100% shqip -- Konsumo produkte shqiptare

L

Leopardii

Primus registratum
Re: 100% shqip -- Konsumo produkte shqiptare

Në muajin Gusht të vitit 2005 eksporti u ul nga 6,470 mln lekë në 3,807 mln lekë (41.2%) në krahasim me Korrikun e 2005, dhe u rrit 2.2% në krahasim me muajin Gusht të 2004. Importi u rrit nga 21,410 mln lekë në 21,787 mln lekë (1.8%) në krahasim me një muaj më parë të vitit 2005, dhe krahasuar me muajin Gusht të 2004, importi rritet me 17.3%. Ndihmat në këtë muaji janë 36 mln lekë. Defiçiti tregtar i këtij muaji është 17,980 mln lekë, duke shënuar një rritje prej 20.3% ndaj muajit paraardhës dhe 21% rritje në krahasim me muajin respektiv të vitit 2004. Në këtë muaj,tregtia me vendet e Bashkimit Europian zuri 62.6%. Partnerët kryesorë tregtarë edhe gjatë në këtë muaj ishin Italia dhe Greqia. Eksporti me Italinë është 61.3% dhe importi 20.7%. Kurse me Greqinë, eksporti është 14.4% dhe importi 17.5%. Gjatë këtij muaji disa nga partnerët tanë tregtarë më të cilët eksporti dhe importi është rritur, janë respektivisht: Maqedonia, Brazili, Bosnje-Hercegovina, Franca, etj, (për eksportin) dhe Kina, Finlanda, Rusia, Turqia, Gjermania, etj, (për importin). Duke krahasuar të dhënat e këtij muaji me të dhënat e muajit paraardhës për disa nga grupmallrat më kryesore shohim se: Eksporti i grupit “Produkte kimike dhe plastike” u rrit nga 62 mln lekë në 67 mln lekë (9%). Ndërsa eksporti i grupit “Makineri, pajisje dhe pjesë këmbimi” u ul nga 195 mln lekë në 93 mln lekë (52.4%), “Materiale ndërtimi dhe metale” u ul nga 1330 mln lekë në 640 mln lekë (51.9%), “Tekstile dhe këpucë” u ul nga 3620 mln lekë në 1,991 mln lekë (45%), etj. Importi i grupit “Minerale, lëndë djegëse, energji elektrike” u rrit nga 1628 mln lekë në 2,937 mln lekë (80.4%), “Ushqime, pije, duhan” u rrit nga 3,111 mln lekë në 3,772 mln lekë (21.3%), etj. Ndërsa importi i grupit “Lëkurët dhe artikujt prej tyre” u ul nga 529 mln lekë në 222 mln lekë (58.1%), “Tekstile dhe këpucë” u ul nga 2,727 mln lekë në 1,634 mln lekë (40.1%), etj. Treguesi i specializimit shpreh diferencën ndërmjet përqindjes që zë eksporti i çdo produkti ndaj eksportit në total dhe përqindjes që zë importi i çdo produkti ndaj importit në total. Ky tregues llogaritet vetëm për grupproduktet e nëntë seksioneve të Sistemit të Harmonizuar (HS). Shohim se për muajin Gusht të vitit 2005 ky tregues është rritur në krahasim me të njëjtin muaj të vitit 2004 për grupin “Tekstile dhe këpucë”.


http://www.instat.gov.al/
 
L

Leopardii

Primus registratum
Re: 100% shqip -- Konsumo produkte shqiptare

Ja si paraqiteshin produktet në revistën “Java”


Vitet ‘30, reklamat që i hapën portat zhvillimit

Bizneset vuajnë hendekun 50 -vjeçar të socializmit



Shumë njerëz e kujtojnë Shqipërinë e viteve ’30 si një moment kulminant zhvillimi, ku tregtia vendase dhe eksporti dominonin.

