Zgjedhjet lokale te vjeshtes dhe fushata elektorale e partive

[Klinton]

Zgjedhjet lokale te vjeshtes dhe fushata elektorale e partive

Tashme duket se fushata elektorale per zgjedhjet lokale ka filluar.
Partite e ndryshme ziejne per te zgjedhur kandidate te njohur neper lagje dhe fshatra, neper fabrike e uzina, porte e kombinate, per te bere koalicione me parti te tjera, per te spekulluar ne menyre qe te fitojne sa me shume pike elektoratit te tyre te mashtruar etj.
Deshiroja te permblidhja nje informacion mbi ate se cfare thuhet ne kete fillim fushate por e shoh te pamundur pasi <span style="font-weight: bold">partite politike negociojne per koalicione dhe per zona bamiresie si dhe presim ndihme nga &quot;nenemedhat&quot;per shpetim</span>
Nuk do me dukej cudi edhe per nje dekade te kemi te tilla fushata elektorale emocinonale dhe perfituese e aq me shume egoiste, ndermjet partive
Cdo anetar mund te jape mendimet e tij/a.

 

[fjorent]

Re: Zgjedhjet lokale te vjeshtes dhe fushata elektorale e partive

Thjesht mendimi eshte: Mos shkoni te votoni

 

[komino]

Re: Zgjedhjet lokale te vjeshtes dhe fushata elektorale e partive

Fillimisht postuar nga fjorent:
[qb] Thjesht mendimi eshte: Mos shkoni te votoni [/qb]

fjorent
mendoj se ketu gabohesh

vota eshte nje detyre shoqerore dhe cdo individ duhet te humbe pak nga koha e tij per te vleresuar ne menyre objektive alterntivat e paraqitura
ne si i pelqen njera le ta votoje.
nese mendon se asnjera nuk eshte e denje per voten e tij sepse vete do te bente dicka me teper, atehere le te propozoje alternativen e tij ne zgjedhje (se mbase edhe zgjedhesit e tjere e mendojne si ai e i japin votat)
keshtu mund te ece perpara nje shoqeri civile dhe mund te permiresohet gjithmone klasa drejtuese

 

[Klinton]

Re: Zgjedhjet lokale te vjeshtes dhe fushata elektorale e partive

Fiorent <span style="font-weight: bold">abstenimi</span> eshte nje deshtim i te ardhmes shqiptare.
Eshte e vertete se populli nuk ka kushtet me elemntare te jeteses por abstenimi nuk e distancon popullin ose nuk ndryshon gje ne politiken qeverisese te partise socialiste dhe opozitare te sotshme.
Vota duhet te jete atje te kutia e votimit ne menyre qe ata qe ndryshojne, vjedhin votat, qeverisin keq, nje dite do te kuptojne se po luajne me votat me te cilat ata jane zgjedhur.
Bindja ne masat popullore se nje qeverisje eshte e deshtuar duhet te tregohet duke votuar dhe se abstenimi eshte nje mjet regresiv dhe jobindes dhe jokulturues.
Neqoftese pozita e sotshme do te luaje edhe nje here me popullin kaq rendshem dhe dhunueshem sa c´beri ne zgjedhjet e kaluara ku Lushnja mbajti rekord per prodhimin e deputeteve me shumice, te jap fjalen se ne nje te ardhme te afert do jete ky popull sebashku me intelektualet ne krye qe do abstenojne me te drejte, te bindur se kjo lloj qeverisje duhet ti jape fund qendrimit te saj ne pushtet duke i lene karriget dhe postet atyre qe jane me te ndergjegjshem dhe te cilet do te punojne per popullin, per vendin, per progresin dhe alternativa me te sakta per te ardhmen e vendit.
Kjo persa i perket abstenimit.
Temen e hapa per te vezhguar partite politike se si negoxiojne, cfare duan nga partite e medha, me ke bejne koalicione, cfare zonash elektorale kane zgjedhur per te kanddiduar, ku fiton Ps, ku fiton PD, ku eshte me lehte per te vjedhur, ku eshte me lehte per te fituar, kandidatet te cilet do te perfaqesojne partite dhe kandidatet e pavarur.
Cfare do premtojne popullit, kandidatet ne qoftese do te fitojne ne zgjedhjet e vjeshtes etj.
Le te shohim pra fushaten e nxehte ne kete vere te nxehte

