A nuk eshte cudi???????????
ME poshte eshte nje artikull i marre nga gazeta shekulli. Lexojeni me kujdes edhe jepni mendimet tuaja rreth ketij artikulli. Une me nje fjali them: Babai eshte kriminel, denimi qesharak...
Ruzhdi Qinami vrau me 4 plumba vajzën e tij 16- vjeçare, pse donte një djalë tjetër ndërsa ishte e fejuar
Vrau vajzën se iku me të dashurin, vetëm 16 muaj burg
Gjykata i njohu të pandehurit një sërë lehtësirash duke i dhënë dënimin minimal
Alma Çuka
TIRANË – Dënohet me 1 vit e 4 muaj burg, Ruzhdi Qinami, akuzuar për vrasjen e vajzës së tij 16 vjeçe më 3 korrik të këtij viti. Për gjykatën ka qenë tepër e lehtë dhënia e dënimit, pas kualifikimit të veprës penale të bërë nga organi i akuzës. Qinami u dënua vetëm me 16 muaj burg pasi prokuroria e klasifikoi veprën penale si vrasje të kryer në kushtet e tronditjes së rëndë psiqike. Para gjykatës prokurori, i cili bëri edhe klasifikimin e veprës penale, kërkoi dënimin e të pandehurit me 8 vjet burg. Kaq është edhe dënimi maksimal për këtë vepër, parashikuar nga Kodi Penal.
Vendimi
Gjykata në dhënien e vendimit ndaj Ruzhdi Qinamit, tha se ka mbajtur parasysh një sërë rrethanash lehtësuese. E para, Qinami ka pranuar akuzën duke përfituar gjykimin e shkurtuar, e dyta është baba i katër fëmijëve të tjerë të cilët presin në shtëpi ndihmë, e treta, i pandehuri ka qenë mjaft i tronditur nga veprimi i vajzës kur vendosi të qëllojë mbi trupin e saj të njomë duke e lënë të vdekur në vend para syve të tij. Sipas gjykatës, Qinami kur ka qëlluar mbi vajzën nuk ka qenë i aftë për të arsyetuar, por ai i ka kaluar këto caqe duke e goditur atë me katër plumba. Pra si përfundim gjykata në dhënien e vendimit të saj i krijoi shumë kushte lehtësuese, Ruzhdi Qinamit. I pandehuri ishte i pranishëm dje në sallën e gjyqit dhe pas dhënies së vendimit nuk reagoi. Edhe prokurori i çështjes lexoi para gjykatës konkluzionet përfundimtare duke qenë i sigurt se dha maksimumin për të pandehurin.
I pandehuri
Babai vrasës që në seancën e parë gjyqësore bëri të penduarin në gjykatë. Ai pranoi fajësinë para gjyqtarit Arben Kostandini me qëllim përfitimin e uljes së dënimit me një të tretën. Nuk kishte dëshirë të zhvilloheshin seanca gjyqësore me praninë e dëshmitarëve, madje që në fillim nuk ka dashur të flasë për kushtet dhe rrethanat në të cilat vrau vajzën e madhe të shtëpisë. Ruzhdi Qinami banon në fshatin Bërxull të Tiranës. Në këtë fshat familjet e Ruzhdi Qinamit dhe vëllait të tij janë vendosur disa muaj para se të ndodhte vrasja. Në periferinë e kryeqytetit ata kanë zbritur nga fshati Bushtricë i rrethit të Kukësit. Në 3 korrik 2003 Ruzhdi Qinami vrau me katër plumba vajzën e tij 16 vjeçe Fiqirete Qinami. Gjatë hetimit nuk u fol asnjëherë për arsyet që çuan Qinamin në vrasjen e së bijës. Vetëm para gjykatës u deklarua një gjë e tillë.
Krimi
Qinami ka shpjeguar gjatë hetimit se vajzën e kishte të fejuar. Natën e krimit vajza e tij kishte dalë nga shtëpia dhe sipas shpjegimeve, ajo kishte qëndruar gjatë gjithë kohës me të dashurin e ri, të cilin edhe sot e kësaj dite policia ende nuk e ka zbuluar se kush është. Babai nuk e duroi dot faktin që vajza nuk ishte në mbrëmje në shtëpi dhe gjatë gjithë natës ka qëndruar në pritje. “E prita vajzën tek dera e shtëpisë. E hapa derën kur erdhi dhe e pyeta ku kishte qenë. Vajza m’u përgjigj se kishte qenë me të dashurin e saj”. Këto fjalë i ka thënë në prokurori Qinami, i cili më pas ka shpjeguar se nuk e përmbajti dot veten para turpit. Ai është shprehur se vajzën e kishte të fejuar dhe zakonet e tyre nuk e lejonin që vajza të dilte natën nga shtëpia me djem të tjerë. Vajza e të pandehurit kishte dy vjet e fejuar në një fshat të Dibrës me një djalë i cili jetonte në emigracion në Angli. Vajza mendohet se nuk ka qenë dakord me fejesën e bërë nga babai i saj që në moshën 14 vjeçe dhe është munduar ta kundërshtojë atë. Qinami ka replikuar me vajzën e cila sipas dëshmive të para ka qenë deri në orët e vona të mëngjesit të datës 3 korrik jashtë shtëpisë. Ruzhdi Qinami nuk ka ngurruar të zbrazë armën që e mbante në shtëpi pa leje, kundër së bijës 16 vjeçe e cila më pas u pastrua nga gjaku nga nëna e saj dhe në 4 korrik u dërgua për në varreza, në mënyrë që policia të mos e merrte vesh të vërtetën. Por një informator i policisë ka bërë që gjithçka të zbulohet dhe të arrestohet autori i krimit. Viktima u vra 3 javë përpara se të martohej me djalin nga Dibra.
PROKURORIA
Do ta apelojmë vendimin
Prokurori i çështjes ka deklaruar dje pas procesit se do ta apelonte në gjykatën e Apelit vendimin edhënë nga gjykata e shkallës së parë Tiranë. Burime zyrtare të Prokurorisë së Tiranës deklaruan dje në mbrëmje se vendimi i gjykatës është mjaft i butë ndaj autorit të vrasjes së 3 korrikut, ndërkohë që dispozita e cilësuar nga prokuroria i çështjes parashikonte një dënim maksimal prej 8 vjetësh burg. Prokuroria pretendon se ka kërkuar dënimin e Ruzhdi Qinamit me 8 vjet burg, dhe kërkesa e saj nuk duhej të zbutej deri një masë të tillë dënimi, pothuajse të papërfillshme. Prokurori i çështjes do të apelojë vendimin e gjykatës së shkallës së parë brenda 10 ditëve dhe do të kërkojë nga gjykata e shkallës së dytë një dënim më të ashpër.
PRECEDENTET
30 prill 2002.
Pëllumb Neli vret gruan e tij Nafije Nelin, nënë e dy fëmijëve dhe baxhanakun e tij Armando Mehmetin. Ngjarja ka ndodhur në fshatin Priskë e Vogël. Autori vetëdorëzohet dy ditë më vonë
6 gusht 2002
Zylfi Biba, 16-vjeç, vret nënën e tij Ikbale Biba. Ngjarja ka ndodhur në fshatin Prezë. Autori i kapur pak orë pas krimit tha se u hakmor për të mbrojtur nderin e motrës, që e ëma do ta dërgonte prostitutë.
2 Nëntor 2002
Arben Shkalla, një përdorues i lëndëve narkotike dhe mendërisht me probleme, ka vrarë duke e masakruar me sqepar nusen e djalit të hallës, dhe ka plagosur fqinjen e vet, pas një grindjeje banale që ka patur me to.
20 Maj 2003
Çlirim Biçaku e ka spërkatur me benzinë dhe më pas i ka vënë flakën gruas dhe fëmijës së tij nëntë muajsh që po ushqehej me gjirin e së ëmës. Ngjarja ndodhi në lagjen Babrru, për fat s’pati të vdekur.
REAGIME
Piro Misha, Publicist
Vendimi gjyqësor në fjalë është një tjetër dëshmi e mangësive të shumta që ka sistemi shqiptar i drejtësisë. Ai tregon se shumë nga problemet e këtij vendi vijnë pikërisht nga mosfunksionimi i hallkave të drejtësisë. Unë jam i mendimit se vendimi i djeshëm duhet të hapë një diskutim të madh publik, për rrethanat në të cilat gjykohet një njeri, që në këtë rast është një vrasës, pavarësisht kushteve ku ndodhi krimi. Mendoj se kemi të bëjmë me plagë dhe anë negative që Shqipëria duhet t’i lërë pas.
Arben Kumbaro, regjisor
Një prind që vret fëmijën e vet është një absurd më vete. Po kështu edhe një vendim i tillë gjykate, është qesharak. Është e trishtueshme që krime të tilla ndodhin në Shqipëri, shumë e trishtueshme, sepse në fund të fundit ai tregon primitivizëm dhe mungesë hapësirë për jetën e njeriut. Edhe vendimi i djeshëm i gjykatës nuk është gjë tjetër veçse mungesë kulture dhe hapësire për jetën e njeriut. Aq më shumë kur sistemi i drejtësisë nuk e ktheu dënimin e këtij personi që vrau fëmijën e vet në një shembull social, për të shmangur vazhdimësinë e këtij krimi.
Elsa Ballauri, kryetare e GSHDNJ
Në Shqipëri ekziston nëj koefiçent i çuditshëm i drejtësisë. Besoj se krime të tilla dhe vendime të tilla gjyqësore gjenerojnë nga aspekte dhe tradita të ngulitura të popullit shqiptar. Gjithsesi unë nuk e di sesa i kanë peshuar specialistët provat dhe detajet e ngjarjes në fjalë. Nëse personi që ka kryer krimin ka shfaqur shenja të forta depresioni, në ato momente, mendoj se vepra penale duhet gjykuar nga ky këndvështrim. Por nëse vepra penale është gjykuar ne kuadrin e një lloj justifikimi të mentaliteti primitiv shqiptar, që e sheh femrën ende si pronë të mashkullit, atëherë problemi ndryshon dhe një dënim i tillë do të ishte i pafalshëm.
Briseida Mema, gazetare
Nuk është absolutisht e drejtë që vrasja e një njeriu të dënohet kaq pak. Unë do ta quaja të turpshëm vendimin e djeshëm të gjykatës dhe them me bindje se dënime të tilla, kaq të ulëta, nuk do të jepeshin kurrë në asnjë vend të zhvilluar demokratik. Për më shumë, ai nxit efektin e vetëgjyqësisë dhe krijon precedentë për të ardhmen. Një vendim i tillë gjykate mbron vetëm dhunuesin dhe kurrsesi viktimën. Historia e popujve të tjerë ofron shumë raste, kur ka qenë vetë reagimi i medias, i opinionit publik, që i ka kthyer mbrapsht vendime të tilla të padrejta.
ME poshte eshte nje artikull i marre nga gazeta shekulli. Lexojeni me kujdes edhe jepni mendimet tuaja rreth ketij artikulli. Une me nje fjali them: Babai eshte kriminel, denimi qesharak...
Ruzhdi Qinami vrau me 4 plumba vajzën e tij 16- vjeçare, pse donte një djalë tjetër ndërsa ishte e fejuar
Vrau vajzën se iku me të dashurin, vetëm 16 muaj burg
Gjykata i njohu të pandehurit një sërë lehtësirash duke i dhënë dënimin minimal
Alma Çuka
TIRANË – Dënohet me 1 vit e 4 muaj burg, Ruzhdi Qinami, akuzuar për vrasjen e vajzës së tij 16 vjeçe më 3 korrik të këtij viti. Për gjykatën ka qenë tepër e lehtë dhënia e dënimit, pas kualifikimit të veprës penale të bërë nga organi i akuzës. Qinami u dënua vetëm me 16 muaj burg pasi prokuroria e klasifikoi veprën penale si vrasje të kryer në kushtet e tronditjes së rëndë psiqike. Para gjykatës prokurori, i cili bëri edhe klasifikimin e veprës penale, kërkoi dënimin e të pandehurit me 8 vjet burg. Kaq është edhe dënimi maksimal për këtë vepër, parashikuar nga Kodi Penal.
Vendimi
Gjykata në dhënien e vendimit ndaj Ruzhdi Qinamit, tha se ka mbajtur parasysh një sërë rrethanash lehtësuese. E para, Qinami ka pranuar akuzën duke përfituar gjykimin e shkurtuar, e dyta është baba i katër fëmijëve të tjerë të cilët presin në shtëpi ndihmë, e treta, i pandehuri ka qenë mjaft i tronditur nga veprimi i vajzës kur vendosi të qëllojë mbi trupin e saj të njomë duke e lënë të vdekur në vend para syve të tij. Sipas gjykatës, Qinami kur ka qëlluar mbi vajzën nuk ka qenë i aftë për të arsyetuar, por ai i ka kaluar këto caqe duke e goditur atë me katër plumba. Pra si përfundim gjykata në dhënien e vendimit të saj i krijoi shumë kushte lehtësuese, Ruzhdi Qinamit. I pandehuri ishte i pranishëm dje në sallën e gjyqit dhe pas dhënies së vendimit nuk reagoi. Edhe prokurori i çështjes lexoi para gjykatës konkluzionet përfundimtare duke qenë i sigurt se dha maksimumin për të pandehurin.
I pandehuri
Babai vrasës që në seancën e parë gjyqësore bëri të penduarin në gjykatë. Ai pranoi fajësinë para gjyqtarit Arben Kostandini me qëllim përfitimin e uljes së dënimit me një të tretën. Nuk kishte dëshirë të zhvilloheshin seanca gjyqësore me praninë e dëshmitarëve, madje që në fillim nuk ka dashur të flasë për kushtet dhe rrethanat në të cilat vrau vajzën e madhe të shtëpisë. Ruzhdi Qinami banon në fshatin Bërxull të Tiranës. Në këtë fshat familjet e Ruzhdi Qinamit dhe vëllait të tij janë vendosur disa muaj para se të ndodhte vrasja. Në periferinë e kryeqytetit ata kanë zbritur nga fshati Bushtricë i rrethit të Kukësit. Në 3 korrik 2003 Ruzhdi Qinami vrau me katër plumba vajzën e tij 16 vjeçe Fiqirete Qinami. Gjatë hetimit nuk u fol asnjëherë për arsyet që çuan Qinamin në vrasjen e së bijës. Vetëm para gjykatës u deklarua një gjë e tillë.
Krimi
Qinami ka shpjeguar gjatë hetimit se vajzën e kishte të fejuar. Natën e krimit vajza e tij kishte dalë nga shtëpia dhe sipas shpjegimeve, ajo kishte qëndruar gjatë gjithë kohës me të dashurin e ri, të cilin edhe sot e kësaj dite policia ende nuk e ka zbuluar se kush është. Babai nuk e duroi dot faktin që vajza nuk ishte në mbrëmje në shtëpi dhe gjatë gjithë natës ka qëndruar në pritje. “E prita vajzën tek dera e shtëpisë. E hapa derën kur erdhi dhe e pyeta ku kishte qenë. Vajza m’u përgjigj se kishte qenë me të dashurin e saj”. Këto fjalë i ka thënë në prokurori Qinami, i cili më pas ka shpjeguar se nuk e përmbajti dot veten para turpit. Ai është shprehur se vajzën e kishte të fejuar dhe zakonet e tyre nuk e lejonin që vajza të dilte natën nga shtëpia me djem të tjerë. Vajza e të pandehurit kishte dy vjet e fejuar në një fshat të Dibrës me një djalë i cili jetonte në emigracion në Angli. Vajza mendohet se nuk ka qenë dakord me fejesën e bërë nga babai i saj që në moshën 14 vjeçe dhe është munduar ta kundërshtojë atë. Qinami ka replikuar me vajzën e cila sipas dëshmive të para ka qenë deri në orët e vona të mëngjesit të datës 3 korrik jashtë shtëpisë. Ruzhdi Qinami nuk ka ngurruar të zbrazë armën që e mbante në shtëpi pa leje, kundër së bijës 16 vjeçe e cila më pas u pastrua nga gjaku nga nëna e saj dhe në 4 korrik u dërgua për në varreza, në mënyrë që policia të mos e merrte vesh të vërtetën. Por një informator i policisë ka bërë që gjithçka të zbulohet dhe të arrestohet autori i krimit. Viktima u vra 3 javë përpara se të martohej me djalin nga Dibra.
PROKURORIA
Do ta apelojmë vendimin
Prokurori i çështjes ka deklaruar dje pas procesit se do ta apelonte në gjykatën e Apelit vendimin edhënë nga gjykata e shkallës së parë Tiranë. Burime zyrtare të Prokurorisë së Tiranës deklaruan dje në mbrëmje se vendimi i gjykatës është mjaft i butë ndaj autorit të vrasjes së 3 korrikut, ndërkohë që dispozita e cilësuar nga prokuroria i çështjes parashikonte një dënim maksimal prej 8 vjetësh burg. Prokuroria pretendon se ka kërkuar dënimin e Ruzhdi Qinamit me 8 vjet burg, dhe kërkesa e saj nuk duhej të zbutej deri një masë të tillë dënimi, pothuajse të papërfillshme. Prokurori i çështjes do të apelojë vendimin e gjykatës së shkallës së parë brenda 10 ditëve dhe do të kërkojë nga gjykata e shkallës së dytë një dënim më të ashpër.
PRECEDENTET
30 prill 2002.
Pëllumb Neli vret gruan e tij Nafije Nelin, nënë e dy fëmijëve dhe baxhanakun e tij Armando Mehmetin. Ngjarja ka ndodhur në fshatin Priskë e Vogël. Autori vetëdorëzohet dy ditë më vonë
6 gusht 2002
Zylfi Biba, 16-vjeç, vret nënën e tij Ikbale Biba. Ngjarja ka ndodhur në fshatin Prezë. Autori i kapur pak orë pas krimit tha se u hakmor për të mbrojtur nderin e motrës, që e ëma do ta dërgonte prostitutë.
2 Nëntor 2002
Arben Shkalla, një përdorues i lëndëve narkotike dhe mendërisht me probleme, ka vrarë duke e masakruar me sqepar nusen e djalit të hallës, dhe ka plagosur fqinjen e vet, pas një grindjeje banale që ka patur me to.
20 Maj 2003
Çlirim Biçaku e ka spërkatur me benzinë dhe më pas i ka vënë flakën gruas dhe fëmijës së tij nëntë muajsh që po ushqehej me gjirin e së ëmës. Ngjarja ndodhi në lagjen Babrru, për fat s’pati të vdekur.
REAGIME
Piro Misha, Publicist
Vendimi gjyqësor në fjalë është një tjetër dëshmi e mangësive të shumta që ka sistemi shqiptar i drejtësisë. Ai tregon se shumë nga problemet e këtij vendi vijnë pikërisht nga mosfunksionimi i hallkave të drejtësisë. Unë jam i mendimit se vendimi i djeshëm duhet të hapë një diskutim të madh publik, për rrethanat në të cilat gjykohet një njeri, që në këtë rast është një vrasës, pavarësisht kushteve ku ndodhi krimi. Mendoj se kemi të bëjmë me plagë dhe anë negative që Shqipëria duhet t’i lërë pas.
Arben Kumbaro, regjisor
Një prind që vret fëmijën e vet është një absurd më vete. Po kështu edhe një vendim i tillë gjykate, është qesharak. Është e trishtueshme që krime të tilla ndodhin në Shqipëri, shumë e trishtueshme, sepse në fund të fundit ai tregon primitivizëm dhe mungesë hapësirë për jetën e njeriut. Edhe vendimi i djeshëm i gjykatës nuk është gjë tjetër veçse mungesë kulture dhe hapësire për jetën e njeriut. Aq më shumë kur sistemi i drejtësisë nuk e ktheu dënimin e këtij personi që vrau fëmijën e vet në një shembull social, për të shmangur vazhdimësinë e këtij krimi.
Elsa Ballauri, kryetare e GSHDNJ
Në Shqipëri ekziston nëj koefiçent i çuditshëm i drejtësisë. Besoj se krime të tilla dhe vendime të tilla gjyqësore gjenerojnë nga aspekte dhe tradita të ngulitura të popullit shqiptar. Gjithsesi unë nuk e di sesa i kanë peshuar specialistët provat dhe detajet e ngjarjes në fjalë. Nëse personi që ka kryer krimin ka shfaqur shenja të forta depresioni, në ato momente, mendoj se vepra penale duhet gjykuar nga ky këndvështrim. Por nëse vepra penale është gjykuar ne kuadrin e një lloj justifikimi të mentaliteti primitiv shqiptar, që e sheh femrën ende si pronë të mashkullit, atëherë problemi ndryshon dhe një dënim i tillë do të ishte i pafalshëm.
Briseida Mema, gazetare
Nuk është absolutisht e drejtë që vrasja e një njeriu të dënohet kaq pak. Unë do ta quaja të turpshëm vendimin e djeshëm të gjykatës dhe them me bindje se dënime të tilla, kaq të ulëta, nuk do të jepeshin kurrë në asnjë vend të zhvilluar demokratik. Për më shumë, ai nxit efektin e vetëgjyqësisë dhe krijon precedentë për të ardhmen. Një vendim i tillë gjykate mbron vetëm dhunuesin dhe kurrsesi viktimën. Historia e popujve të tjerë ofron shumë raste, kur ka qenë vetë reagimi i medias, i opinionit publik, që i ka kthyer mbrapsht vendime të tilla të padrejta.