Hendeku 50-vjeçar i socializmit mpiu trurin popullor me një mentalitet fals, pas kapërcimit të së cilit çdo gjë na dukej e re dhe e panjohur. Ata që emigruan në fillim habiteshin se pse autobusët ndalonin në kryqëzime vetëm prej disa dritave (semaforëve), të tjerë nuk dinin se kishte dhe çezma me rële ku mungonte rubineti, dhe akoma më keq ndodhte në restorante, ku uji i ngrohtë me limon që sillej për të shpëlarë duart pas ngrënies së peshkut, pihej si tretës nga padija. Këto situata që tani na duken komike, por edhe të tjera më pikante se këto, i përjetuan pjesa dominonte e shqiptarëve në fillim të viteve ’90. Mungesa e informacionit kishte dhe përkthimin; vënien në siklet përballë të tjerëve. Gazeta ka kërkuar në revistat e vjetra të kohës së Zogut, ku një ndër gjërat që na ka bërë më shumë përshtypje ka qenë reklamimi i mallrave. Elegancë, thjeshtësi dhe shumëllojshmëri. Ndryshe nga sot, atëherë më të fuqishëm duken tregtarët e vegjël, të cilët mbushnin faqet e të përditshmeve duke reklamuar biznesin e tyre. Në gazetat e revistat e sotme dominojnë reklamat shtetërore, ato të kompanive celulare dhe ndonjë banke, ndërsa rrallë shohim biznesmenë privatë që reklamojnë mallrat e tyre. Zhvillimi i një shteti testohet edhe nga fuqia e biznesit të vogël. Në revistën “Java” të publikuar në vitet ’30, kemi përzgjedhur llojet e reklamimeve, metodën dhe batutat për të tërhequr sa më shumë blerës, duke sjellë një pasazh nga Shqipëria në vitet ’30. Dhe kjo ishte vetëm një revistë e përjavshme, ndërsa në gazetat e përditshme reklamimet ishin më të shumta.

Produktet ushqimore
Në politikën e marketingut të viteve ‘30, rolin kryesor e zinte malli vendas. “Luftë” e hapur i qe shpallur produkteve të huaja, pasi cilësia e mallrave shqiptare ishte konkurrente. Në vitin 1937 prodhuesit e birrës “Korça” reklamonin në një mënyre tjetër mallin e tyre: “Nuk është nevojë për birrë të jashtme. Eshtë e tepërt, bile e dëmëshme, të nxjerrim jashtë arin t’onë kur birra e Korçës i përgjigjet çdo nevoje e çdo kërkimi”. Për produktet ushqimore mënyra e reklamimit ka qenë ndryshe. Ajo shkruhej në bazë të provës së bërë nga njerëzit dhe i dedikohej opinioneve të tyre. Birra “Korça” ashtu sikurse edhe produkte të tjera, sloganet e reklamimit i ndryshonin shpesh. “Po pse të importojmë birrë së jashtmi. Kemi birrën “Korça”, e cila është shumë më e shijshme se ato të markave të jashtme, por kemi edhe për detyrë ta përdorim birra “Korça”, sepse ajo fabrikë u jep punë një numri të madh punëtorësh shqiptarë ”. Duket se reklamat ndryshojnë edhe në bazë të politikës së gazetës, të cilat në atë kohë shquheshin për nacionalizëm. Firma e makaronave “Gjeli” e ka reklamuar kështu produktin: “Kush ka përdorur, vendas ose i huej, makaronet e fabrikës së zotit Tahir Beshiri, ka konstatuar dhe e ka ndjerë veten i detyruar të deklarojë se makaronat e markës “Gjeli” janë më të preferueshme se çdo markë tjetër e vendit ose e huaj... Mahmut Tota në pazarin e vjetër afër pusit, kundrejt bashkisë në kryeqytet ka: Pije të zgjedhura të vendit e të huaja dhe djathërat që kanë marrë një famë”. Vëllezërit Hobdari për disa kohë pushtuan faqen e fundit të revistës “Java” me reklamën e tyre Sinalko. Kështu quhej pija pa alkool dhe fort e shijshme, ku nuk harrohej të përmendej higjiena. 1 lek kushtonte shishja, ndërsa etiketat provizorisht ishin gjermanisht, deri sa të shtypeshin në gjuhën shqipe.

................................................................................................
© 2003 Gazeta Panorama
 
L

Leopardii

Primus registratum
Re: 100% shqip -- Konsumo produkte shqiptare

Enjte, 24 Nentor 2005


BLI GJERA SHQIPTARE!