 

[Klinton]

Re: Zgjedhjet lokale te vjeshtes dhe fushata elektorale e partive

Levizja e pare e PS-se

<ul style="list-style-type: disc">[*]PS i fal Cekës 10 bashki e komuna[/list]

TIRANE- Kryeministri Fatos Nano, njëkohësisht kryetar i PS-së është takuar dje dhe ka vendosur bashkëpunimin me PAD-në në 10 zona për zgjedhjet e tetorit. Presidenti i PAD-së Neritan Ceka dhe kryetari socialist Nano kanë arritur shpejt të gjejnë një mirëkuptim dhe të firmosin këhstu marrëveshjen e bashkëpunimit. Nano u shpreh pas takimit se &quot;bisedimet për negociatat dhe për marrëveshjen elektorale në zgjedhjet e pushtetit vendor 2003 do të konkludojnë brenda pak ditësh, me një kombinim njësish të qeverisjes vendore, në të cilat PS do të mbështesë kandidatët e PAD-së dhe në kompromis, PAD do të mbështesë kandidatët e saj në pjesën tjetër të komunave dhe bashkive&quot;. Ndërsa presidenti i AD-së, Ceka vuri në dukje se &quot;takimi synoi përpunimin e një taktike të përbashkët elektorale në përputhje dhe me Kodin Zgjedhor&quot;. &quot;Aleanca Demokratike, merr përsipër që në emër të koalicionit të konkurrojë në 10 zona, ku kërkohet një angazhim i saj dhe i PS-së, në mënyrë që të sigurohet fitorja, vazhdimësia dhe stabiliteti i qeverisjes&quot;, -nënvizoi ai.

&quot;shekulli&quot; 10 korrik

 

[Klinton]

Re: Zgjedhjet lokale te vjeshtes dhe fushata elektorale e partive

<ul style="list-style-type: disc">[*]Xhuveli: OK me 8 komunat që më dha PS-ja[/list]

TIRANE- Partia Agrare, e përfaqësuar nga kryetari i saj Lufter Xhuveli është dukur aleatja më pa probleme e PS-së. Nano dhe Xhuveli kanë rënë shumë shpejt dakord për nënshkrimin e marrëveshjes së bashkëpunimit, duke bërë kështu që agrarët do të mbështeten nga socialistët në 8 zona, në zgjedhjet e tetorit të këtij viti. Gjithashtu takimi ka zgjatur pak minuta, jo si partitë e tjera aleate PSD-ja dhe PBDNJ-ja. Madje burimet nga selia rozë thanë për &amp;#8220;Shekullin&amp;#8221; se marrëveshja e bashkëpunimit është përgatitur nga sekretari i përgjithshëm Ruçi dhe kryetari i PA-së, Xhuveli, pa vënë shumë kushte për mënyrën e këtij bashkëpunimi, duke lënë që në kuadër të koalicionit &quot;Aleanca për Shtetin&quot;, kjo parti të kandidojë në 8 komuna dhe të dalë më vete në zgjedhjet për këshilltar.

 

[Klinton]

Re: Zgjedhjet lokale te vjeshtes dhe fushata elektorale e partive

<ul style="list-style-type: disc">[*]Rrezikohet aleanca zgjedhore PS-PBDNJ. Pezull edhe bisedimet me PSD-në e Gjinushit[/list]


<ul style="list-style-type: disc">[*]PBDNJ-PS: Duam Himarën ose ikëm te PD[/list]

Karamelo: Numri i komunave të ofruara është minimal krahasuar me mundësitë tona. Do të marrim masat tona.

TIRANË &amp;#8211; Negociatat midis PS-së dhe PBDNJ-së po shkojnë drejt dështimit. Shkak për këtë marrëdhënie të krijuar midis dy partive aleate është bërë sërisht Bashkia Himarë. Kryetari i PBDNJ-së Vangjel Dule dhe sekretari i përgjithshëm Ligoraq Karamelo kanë këmbëngulur në takimin e djeshëm me kryetarin e PS-së Fatos Nano e sekretarin e përgjithshëm, Gramoz Ruçi, që partisë së tyre t&amp;#8217;i lihet disa zona të lira në jug të vendit, ku ajo pretendon fitoren. Por më shumë ata kanë këmbëngulur për Bashkinë e Himarës, bashki, e cila edhe në zgjedhjet e kaluara ka futur sherr mes tyre. Por sipas drejtuesve të PBDNJ-së, atyre duhet t&amp;#8217;u lihet hapësirë e lirë edhe në Dropullin e Poshtëm e të Sipërm, në Sarandë në disa zona, ndërkohë që kanë kërkuar edhe zona në Korçë. Mendohet që për këto zona ka edhe ndikime nga autoritetet greke. Takimi mes Nanos, Ruçit dhe Dules e Karamelos ka vazhduar edhe me &amp;#8220;kërcënime&amp;#8221; të tipit se nëse PBDNJ-së nuk do t&amp;#8217;i jepen zonat që kërkon ajo, mund të bëjë edhe aleancë me PD-në, dhe kjo sipas drejtuesve të PBDNJ-së mund t&amp;#8217;i rrezikojë PS-së fitoren në Sarandë, por edhe më gjerë. Sekretari i përgjithshëm i PBDNJ-së, Ligoraq Karamelo, tha pas takimit se &amp;#8220;ende nuk është arritur një marrëveshje e plotë, e cila duhet të ishte nënshkruar&amp;#8221;, pasi sipas tij, numri i komunave të ofruara është minimal krahasuar me mundësitë e kësaj partie. Dhe ky fakt tha ai më tej &amp;#8220;na ngarkon të marrim masat tona dhe ne jemi të përgatitur të hyjmë edhe të vetëm në zgjedhje dhe t&amp;#8217;i përballojmë ato me sukses&amp;#8221;. PBDNJ pritet që gjatë kësaj jave të mbledhë kryesinë e saj, ndërsa organizata &amp;#8220;Omonia&amp;#8221; do të mbledhë këshillin e saj. Në bazë të vendimeve që këto dy forume do të marrin do të vijojnë edhe negociatat me PS-në. Ndërkohë sipas burimeve, në bisedën e zhvilluar në selinë socialiste, drejtuesit e PBDNJ-së kanë kërkuar që në rast ndryshimesh në qeveri, ata kërkojnë dy poste ministrore dhe tre poste zv/ministrash. Kryeministri Nano u shpreh pas takimit se, &quot;të dy partitë janë në procesin e identifikimit të kandidaturave, që do të mbështesin reciprokisht njëri-tjetrin në këto zgjedhje&quot;. Ndërsa kryetari i PBDNJ-së, Dule, vuri në dukje se në këtë takim &quot;nuk u bë ndonjë diskutim numerik komunash dhe bashkish, por u shpreh vullneti që ky bashkëpunim të garantojë dhe një herë maxhorancën qeverisëse në njësitë administrative të pushtetit lokal.
PSD-PS
Ndërkohë kanë mbetur edhe dje pezull bisedimet e krerëve socialistë me aleatët e tjerë, ata të PSD-së. Ende nuk është rënë dakord për të shtuar numrin e zonave që do t&amp;#8217;i lihen PSD-së, që sipas drejtuesve të saj duhet të jetë mbi 30 të tilla, bashki e komuna. Takimi i djeshëm ka vazhduar pothuaj në mungesë të kryetarit të PS-së Nano, i cili ka ardhur me vonesë dhe është larguar më herët, duke ia lënë bisedimet në dorë sekretarit të përgjithshëm Ruçi. Pas takimit, kryetari i PSD-së Gjinushi tha se negociatat do të vazhdojnë. &amp;#8220;Nuk është puna e numrave. Gjithmonë ka një filozofi bashkëpunimi, sepse janë 280 njësi me pesha të ndryshme, sepse edhe kartmonedhat ndryshojnë, ka qindëshe, ka edhe njëshe, pra është kryeqyteti, janë prefekturat, janë qendrat e prefekturat, janë bashkitë e tjera dhe komunat. Kështu që këtu duhet edhe një ndarje sa më e balancuar, gjithnjë në raport me peshën politike ne jemi 1 me 6 në peshë me PS-në&amp;#8221;, -u shpreh Gjinushi.
Darina Tanushi

 

[Klinton]

Re: Zgjedhjet lokale te vjeshtes dhe fushata elektorale e partive

<span style="font-weight: bold">PD nxjerr kandidatet per bashkine e Durresit.</span>

