Re: Alergjite!
Edhe rrjedha e diskutimeve por dhe qeni alergjik tregojnë se Bledi që tështin gjithandej në këtë rast e ka tështimë fallco.
Alergjitë janë në të gjitha stinët, nuk i bashkojnë me gripin shkaqet, edhe kurimi e parandalimi dallojnë shumë. Një grip i gjendet vaksina e bën para sezonit (10-15USD) dhe rri i qetë deri nga pranvera. Edhe po mos e bëre e kanë bërë të tjerët dhe nuk ka epidemi allashqiptarçe.
Një alergji mendoje ta kesh nga poleni, e në çdo qoshe rruge dyqanet ku ble sendet e përditëshme i kanë lulet shumëlloji. Mendo ta kesh nga pluhuri, qe gjendet gjithandej, apo nga kafshët, tju ruhesh jo kafshimit po tështimit.
E keqja nuk mbaron këtu, përveç organeve të frymëmarrjes pjesët e zbulura të trupit janë viktimë e alergjive. Nëse ju vjen për tu kruar pa e kuptuar përsenë, mendoni përsëri, jeni alergjikë, e kështu jeni edhe nëse ju bezdisin etiketat e bluzave (t-shirt) mbrapa kurrizit. Në këto raste lëkura përskuqet, sistemi nervor lajmërohet për një rrezik (që në fakt nuk është i tillë se poleni nuk bën asgjë), trupi prodhon HISTAMINË, që popullorçe siç e do tema është perzier me atë lëngun e bardhë kur pritemi a çahemi, dhe e dërgon atje ku vjen rreziku. Kjo histaminë e dërguar rrejtshëm, mbetet në organizëm, e sa herë që lëkura ha e skuqet aq herë prodhohet. Lëkura në ato vende mund të bëhet me puçra të vogla, që mund të hanë ose jo të zotin, por që nëse nuk ka kundërveprim me mjekim puçrat çahen dhe sa më e zhvilluar sëmundja aq më vështirë është që ato të mbyllen. Ekstremi i këtij rasti është ekzema, dermatiti nga alergjia gjithatollojsh. Organizmit i është prishur ekuilibri, ai kërkon mjekim. Në rastin e një alergjie të organeve të frymëmarrjes Benadryli, i përmendur e ndër më të lirët, meqë ai është emërtim allamerikançe do tju duhet ANTI - HISTAMINË HCL, me kokrra, ose dhe lloj lloj sprajesh e pikash që të kenë këtë fjalën sipër. Në rast se është alergji që ka prekur lëkurën, (ke qejf të përkëdhelësh macen e komshiut psh) përsëri pomada ka atë përbërës. Në asnjë rast nuk duhet përdorur kremi dhe kokrrat me të njëjtën përmbajtje. Efekte anësore, nuk ju rekomandohet atyre me probleme të rrugëve të frymëmarrjes (azma) dhe të jep gjumë për kokën e gjumit, mos ngaj makinë. Rezultati, të funtësh hundën në testet e mjekut sdel gjë. 100 kokrra janë midis 6-10 USD nëpër farmaci pa recetë. Javën që iku një prej ilaçeve më të mira të kësaj fushe CLARITIN doli pa recetë në farmaci. Çmimi shkoi nga rreth 20 USD muaj për 30 kokrra në 30 USD për 30 kokrra apo për dozën tuaj të muajit (një në ditë, në krahasim me deri në 12 të Antihistaminave). Klaritinit reklamën ja bënte Mike Piazza i New York Mets të bejsbollit, e puna ishte për të pasur sytë absolutisht të kthejllët në ndeshje. Ju skuqen sytë? Amerikanët shpenzojnë në vit 3 miliard dollarë antialergjikë, e po ti shtosh këtu dhe sapunët dhe shampot dhe detergjentët që lexojnë se janë për këtë punë biznesi është i madh. Një në pesë meshkuj (e di se di) është alergjik. Për lloje alergjie ka dhe vaksina ( nuk e di si e qysh e tek).
Mjekësia kërkimore sot po punon jo për të gjetur parandalues të prodhimit të Histaminës, por për të gjetur bllokues të mesazhit të gabuar që i dërgohet sistemit. Janë në triale apo prova që bëhen tek njerëz në kushte të ndryshme e ndoshta zgjatin një dy vjet.
Incidali, incidali është një armë e fundit, që përdoret kur të tjerat (kujdesi apo shmangia e para) nuk bëjnë efekt. Në Shqipëri për fat të keq ta fusin dhe kur je kaps e djersin nga zorri. Edhe antibiotikët nuk kanë ndonjë rol në këtë histori, ndonse po u alergjikose rëndë në Shqipëri të pret Senatoriumi.
Banjat e Diellit apo rrezet ultraviolet si gjithmonë janë dobiprurëse. Kujdes puçrat, nëse janë në duar dhe me to lani pa kujdes e nuk i fshini mirë, atëhere do të keni alergjinë më të rëndë të botës ujin. Kimikatet që thonë provoji për alergji, provojini.
Një shkaktar kryesor i botës moderne janë gazrat e makinave, vaji apo lyra e rëndë e të cilave i ngjitet si organeve të frymëmarjes dhe lëkurës.
Alergjia është e trashëgueshme.
fermeri popllor
vjet isha me mire, sivjet u rikthkyen heret simptomat mesa duket.
pra ne fillim m'u shfaq me simptoma te renda dhe perdorja ilace, edhe une kam verejtur se duke marre ilace ndihesha me e trullosur por edhe te teshtish 100 here ne dite te lodh dhe te trullosh ne nje fare menyre, keshtu qe si me ilace si pa ilace po njesoj do ishte, te pakten me ilace nuk kisha me ate ndjesine e bezdisshme te kruajtjes ne gryke dhe te syte. e ne fakt antihistaminiket nuk i duroja sepse me shkaktonin tharje te gojes me shume sesa trullosje.
gjithsesi une vazhdoj te frekuentoj parqet dhe lulishtet, besoj se eshte edhe nje menyre e mire per te desensibilizuar dalengadale sistemin imunitar.