Nga Kino Buxheli

"Buy Albanian! "ne shqip: bli prodhime shqiptare)" eshte fushata e fundit e ndermarre nga levizja e mirenjohur "Mjaft!". Per disa, ne kohen e globalizmit ekstrem dhe te mbizoterimit te mallrave te importit ne tregun shqiptar, duket absurde te kerkosh te orientosh bleresit nga mallrat "made in Albania". E megjithate eshte veprim i duhur. Prodhimet e vendit, ne radhe te pare ato bujqesore, kane veti me te larta ushqyese. Kjo per faktin se jane biologjikisht te pastra. Problemi me produktet tona qendron se nuk kane paketimin dhe ambalazhin qe meritojne. Po ashtu, edhe perzgjedhjen. Kendi, per shembull, i molleve shqiptare, ne cdo treg ne te gjitha qytetet e Shqiperise, te ofron molle te vogla e jo simetrike. Gati te shemtuara ne deformimet e tyre. E megjithate keto prodhime jane jo vetem me te shijshme, por edhe me ushqyese. Perfaqesues te "Mjaft"-it shprehen me te drejte qe vete konsumatoret shqiptare kane nje preference ne prodhimet vendase. Kjo tendence duhet shfrytezuar per te ndergjegjesuar njerezit. Te tregohen sadopak "patriote" ne perzgjedhjen dhe blerjen e mallrave nuk eshte vetem demonstrim i ndjenjes kombetare. Eshte ndihmese e mirefillte ndaj ekonomise kombetare dhe vete atij qe blen. Duke blere produkte vendi, parate e harxhuara ngelen ne Shqiperi. Ato nuk levizin ne xhepat e ndonje bosi shumice me seli ne Athine, Selanik apo Bari. Nuk jane pak parate qe largohen me blerjen e importeve ushqimore cdo vit nga Shqiperia. Behet fjale per rreth 600 milione euro. Sikur nje e treta e ketyre parave te qendronte ne vend "duke blere me shume ushqime shqiptare), do te jetonim realisht me mire. Jo vetem pse do te kishte ulje te ndjeshme cmimesh. Jo vetem pse domatet, mollet apo vedenat e vendit nuk do t"u kalbeshin prodhuesve neper ara e depo, nga mosgjetja e tregjeve. Por pse me keto para sipermarresit vendas do te investonin ne zgjerimin e prodhimit te tyre. Keto investime shtese do te perktheheshin ne qindra e mijera vende pune me shume te hapura. Nje politike ne dobi te nxitjes e reklamimit te mallrave shqiptare eshte krejtesisht mbeshtetese e ekonomise sone dhe e zhvillimit te Shqiperise. Partnere te natyrshem te perpjekjeve te "Mjaft"-it per te bindur shqiptaret te blejne mallra vendi duhet te jene Ministria jone e Bujqesise dhe Ushqimit, si dhe Ministrite e Ekonomise dhe ajo e Financave. Ka ardhur koha te mos konsiderohet me tabu ideja e subvencionimit te produkteve bujqesore shqiptare. Vertet kemi pak para si buxhet shteti, por dicka mund te filloje te jepet. Subvencionimi vetem i naftes per makinerite bujqesore eshte nje pike uje ne oqeanin e nevojave te bujqve tane. Po ashtu edhe tregu i mallrave ushqimore ka nevoje te kontrollohet e certifikohetme mire. Pasi ka deformime te medha edhe tek mallrat e vendit. Per shembull, me mjaltin shqiptar aq eshte abuzuar, sa shume qytetare kane perfunduar ne blerjen e nje lengu me shume sheqer e aspak ose shume pak mjalte kundermues. Kane qene te detyruar te zgjedhin mjalte gjerman apo italian, qe edhe pa shume shije e arome, te pakten eshte e garantuar qe eshte mjalte. E njejta gje vlen edhe per sektorin e vajit te ullirit. Jane mbi 90 prodhuesit e vajit. Ne treg ka shume emra tashme te njohur e te vleresuar nga konsumatori. Por per fat te keq, 70 per qind e vajit qe shitet edhe me emrat joshes, eshte i falsifikuar. Prodhohet nga punishte pirate dhe vetem etiketa ka emrin e prodhuesit te njohur e vleresuar. Kuptohet qe edhe cilesia e vajit eshte larg cilesise se punishtes apo fabrikes se licencuar. Pa dyshim qe nje situate e tille demton produktet shqiptare dhe besimin tek to te vete konsumatorit shqiptar. Ja perse nisma e "Mjaft"-it ia vlen jo vetem te inkurajohet, por edhe ndihmohet me politika shteterore realisht ne ndihme te prodhuesve vendas. Karantinen prej gati 9 vitesh "1991-98) qe pesoi birra "Tirana" perpara se sa te zhvillohej dhe te zinte nje pjese mbizoteruese te tregut shqiptar nuk kane pse ta vuajne sot produkte si djathi, mishi, gjalpi, perimet e ne pergjithesi frutat shqiptare. Shteti yne, qeveria jone mund te perpiqen te garantojne linjat e kreditit te bankave tregtare qe mund te futen me kredi ne bujqesi. Disa banka pioniere ne kreditin bujqesor te pastranzicionit duhet po ashtu te inkurajohen e mbrohen. Per kete mund te bejne shume Banka jone Qendrore, Ministria e Ekonomise dhe ajo e Financave te marra se bashku. Vetem ne kete menyre nisma e "Mjaft" do te gjeje jehonen qe meriton.
 
S

Scorpion

Guest
Re: 100% shqip -- Konsumo produkte shqiptare

Meqe jemi te tema e konsumimit 100 % te produkteve shqiptare dhe po analizoj nje faktor te rendesishem te konsumit dhe imazhit sic eshte reklamimi (se cilesia dihet qe eshte per mrekulli)
Ne pergjithesi reklamat shqiptare kane nje mungese te theksuar qe eshte mungesa e origjinalitetit. Dhe akoma me e gabuar eshte "perseritja" (apo "repeticioni" ) e te njejtes forme paraqitje te elementeve te caktuar apo te te teres!
Po marr nje shembull te nje reklame te shfaqur shume kohe me pare ne TV, se di a shfaqet akoma, se ma neverisin reklamat e perseritura e nderroj kanal televizi /pf/images/graemlins/tonguee.gif Konkretisht ajo shishja e vajit Fiol qe fluturon (ne fund te publicitetit), me nje ndertim grafik teper amator, e mbaj mend qe ka me shume se 6 vjet qe shoqeron reklamen ! Nese per nderrmarjen ajo grafike ka vlera sentimentale, duhet te sigurohen qe edhe tregu ka te njejten vlere me kete shishe... vaji!
Se dyti ideja, konceptimi dhe realizimi, per mendimin tim jane ne konflikt, ne nje linje, dhe aspak te fresket apo terheqese per publikun qe synohet te vihet ne shenje (konsumatori)

Gjeja qe te ben pershtypje: 1- nje femije qe ha per qefin e vet ... vaj ?... patatina te skuqura me kete vaj ? ... "Barbi" te tiganisur ?... trahana ? ... kikirike ?!?
2- perpara televizorit (te vendosur mbi nje stol !!! Vetem qe eshte stol i "bukur", aq sa mund te jete nje stol !), ne nje ambjent qe nuk eshte as kopeshti, as shkolla , as shtepija ... ?!?
3- Dhe nje super femer qe flet e qe flet per vajin , por qe nuk ka asnje lidhje me femijen , me televizorin dhe me stolin (e bukur).

Nese e permbledhim me dy fjale çfare kerkon kjo reklame te thote (apo te shprehi?) ?
Sigurine e Prodhimit ?
Stokun qe ka ndermarja ?
Cilesine e prodhimit? (nese eshte kjo nuk me duket se e kane mire reklamen!)
Qe vaji Fiol eshte shume i mire per shendetin ? (Atehere perse dhe si e argumentojne! Femijet nuk kane probleme me kolesterolin, por te medhenjte dhe akoma me teper moshat e thyera !)
Qe eshte me i mire se te tjeret ? (me çfare e verteton me nje femije qe ha ?)
 
O

olololol

Primus registratum
Re: 100% shqip -- Konsumo produkte shqiptare

</font><blockquote><font class="small">Citim:</font><hr />
Tregtia, humbja 1,7 miliard USD /pf/images/graemlins/shrug.gif

Kemi importuar 2.4 miliardë USD mallra gjatë 2004


Mirvjena Dizdari
Në vitin 2004, deficiti tregtar është thelluar më tej, duke arritur në 1,7 miliard dollarë. /pf/images/graemlins/shrug.gif

Gjatë vitit 2004, importet në total kapën vlerën e 235 miliard e 188 milion lekë, ndërkohë që në vitin 2003 ishin 225 miliard e 983 milion lekë. Të dhënat nga Instituti i Statistikave tregojnë se eksportet, në vitin 2004 arritën në mbi 61 miliardë lekë, nga rreth 54 miliard lekë në vitin 2003.

------------------

Blini 100% SHQIP(atje ku eshte e mundur) nqs se e doni veten tuaj.

mos e ncirni parane jashte shqiperise , qe te pasurohen te tjeret.

Mendohuni e behuni pergjegjshem kur blini nje mall.

nuk hecet me keshtu me 1,7 miliard dollar cdo vit qe dalin jashte.
me ate shume shume gjera behen ne te miren tone.

[/ QUOTE ]


Or lum majku !

Pse ndodh kjo.

Fshatari akoma sdi ku ka token se akoma nuk eshte ndare dhe ka vene gardh ky , gardh ai qe e ka zene e askush se mbjell.
Dhe ai qe e ka thote me mire punoj 3 muaj ne Greqi dhe ja ku i nxorra shpenzimet e vitit.Ose ska leverdi ca te mbjelli ska Uje, ska mjete, dhe ska nje prodhim dhe treg te sigurte.
ca ja fusin hashash rrezikojne nje here e mire.
Prodhimet tona skane cilesi , skane sy mallin e blen syri me pas shija,sa do te mira jane domatet tona me ner teje jane sa topet e mia te vogla si zara /pf/images/graemlins/wink.gif,duan kujdes, duan hyzmet me pas prit leke.

Me pas ktu ka kontradita dhe ne fshatra
Psh ne Kukes njeri mbjell Pjeper, shalqi = Po nuk behet shalqiri ne Kukes or mik , behet patatja.
Tjetri mbjell Portokalle ne Tirane nuk behet ketu or Mik behet ne Sarande, Himare, Borsh etj.
Pra asgje nuk mbillet me zona , aty ku jane kushtet.

me ka bere pershtypje ne Greqi ku kam bere Agjerimin ( 40 dite ) ne nje fshat , i cili kultivonte vetem shalqi i gjithe fshati , ama 1 vit te tere ai i bente hyzmet bimes nga sera ku bente fidanin deri sa rritej qe beheshin Standart 12-15 Kg secili.Dhe ky biznes i mjaftonte me kalu nje vit shpenzime + Kursime ama ate qe e bente e bente jo dokrra.Dhe dicka ne nuk ish moti i pershtatshem ai se mbillte priste kohen tu hapte se shteti jua demshperblente deri ne masen 70% te demit, jo 100 %.
 
L

Leopardii

Primus registratum
Re: 100% shqip -- Konsumo produkte shqiptare

. 1. Tregtia e jashtme.

Viti 2006 u mbyll në një vëllim transaksionesh tregtare prej 2.9 miliardë eurosh, dhe përfaqësim prej 42 për qind në totalin e transaksioneve korente. Shpenzimet për import mallrash shënuan afërsisht vlerën 2.3 miliardë euro ose 309 milionë euro më shumë krahasuar me vitin 2005. Të ardhurat nga eksporti i mallrave vlerësohen në rreth 631 milionë euro, me një rritje nominale prej rreth 100 milionë eurosh.

burimi BSH

Edhe thone pse Shqiperia eshte gjithmone e varfer .
deri sa te kemi koken per se mbrapshi e do ti cojme leket e fituara nga emigrantet me aq mundim jashte Shqiperise , duke blere mallra greke e italiane ai vend ska per te pare hajer.

moda tjeter skandaloze e shqipove qe po e shkaterron kete vend eshte kjo:

Ndërkohë, shqiptarët kanë shpenzuar në udhëtimet e tyre jashtë shtetit rreth 768 milionë euro ose sa 82 për qind të totalit të dërgesave nga emigrantët. Vëllimi i shpenzimeve për udhëtime, për vitin 2006, vlerësohet rreth 21 për qind më i lartë krahasuar me një vit më parë, si pasojë e rritjes (rreth 22.4 për qind) së numrit të udhëtarëve, ndërkohë që koeficienti i kohëqëndrimit mesatar ka pësuar rënie (10 për qind) dhe shpenzimet mestare ditore vlerësohet të kenë ruajtur nivelet e një viti më parë.
burimi Banka e Shqiperise
 
J

juxhoxhjaj

Primus registratum
Re: 100% shqip -- Konsumo produkte shqiptare

Duhen gjetur menyra me te sakta dhe vetem me ane te nje forumi bojkotimi i produkteve te huaja dhe sidomos te armiqve greke duke filluar qe nga media por te gjithe financohen nga po keto bizenese
 
D

dimir

Forumium praecox
Re: 100% shqip -- Konsumo produkte shqiptare

Sapo lexova nje njoftim interesant tek Federata e Fermereve te Myzeqese

Njoftim interesant!

Federata e Fermereve te Myzeqese ju fton te blini produkte cilesore shqiptare. Produkte Biologjike........
Produkte te certifikuara per eksport si dhe per nevojat e tregut vendas.
 
P

pinkparadise

Forumium maestatis
Re: 100% shqip -- Konsumo produkte shqiptare

...mire qe e paskan bere perkthimin....po pse si kan bashkangjitur mqse ishin, edhe ekuvalencen e çmimit ne euros ose dollar
 
R

random

Primus registratum
Re: 100% shqip -- Konsumo produkte shqiptare

<div class="ubbcode-block"><div class="ubbcode-header">Originally Posted By: Dimir</div><div class="ubbcode-body">
_________________________
http://www.ALBREKLAMA.COM

</div></div>

: jasht teme :

"Beiznesi juaj eshte biznesi yne" -- s'ka me moto klishe se kjo /ubb/images/%%GRAEMLIN_URL%%/laugh.gif
 
You must log in or register to reply here.
Top