<ul style="list-style-type: disc">[*]Avni Hoxha biznesmen
Hajdar Kovaçi arkitekt
Genc Juka agronom,
Ed Kapedani kryetar i PD-së Durrës[/list]


Pas Tiranës, demokratët përzgjedhin edhe kandidatët për bashkinë e dytë më të madhe në vend

PD, katër kandidatët e PD-së për Durrësin

Avni Hoxha, Hajdar Kovaçi, Genc Juka dhe Ed Kapedani propozohen nga baza e demokratëve

Nevila Perndoj
TIRANE- Demokratët e qytetit bregdetar të Durrësit kanë propozuar deri tani katër kandidatë për të rivalizuar socialistët në zgjedhjet e ardhshme lokale. Pas fazës së parë atë të propozimit nga seksionet janë &amp;#8220;publikuar&amp;#8221; edhe emrat e parë të kandidatëve që kryesisht i përkasin shoqërisë civile. Listën e kandidatëve demokratë e kryeson biznesmeni Avni Hoxha. Ai është inxhinier ndërtimi dhe aktualisht drejton firmën &amp;#8220;Sijaku&amp;#8221;. Pas kandidatit Hoxha, një tjetër emër që është propozuar është Hajdar Kovaçi me profesion arkitekt. Në listën e kandidatëve, sipas anëtarëve të kryesisë së PD-së, shquhet edhe kandidati agronom Genc Juka, i cili ka punuar për shumë vite për organizatat e huaja që operojnë në Shqipëri. Së fundmi, elektorati demokrat i Durrësit nuk ka përjashtuar nga kandidimi edhe kryetarin e PD-së së Durrësit, Ed Kapedani, i cili duket se do të mbështesë fushatën elektorale që do të realizojë kandidati i ardhshëm i PD-së për qytetin e Durrësit. Të katër kandidatët kanë mundur që të marrin numrin më të madh të votave nga mbledhjet e seksioneve të zhvilluara deri më tani. Kandidatët në fjalë duhet të kalojnë për votim në mbledhjet e aktiveve të grupseksioneve. Gjatë këtyre mbledhjeve kandidatët në fjalë do të votohen më votim të hapur. Aktivet e grupseksioneve kanë të drejtë që të skualifikojnë kandidaturat ose t&amp;#8217;i përcjellin ato për në kryesinë e degës me procesverbal të firmosur nga të ngarkuarit e degës dhe anëtarët e kryesisë së mandatuar për të vëzhguar procedurat e zgjedhjes së kandidatit për qytetin e Durrësit Kryetarët e degëve, jo kandidatë Para fillimit të procedurave për përzgjedhjen e kandidatëve demokratë, lideri i opozitës Sali Berisha ka bërë një pakt me kryetarët e degëve. Ata nuk duhet të jenë kandidatë për zgjedhjet e ardhshme lokale. Kjo marrëveshje duket se ka gjetur mirëkuptim edhe tek krerët e degëve, të cilët gjatë një mbledhjeje të zhvilluar me Berishën kanë rënë dakord që të mbështesin kandidatët që do të propozohen nga baza. Veçanërisht të përjashtuar nga gara do të jenë krerët e degëve kryesore të PD-së. Demokratët që drejtojnë qytetin e Durrësit, Vlorës, Shkodrës, Elbasanit, Korçës, Gjirokastrës dhe Fierit janë kategorikisht të përjashtuar nga kandidimi. Zyrtarët demokratë sqaruan se kësaj here një hapësirë e madhe do t&amp;#8217;u jepet përfaqësuesve të shoqërisë civile dhe se drejtuesit e degëve të PD-së do të luajnë një rol të madh në përgatitjen e fushatës elektorale për kandidatët për bashki dhe komuna.

 

[Klinton]

Re: Zgjedhjet lokale te vjeshtes dhe fushata elektorale e partive

Ke ndonje mendim ne lidhje me kete cfare sheh me lart Gene?

 

[Klinton]

Re: Zgjedhjet lokale te vjeshtes dhe fushata elektorale e partive

<span style="font-weight: bold">Nano dhe Milo negociojne per kandidaturat ne kete prag fushate elektorale</span>
TIRANË &amp;#8211; Partia Demokracia Sociale, duket se do të jetë partia më e re e koalicionit të majtë, të quajtur &amp;#8220;Aleanca për Shtetin&amp;#8221;. Kryetari socialist Fatos Nano ka pohuar dje, pas një nënshkrimit të marrëveshjes me Cekën se &amp;#8220;zoti Milo është në ngjitje, që do të thotë se ka identifikuar një listë përfaqësuesish interesante në gjithë territorin&amp;#8221;. Ai bëri të ditur se sot do të pyeten të gjithë drejtuesit e strukturave të PS-së në bazë se sa realiste janë kandidaturat që paraqet për negociata zoti Milo. Megjithatë burime nga selia rozë bëjnë të ditur se marrëveshja midis dy partive është në prag dhe kjo vjen menjëherë pas prishjes së një marrëveshjeje me kryetarin e PSD-së, Skënder Gjinushi. Nga ana tjetër edhe kryetari i Partisë Demokracia Sociale, Paskal Milo, ka pohuar dje, gjatë një konference të degës së Tiranës: &amp;#8220;shpresoj se nga ana e PS-së ashtu siç ka patur deri tani mirëkuptim në fillimin e negociatave do të ketë edhe gjatë zhvillimit të mëtejshëm të tyre&amp;#8221;. Pra, theksoi ai, nuk ka të bëjë absolutisht me ndërprerjen e negociatave midis PS-së dhe PSD-së. Një ditë më parë, pra pikërisht pasi Gjinushi dhe Nano dolën nga selia e PS-së, ku dhe deklaruan ndarjen për këto zgjedhje, Milo u takua me sekretarin e përgjithshëm të PS-së Gramoz Ruçi, të cilit i paraqiti edhe kërkesat e PDS-së lidhur me zonat. Sipas burimeve, Milo ka paraqitur kandidatë në rreth 45 zona, të cilat do të vlerësohet nga drejtuesit socialistë në bazë fillimisht dhe pastaj gjithçka do të vendoset në qendër nga kryetari socialist Nano e kryesia e partisë. Ndërkohë, kryetari i PS-së Nano ka thënë se janë duke vazhduar negociatat me PBDNJ-në. Ai tha se PS është në pritje të reagimit të PBDNJ-së. &amp;#8220;Negociatat janë negociata, por marrëveshje do të thotë aleancë në bllok, që do të thotë moskonkurrim përballë njëri-tjetrit asgjëkundi&amp;#8221;, -deklaroi Nano.
D.Tanushi

 

[Klinton]

Re: Zgjedhjet lokale te vjeshtes dhe fushata elektorale e partive

<span style="font-weight: bold">Partia legaliste e vendosur per te dalur e vetme ne zgjedhjet lokale duket se po merr me vete edhe partine e ballit kombetar. Deklarimi i divorcit me PD eshte bere prej kohesh.</span>
Por a do te arrije e vetme te konkuroje ne keto zgjedhje dhe te fitoje ne ato zona ku shpreson?

<ul style="list-style-type: disc">[*]PLL, e vetme në zgjedhje[/list]

TIRANE - Legalistët do të dalin të vetëm në zgjedhjet lokale. Komiteti Drejtues i PLL-së vendosi që legalistët të mos përfaqësohen me koalicionin &amp;#8220;Bashkimi për Fitore&amp;#8221; në zgjedhjet e ardhshme lokale.
&amp;#8220;PLL do të dalë e vetme në zgjedhjet e ardhshme lokale jashtë çdo koalicioni partiak&amp;#8221;, -tha dje kryelegalisti Eqerem Spahia. Vendimi përfundimtar për këtë lëvizje pritet që të miratohet në mbledhjen e Këshillit Kombëtar që do të mbahet në datën 30 Korrik. Prej kohësh legalistët i kanë shkëputur negociatat me përfaqësuesit e selisë blu. Takimi i sekretarit të përgjithshëm të PLL-së, Sadedin Balla, me sekretarin për burimet njerëzore në PD, Fatos Beja para pak ditësh ka qenë i pari dhe i fundit në procesin e negociatave të opozitës. Legalistët tashmë e kanë marrë vendimin e tyre duke pritur që një hap të tillë ta marrin dhe ballistët për të dalë së bashku me një koalicion paraelektoral në zgjedhjet e ardhshme lokale. Ndërsa ballistët dhe legalistët po shpallin divorcin me PD, në anën tjetër republikanët dhe reformatorët po intensifikojnë takimet me negociatorët e selisë së PD-së. Një prej negociatorëve të mandatuar nga PD për bisedime me partitë aleate, Fatos Beja deklaroi dje se, javës që vjen PD do të zhvillojë takime me të gjitha partitë e vogla. Ai tha se tashmë po studiohet faza e hetimit të interesave të çdo partie të djathtë. Megjithatë paraprakisht ai shprehet se drejtuesit e partive të vogla janë të interesuara për të dalë me lista të veçanta për këshilltarët bashkiak ndërsa të rinegociohet në kuadrin e një koalicioni për kandidatët për komuna dhe bashki.
N.P

