SpellCheck per shqipen...

[109UV]

SpellCheck per shqipen...

http://216.87.111.12:10000/spell/default.aspx

Nje nder projektet e mia ne shkolle eshte krijimi i nje spellcheck (i thjeshte) per shqipen, dhe krijimi i te dhenave se sa efektiv eshte ky spellcheck. Prandaj, nqs disa minuta kohe, jeni te lutur te shkoni tek lidhja mesiper dhe te kontrolloni shkrimin e nje fjale. Tashti per tashti kjo faqe punon vetem per nje fjale per cdo korrigjim, por kjo vetem per pamundesi te pasjes se nje serveri te fuqishem.

Ideja eshte e thjeshte, shkruan nje fjale ne kutine majtas-siper, dhe pastaj shtyp butonin "Korrigjo". Ne kutine me poshte do te jepet nje liste e fjaleve te ngjashme me te. Nqs nje nga sugjerimet ne ate liste eshte korrekt, atehere kliko njehere mbi sugjerimin (per ta "zgjedhur") dhe pastaj kliko njehere mbi butonin "Korrigjim i sakte" ne menyre qe te regjistrohet korrigjimi i suksesshem. Nqs asnje nga fjalet ne liste nuk eshte nje korrigjim i pelqyeshem, klikoni butonin "Korrigjim pasakte".

Flmd. per ndihmen.

 

[ladio]

Re: SpellCheck per shqipen...

cool...

thjesht doja me te dhene nje ide qe me erdhi per ta bere per kontrollimin e me shume fjaleve:

-> Shkruaj psh dy ose tre fjale tek textbox
-> E merr input edhe e split (e vendos cdo fjale ne nje element ne nje array)
-> Pastaj per cdo element ne array ben compare me fjalet qe ke ne database: ne qofte se gjen nje fjale te njejet me te, atehere fjala eshte OK dmth s'ke nevoje me dhene suggestion. Ne qofte se nuk e gjen ate fjale ne database atehere gjej fjalet qe mund ti suggest edhe ruaji ne nje array ose ku mund te duket ty e arsyeshme.
-> Pasi te besh kontrollimin per te gjitha fjalet ateher display te gjitha fjalet qe u ishin ne textbox: ato fjale qe ishin OK thjesht print out, kurse per ato qe ke sygjerime vendos sygjerimet ne nje dropdown list nga ku personi mund te zgjedhi fjalen e sakte.

Tani kjo vlen vetem per te kontrolluar fjalet jo strukturen e fjalise.

Nuk e di a isha i qarte apo jo por mendoj se do behet pak me realistike ne kete menyre... mund te marresh edhe ndonje note me te mire /pf/images/graemlins/wink.gif

cheers
mySteRioUs

 

[Besnik Bleta]

Re: SpellCheck per shqipen...

Urime, mjeshtër, që i ke hyrë punës.
Tani, më konkretisht po përpiqesh të saktësosh bazën e të dhënave, me hapat që na këshillon të ndjekim apo thjesht për të treguar se si funksionon programi?
A ke ndër mend ta bësh që kontrolli i drejtshkrimit të punojë brenda programesh që merren me përpunim tekstesh?

 

[bebivogel]

Re: SpellCheck per shqipen...

:thumbsup:

jo keq si start /pf/images/graemlins/tongue.gif

:wave:

 

[109UV]

Re: SpellCheck per shqipen...

Mysterious,

ke të drejtë që duhet lejuar më shumë se një fjalë, sikur dhe vetëm për ta bërë më interesante për përdoruesit. Megjithatë kompjuteri që po përdor për këtë qëllim është i mbingarkuar...dhe do shikoj nëse do ketë mundësi ta kontrollojë një fjali të tërë pa shkëputur sesionin. Flmd.

Besnik,

Unë dua të saktësoj dhe plotësoj bazën e të dhënave dhe gjithashtu të shikoj se cilat gabime janë më të shpeshta. Për këtë do ndihmonte shumë sikur të kontrolloja fjali tëra, ndoshta do jetë e mundur së shpejti. Gjithashtu, nëse projekti arrin një saktësi të kënaqshme në korrigjim, besoj që mund edhe të integrohet në programe që merren me përpunim teksti.

Flmd. për ndihmën.

 

[vlera]

Re: SpellCheck per shqipen...

Pershendetje!

E kam pare programin te cilin e punoni, ju deshiroje shume suksese te metejme, medoj se beni pune te mrekullueshme, dhe me duket ide per tu lavderuar ideja juaj

Por kam nje keshille, ju me siguri ne te ardhemen do te punoni ende ketu dhe ju keshilloje qe aty te fusni edhe rregullat gramatikore
Une provova atje ca folje p.sh jetoj ,besoj, punoj etj. Ketu kam nje verejtje, duke e dite qe folja mund te jete kalimtare apo jo kalimtare, ka formen veprore apo joveprore, ka kohet dhe menyrat e saj mendoj se keto te gjitha duhet te mirren parasysh qe drejte te korigjohet nje fjale ne kete rast edhe fojla qe e shpreha une. Me sa pashe une ju aty ju keni dedikuar vetem menyres urdherore te foljes beso , puno, jeto. Mendoj se do ishte ide e mire qe te caktoni rrenjen e foljes e pastaj te shkruani prapashtesat te cilat percaktoj foljen se cfare eshte ajo, ciles forme i takon, menyren, kohen e saj.
Nje ide tjeter do te ishte qe te percaktoni se ciles pjese te ligjerates i takon fjala.

