij i bindur. Berisha vazhdon të besojë se e drejta për të drejtuar i është dhënë nga Zoti dhe kushdo që guxon që të pengojë edhe thjesht me fjalë marshimin e tij të lavdishëm drejt pushtetit është një heretik që duhet dënuar e djegur përpara publikut. Mjaftoi një sondazh (edhe pse një sondazh nuk vlen aspak para votës së zgjedhësve) për ta zhndërruar "Mjaft" në një organizatë "të korruptuar dhe kriminale". Deri më sot "Mjaft" është konsideruar gjithnjë si një lëvizje antiqeveritare. Kjo sepse "Mjaft" dhe drejtuesi i saj, Erion Veliaj kanë akuzuar qeverinë socialiste për korrupsion, abuzime, çensurë ndaj shtypit dhe paligjshmëri. Këto akuza janë kryer dikur dhe vazhdojnë të bëhen edhe sot.
Dhe është pikërisht falë kësaj pavarësie nga pushteti që "Mjaft" ka marrë vlerësime nga ndërkombëtarët dhe financime të shumta nga qeveri të ndryshme europiane. Vetë Berisha ka përdorur shumë herë akuzat e bëra nga "Mjaft" për fushatën e tij kundër Nanos. Por Berishës nuk i pëlqen që të shikojë pas. Nuk do që të tjerët të shohin nga e kaluara e tij ashtu si sot nuk do që të shihet e kaluara e "Mjaft". Erion Veliaj dhe përqindjet e e tij sot nuk i pëlqejnë Partisë Demokratike dhe kaq mjafton që të nisë hakmarrja e saj. Hakmarrje që ashtu siç ka bërë gjithnjë në të kaluarën Berisha, nis me artikuj të porositura prej tij tek gazetarë-qehajajtë dhe që vazhdon me deklarata falso të përhapura nga zëdhënësat e tij. Nëse do të bëhet kryeministër kështu siç ka bërë gjithnjë në të kaluarën, më pas stafetën e kësaj hakmarrjeje do ta marrë policia, prokuroria dhe shërbimet sekrete. Burgjet e presidentit Berisha ishin dikur plot me "Erion Veliaj". Me cilët do t'i mbushë burgjet e tij kryeministri Sali Berisha ?
Doktori nuk ka ndryshuar. Këtë e thonë nën zë edhe aleatët e tij të rinj, por e dëshmojnë edhe sjelljet e tij në publik. Për të, demokracia vazhdon të jetë një flamur në emër të të cilit pretendon se ka të drejtën për të kryer çdo lloj censure. Për të, demokraci do të thotë anulimi i çdo kritike, zhdukja e çdo disidenti, ofendimi dhe shpifja pa asnjë provë. Berisha shkon deri aty sa lejon edhe zëdhënësin e tij Edi Palokën ( i cili është deputet dhe anëtar i kryesisë së PD-së) që të deklarohet falso dhe paturpësisht si anëtar i Partisë së Ballit Kombëtar Demokrat, vetëm për të realizuar skemën e tij elektorale dhe për të vazhduar i pashqetësuar marshimin drejt marrjes së pushtetit. Çfarë do të bëjë nesër nëse do të jetë kryeministër? Çfarë ligji tjetër (etik, moral, liberal dhe demokratik) do të shkelë për të mbrojtur regjimin e tij? Pa më të voglën ironi, po bëjmë një apel për të gjithë: Mund t'i shpjegojë dikush Sali Berishës që demokracia nuk është diktaturë ?
<span style="font-style: italic">" ..Burgjet e presidentit Berisha ishin dikur plot me "Erion Veliaj". Me cilët do t'i mbushë burgjet e tij kryeministri Sali Berisha ?Doktori nuk ka ndryshuar. Këtë e thonë nën zë edhe aleatët e tij të rinj, por e dëshmojnë edhe sjelljet e tij në publik."</span>
Nuk ishte e vështirë për t'u parashikuar, (edhe pse në një editorial të pak javëve më parë), ne e kishin lënë një dyshim: Si do të sillet Sali Berisha nëse në 4 korrik do të bëhet kryeministër? Kurioziteti ynë shtrihej që nga raportet e tij të ardhshme me mediat, me opozitën, korrupsionin, ligjin, shoqërinë civile etj. Ishim veçanërisht të interesuar të dinim se si do të sillet kryeministri Berisha kur një OJF (siç ishte shembulli i "Mjaft"
do të organizonte një protestë në shesh kundër qeverisë së tij ?"Mjaft" ka kryer disa protesta në këto vitet e fundit kundër qeverisë socialiste dhe askush nuk e ndaloi për të bërë një gjë të tillë.
Po Berisha - pyesnim, do t'i lejojë të njëjtën liri kësaj organizate apo qindra OJF-ve të tjera që janë krijuar në vend? Këto përgjigje i morrëm pa patur nevojë për të pritur 4 korrikun. Për fat të keq, përgjigjja është JO. Provë e saj është reagimi i dhunshëm i këtyre ditëve të fundit i Partisë Demokratike ndaj lëvizjes "Mjaft", "fajtore" që publikoi një sondazh (i kryer nga një organizatë tjetër) nga i cili nuk rezulton që PD do të humbasë zgjedhjet, por vetëm që është në barazim me PS-në. Kaq mjaftoi që të niste linçimi tradicional i drejtuar nga lideri "demokratik" dhe i kryer nga qehajajtë e tij. Nuk qenka e vërtetë atëherë që Berisha ka ndryshuar.
Ai po dirigjon fushatën e shpifjeve kundër "Mjaft" në të njëjtën mënyrë me të cilën drejtoi për pesë vjet kur ishte në pushtet, apo në këto tetë vjet që ka qënë në opozitë, fushatat e linçimit dhe të shpifjeve kundër kujtdo që nuk pranonte të ishte shërbyesi i tij i bindur. Berisha vazhdon të besojë se e drejta për të drejtuar i është dhënë nga Zoti dhe kushdo që guxon që të pengojë edhe thjesht me fjalë marshimin e tij të lavdishëm drejt pushtetit është një heretik që duhet dënuar e djegur përpara publikut. Mjaftoi një sondazh (edhe pse një sondazh nuk vlen aspak para votës së zgjedhësve) për ta zhndërruar "Mjaft" në një organizatë "të korruptuar dhe kriminale". Deri më sot "Mjaft" është konsideruar gjithnjë si një lëvizje antiqeveritare. Kjo sepse "Mjaft" dhe drejtuesi i saj, Erion Veliaj kanë akuzuar qeverinë socialiste për korrupsion, abuzime, çensurë ndaj shtypit dhe paligjshmëri. Këto akuza janë kryer dikur dhe vazhdojnë të bëhen edhe sot.
Dhe është pikërisht falë kësaj pavarësie nga pushteti që "Mjaft" ka marrë vlerësime nga ndërkombëtarët dhe financime të shumta nga qeveri të ndryshme europiane. Vetë Berisha ka përdorur shumë herë akuzat e bëra nga "Mjaft" për fushatën e tij kundër Nanos. Por Berishës nuk i pëlqen që të shikojë pas. Nuk do që të tjerët të shohin nga e kaluara e tij ashtu si sot nuk do që të shihet e kaluara e "Mjaft". Erion Veliaj dhe përqindjet e e tij sot nuk i pëlqejnë Partisë Demokratike dhe kaq mjafton që të nisë hakmarrja e saj. Hakmarrje që ashtu siç ka bërë gjithnjë në të kaluarën Berisha, nis me artikuj të porositura prej tij tek gazetarë-qehajajtë dhe që vazhdon me deklarata falso të përhapura nga zëdhënësat e tij. Nëse do të bëhet kryeministër kështu siç ka bërë gjithnjë në të kaluarën, më pas stafetën e kësaj hakmarrjeje do ta marrë policia, prokuroria dhe shërbimet sekrete. Burgjet e presidentit Berisha ishin dikur plot me "Erion Veliaj". Me cilët do t'i mbushë burgjet e tij kryeministri Sali Berisha ?
Doktori nuk ka ndryshuar. Këtë e thonë nën zë edhe aleatët e tij të rinj, por e dëshmojnë edhe sjelljet e tij në publik. Për të, demokracia vazhdon të jetë një flamur në emër të të cilit pretendon se ka të drejtën për të kryer çdo lloj censure. Për të, demokraci do të thotë anulimi i çdo kritike, zhdukja e çdo disidenti, ofendimi dhe shpifja pa asnjë provë. Berisha shkon deri aty sa lejon edhe zëdhënësin e tij Edi Palokën ( i cili është deputet dhe anëtar i kryesisë së PD-së) që të deklarohet falso dhe paturpësisht si anëtar i Partisë së Ballit Kombëtar Demokrat, vetëm për të realizuar skemën e tij elektorale dhe për të vazhduar i pashqetësuar marshimin drejt marrjes së pushtetit. Çfarë do të bëjë nesër nëse do të jetë kryeministër? Çfarë ligji tjetër (etik, moral, liberal dhe demokratik) do të shkelë për të mbrojtur regjimin e tij? Pa më të voglën ironi, po bëjmë një apel për të gjithë: Mund t'i shpjegojë dikush Sali Berishës që demokracia nuk është diktaturë ?