 

[Klinton]

Re: Zgjedhjet lokale te vjeshtes dhe fushata elektorale e partive

<span style="font-weight: bold">*Mesazhi i Kryetarit te Demokristianeve, Nikolle Lesi drejtuar Keshillit Kombetar te PDK-se, perpara zgjedhjeve lokale</span>


E Diele, 13 Korrik 2003


<ul style="list-style-type: disc">[*]KA IKUR KOHA E NANOS DHE BERISHES*[/list]

Nga Nikolle Lesi

Zgjedhjet lokale te vitit 2003 e gjejne elektoratin shqiptar me te pa vendosur se kurre. Ndryshe nga disa kohe me pare kur politika shqiptare karakterizohej nga nje polarizim ekstrem i forcave te majta dhe te djathta dhe ne te njejten kohe dhe i elektoratit perkates, situata e sotme na paraqitet ndryshe ku dominon lufta brenda llojit, çka ka sjelle nje çoroditje te elektoratit dhe abstenim te tij nga procesi i votimeve.

Ne te kundert, rezulton nje polarizim i theksuar ekonomik qe konkretizohet nga krijimi i dy shtresave shoqerore, nje pakice shume te pasur dhe shumica e popullsise e varfer, duke krijuar nje hendek te madh ndermjet dy shtresave, me mungesen thuajse totale te shtreses se mesme te shoqerise.

Ndaj dhe Lidershipi i dy forcave kryesore ne vend eshte tashme i lodhur, i vjeteruar e i konsumuar pa asnje alternative per ta nxjerre vendin nga kriza 12 vjeçare ne te cilen ndodhet vendi, dhe pa autoritetin e duhur per te sjelle tek njerezit optimizmin dhe besimin per nje jete me te mire ne vendin e tyre.

Eshte detyre e Partise Demokristiane, doktrina e se ciles i perket nje prej forcave me te medha qe drejtojne sot Europen, qe pasi te beje nje analize te situates ne te cilen ndodhet sot ekonomia dhe shoqeria shqiptare, te jape alternativen me te mire per permiresimin e menjehershem te gjendjes ne vend dhe kthimin e besimit tek njerezit; se shqiptaret nuk dine te punojne vetem neper bote, por dine te punojne dhe te menaxhojne, mbi te gjitha edhe veten e tyre. Por kjo do te ndodhe vetem atehere kur vendi te drejtohet nga njerez te afte, e te ndershem, por jo nga KETA qe na qeverisin qe prej vitit '97 apo, por as edhe nga ATA qe kane keqqeverisur ne vitet '92-_97. Siç kam pohuar ne te gjitha takimet parazgjedhore ka ardhur koha, bile ka kaluar, qe ne politiken shqiptare te vije fryma e progresit si ne pozite, ashtu dhe ne opoziten shqiptare. Ne duhet te bashkepunojme e te ndihmojme ardhjen ne krye te dy forcave politike kryesore te individeve me personalitet dhe shpirt torelance. Nuk mundet qe ata te cilet bene luften, shkaterrimin, qe sollen krizat e pervitshme dhe kane lene tash 12 vite konfliktin ne vatrat shqiptare, tani te na konvertohen ne Engjej te Demokracise!

Nisur nga sa me siper, Partia Demokristiane do te dale e vetme ne zgjedhjet lokale, e bindur se keshtu do t'i beje mire jo vetem vetes se saj, por do t'u krijoje mundesi edhe votuesve per te zgjedhur njeriun e duhur ne sherbim te tyre. Kandidatet tane do te perzgjidhen nga vete komuniteti, dhe do te perfaqesojne vlerat me te mira demokristiane.