Mendoj se puna juaj eshte per tu vleresuar, pra keni themelin e forte vetem ju duhet qe ta ngrisni me larte.

Edhe njehere shume sukese dhe gezuar festat!

 

[Besnik Bleta]

Re: SpellCheck per shqipen...

Mjeshtër, kjo do ishte edhe pjesa më e vështirë, ngaqë flitet se ka vetëm një bazë të dhënash me fjalët e Shqipes, diku në një institut në Shqipëri, jo falas, sepse ata miqtë nuk kanë kuptuar se çfarë dëmi i bëhet gjuhës duke e mbajtur të kyçur nëpër kasaforta. Pra ose duhet të provosh, dhe mbase ke më fat se unë, të lidhesh me ta, ose duhet krijuar "hash"-i nga fillimi. Për të dytën do duhet kohë dhe këtu mund të ndihmojmë, sepse një listë me fjalë të fusë secili dhe kemi përmirësim (faqja hyrëse tregon 3500 e kusur të regjistruar). Nëse mendojmë 50 mijë fjalë i bie 14 fjalë (rrënjë) secilit nga anëtarët e forumit. Mund t'u kërkosh administratorëve të të ndihmojnë të hapësh një fushatë për të regjistruar vullnetarë, e shfaqur në faqen hyrëse të forumit. Më pas secilit prej tyre t'i dërgosh një numër rrënjësh (të cilin mund ta përcaktojnë këta se sa) e këta të të dërgojnë listën me lakime e zgjedhime, shuma e të cilave do të të japë lëndën e parë për hash-in.
Ose, të biem në një mendje për të përdorur një fjalor të Shqipes, një të vetëm, dhe secili të marrë për sipër hedhjen nga faqja x-y në një listë të pjeshme.
Një rrugë tjetër do ishte të përtypësh faqe shqip nga Interneti për të nxjerrë lista fjalësh.

 

[renea]

Re: SpellCheck per shqipen...

Mendoj se nisesi i temes ka dashur te provoje "programi" me te cilin po punon, bukur, vazhdo punen e mire !

 

[109UV]

Re: SpellCheck per shqipen...

Besnik,

Tekstet për përpunim duhen zgjedhur me kujdes, megjithatë unë nuk dua të koncentrohem në krijimin e një liste fjalësh, gjë e cila mund të funksionojë në anglisht, por jo në shqip për vetë morfologjinë e komplikuar të shqipes. Unë kam kontakt me një specialist të morfologjisë shqipe ndërkohë, por kjo është punë e ngeshme...dmth..do kohë. Ajo që unë dua të arrij është krijimi i një ideje mbi gabimet më të shpeshta... (kjo do ishte më e lehtë sikur programi të ishte funksional për korrigjime fjalish.)
megjithatë, nuk do doja ta vija gishtin drejtpërsëdrejti mbi akademikët shqiptarë si fajtorë pasi edhe koncepti i ruajtjes së të drejtave të autorit nuk para ekziston midis nesh.

Renea,

Unë nuk dua të shikoj nëse punon apo jo programi, pasi ai punon por ajo që ka rëndësi është saktësia me të cilën punon. Në cilësimin e kësaj saktësie hyn edhe ndihma juaj, që unë e cmoj dhe ju falënderoj. Megjithatë, për ta bërë si të thuash një rrugë të dyanshme, do mundohem të krijoj një version për kontrollin e fjalive të tëra që ndoshta ju mund ta përdorni për korrigjimin e ndonjë e-mail apo shkrim tjetër shqip. (sigurisht që saktësia do jetë pak a shume modeste, dhe as ju e as unë nuk do paguanim asnjë qindarkë për atë program /pf/images/graemlins/smile.gif )

Betina,

Përcaktimi i pjesës së ligjëratës është dicka e nevojshme, por do donte shumë kohë për tu përfunduar. Megjithatë nuk besoj se ka ndonjë zgjidhje më të lehtë /pf/images/graemlins/frown.gif

 

[Besnik Bleta]

Re: SpellCheck per shqipen...

Vetëm se pa një "hash" deri diku të pasur mund të kesh përfundime të gabuar rreth se sa gabime bëhen. Nëse bazohesh në një "hash", ta zemë:

nënë
babë
ujë
bukë
zjarr
akull
gomar
hajvan

çdo fjalë e ndryshme nga këto do të të shfaqej si gabim, edhe pse unë shkruaj drejt: hekur, verë, raki, qejfli.

Të drejta të tejfryra autorësh, (që mbase edhe nuk janë fare autorë), e kanë lënë Shqipen në pikë të hallit, ama, mjafton të shohësh se për cilat gjuhë të botës mungojnë "hash"-e për Aspell dhe Ispell. Një gjendje e tillë ata i vë në pozitat e atij që nuk justifikon dot rrogën, (që paguhet nga taksat). