Re: A ka ndryshuar Berisha ?
Kryetari i PS-së, Edi Rama e cilësoi grusht shteti kalimin e ligjit për median në Parlament. Gjatë takimeve me bazën në Elbasan, Rama u shpreh se “veprimet e qeverisë Berisha morën trajtat e grushtit të shtetit, përmes shpërbërjes së mekanizmit të balancuar të medias dhe Radio-Televizionit Publik si dhe përjashtimit absurd të një kategorie sipërmarrësish nga hapësira e lirisë së medias”. Ai tha se, “këtë goditje tërësisht autoritare dhe primitive që u plotësua dhe me shkarkimin antikushtetues të një sërë autoritetesh të tjera, opozita shqiptare e konsideron ekzekutim të një projekti ogurzi uzurpimi të krejt sistemit demokratik.
Tanimë, - theksoi Rama, - Sali Berisha është shfaqur në të tërë përmasën e vet të mirënjohur dhe famëkeqe. Sipas kreut socialist, “të gjitha ato mekanizma garancish të opozitës të krijuara me mund për vite me radhë falë sensit të respektit për opozitën që kishte maxhoranca e deridjeshme, sot janë çbërë përfundimisht”. Mediat, sipas Ramës, kanë rënë në kthetrat e Sali Berishës. “Pushteti i katërt është kthyer në objekt shantazhi dhe trysnie nga ana e shumicës aktuale në Kuvend. Vetë Kuvendi është kthyer në kohën e mëkateve antikushtetuese dhe antidemokratike të Sali Berishës së parë”, - nënvizoi Rama, pak orë pas seancës parlamentare. “Ne nuk do të jemi kurrë dekori i farsës që Sali Berisha kërkon të imponojë, duke e përdorur kartonin si një levë për të çmontuar pushtetet dhe institucionet e pavarura apo autonome të këtij sistemi që u ringrit nga hiri i vitit ‘97", - theksoi Rama.