Problemi me i madh i zgjedhjeve te vjeshtes do te jene komisionet zgjedhore, pasi siç eshte vendosur ne Kodin Zgjedhor, nga zoti Nano dhe zoti Berisha, votat do te numerohen vetem nga dy partite e medha, prandaj per te mbrojtur votat duhet qe secili drejtues i deges se partise ne rrethe t` perzgjedhe per te kandiduar jo vetem kandidate qe fitojne vota, por dhe qe kane njerez qe ua ruajne votat nga vjedhjet te dielen ne mes te dites, diten e votimeve. Pra ndeshemi me dy probleme: me perzgjedhjen e njerezve qe kane vlera kandidimi dhe se dyti, qe te kene forca njerezore per te ruajtur votat e tyre.

Zgjedhje dhe perzgjedhje

Krahas fazes se perzgjedhjes dhe seleksionimit te emrave per listat e keshilltareve per Bashkite dhe komunat, krahas evidentimit te zonave ku mund te kandidojme direkt per postet e kryetareve te bashkive, ne jemi dhe ne fazen permbyllese per zgjedhjet e kryetareve dhe drejtuesve kryesore ne deget e rretheve. Deri tani, kane perfunduar mbi 2/3 e degeve, por mbeten pa u zhvilluar kuvendet e degeve te Vlores, Sarandes, Mirdites, Delvines, Skraparit, Devollit, Kucoves, Peqinit, Hasit, Kukesit dhe Kolonjes. Ne te gjitha kuvendet e degeve ka pasur perzgjedhje cilesore dhe cilesi organizimi, por me te miret ne organizimin e tyre mbeten Shkodra, Malesia e Madhe, Gjirokastra, Pogradeci, Puka, Korça, Gramshi, Permeti, Tirana qytet, Tirana - rreth dhe Durresi. Kurse me dobet, ku u moren masa deri ne largimin e njerezve nga te gjitha strukturat drejtuese, mbeten: Laçi, Lushnja dhe Tepelena.

Testi per te zgjedhurit e deritanishem dhe per ata ekzistues, ne menyre qe te qendrojne ne postet e kryetarit te deges, jane rezultatet e zgjedhjeve lokale te ketij viti. Per çdo dege do te kete objektiva te percaktuara qarte te nisura nga situata aktuale, bazuar ne jetegjatesine qe kane deget neper rrethe si dhe rezultatet e zgjedhjeve te fundit lokale. Per vendosjen e ketyre objektivave kerkohet dhe bashkepunimi juaj.

Pas zgjedhjeve do te mblidhemi perseri per te analizuar rezultatin e tyre dhe bazuar ne realizimin e objektiva, do te varet dhe vazhdimi juaj ose jo, ne krye te degeve.

Siç kam deklaruar dhe siç eshte vendimi unanim i kryesise se PDK-se ne do te dalim te vetem ne zgjedhjet lokale te ketij viti, pasi duhet te testojme veten tone, sa kemi arritur realisht te injektojme tek njerezit frymen demokristiane mbare europiane.

Kemi pasur oferta per bashkepunim dhe ndarje racionesh, ndonese te vogla, si nga PD, ashtu dhe nga e majta, por nuk do te pranojme te futemi ne vathen e askujt. Natyrisht qe dalja te vetem ne zgjedhje ka brenda vetes dhe riskun politik, por para se gjithash testohemi realisht ku jemi ne spektrin e politikes shqiptare. Koalicionet ne kete rast do te jene vetem paszgjedhore.

Nje pike e nxehte e ketyre zgjedhjeve do te jete Tirana, kryeqyteti. Kemi vendosur te mos kandidojme direkt per kryetar, dhe nuk do te mbeshtesim asnjerin kandidat te seciles parti qe do te kandidoje. Do te synojme qe te marrim dyfishin e sotem te keshilltareve demokristiane ne Bashkine e Tiranes me synimin qe te jemi force balancuese mes PD dhe PS ne keshillin bashkiak ose e perkthyer ndryshe, qe votat tona te anojne kandarin e njeres prej dy partive te medha. Prandaj kandidatet tane per Keshillin Bashkiak duhet te perfaqesojne vlerat me te mira te rrymes demokristiane shqiptare.

Strategji dhe pragmatizem

Natyrisht qe si aleate strategjike kemi PD-ne, por kjo nuk do te thote se nuk dime te njohim pragmatizmin politik, ashtu siç e ka bere dhe po ben vete PD-ja, me zotin Nano. Ne te njejten menyre siç beri pazarin Berisha me Nanon per Kodin Zgjedhor, ku na perjashtuan nesi parti demokristiane nga te gjitha komisionet zgjedhore, edhe ne, duhet te mos jemi shume fanatike te siglave partiake aleate. Kur pragmatizmi i sherben forcimit te partise qe perfaqesojme, atehere nuk ka tabu. E thene edhe me shqip kryetaret e degeve te PDK-se, kur nuk do te kandidojne direkt per postet e kryetareve te bashkive apo komunave, pasi nuk e ndjejne veten te sigurte, atehere autorizohen qe per te shtuar numrin e listes se keshilltareve demokristiane, jane te lire per te perzgjedhur bashkepunimin lokal.

Ne synojme qe ne Shkoder, Malesi e Madhe, Puke, Pogradec, Durres, Gjirokaster, Korçe, Lezhe, Tirane, Bulqize, Peshkopi, Rreshen, Laç dhe Fier te marrin aq numer keshilltaresh sa te kerkojme postin e kryetarit te keshillit bashkiak. Ndersa ne disa komuna te quajtura &quot;zona te nxehta demokristiane&quot; si ne Malesi e Madhe, Puke, Tropoje, Lezhe, Mirdite, Pogradec, Shkoder, Ulez, Velipoje, Perrenjas do te spostojme njeren nga dy partite e medha politike.

Keto zgjedhje lokale jane sfida jo vetem e jona si parti, por edhe e nje filozifie te re qe po kerkojme te fusim ne politiken shqiptare ku ai qe humb jep doreheqjen e menjehershme dhe nuk mbetet ne politike duke u kacavarur.

Cilesi dhe emra te spikatur

Per te pasur sa me shume elektorat dhe natyrisht vota, duhet qe kryetaret e degeve, te perzgjedhin per te futur ne listat per keshilltare te demokristianeve emrat me te spikatur te partise sone, por dhe nga shoqeria civile, individe te cilet kane mbeshtetje popullore. Brenda dates 30 korrik listat e keshilltareve per bashkite do te miratohen nga kryesia qendrore ne Tirane. Kjo gje kerkohet per t'u siguruar se ne listat tona kane hyre realisht individe qe perfaqesojne dhe mbrojne filozofine dhe vlerat demokristiane qe po dominojne gjithnje e me shume ne mbare Europen. Perfaqesuesit e shoqerise civile do te gjejne tek ne mbeshtetjen dhe mundesine per te percjelle, siç e ndjejne, zerin e tyre ne keshillat bashkiake ne te gjithe vendin dhe ne do te pasurojme Partine tone me vlerat me te mira intelektuale.

Keto zgjedhje jane test jo vetem per ne si force politike qe duam kredibilitet, por do te jene tregues se ku mund te luajme me pas per zgjedhjet parlamentare. Zgjedhjet parlamentare sjellin bashkeqeverisje jo vetem lokale, por dhe qendrore. Ndaj duhet qe ne keto zgjedhje administrative lokale te pergatisim kushtet qe me vone te kemi grup parlamentar me deputete demokristiane dhe jo te marrim hua, sic kane perlare shumica e partive te sotme ne parlament. Dhe siç kemi deklaruar mbetet e palevizur motoja se cili nga ju apo dhe nga ato qe nuk jane ne salle, por qe kandidojne per ne, merr vota direkt ne baze behet deputet nga lista shumeemerore e proporcionalit. Nuk do te lejoj qe ju te merrni votat dhe kryesia e partise te behet me poste deputeti apo drejtoje ne ekzekutiv, duke shfrytezuar punen e perkushtimin tuaj. Jo. E kam thene dhe po e perseris: Deputet do te behet ai qe merr vota ne baze.

*Mesazhi i Kryetarit te Demokristianeve, Nikolle Lesi drejtuar Keshillit Kombetar te PDK-se, perpara zgjedhjeve lokale

 

[komino]

Re: Zgjedhjet lokale te vjeshtes dhe fushata elektorale e partive

nje parti demokristiane ne nje elektorat 70 % mysliman
do ishte shume interesante nje fitore e tyre

persa i perket te tjerave
populli ne urtesine e tij thote

ujku qimen e nderron po zakonin s'e harron

thjesht te gjithe po i shtojne uje kosit

do pime dhe dhalle e do kenaqemi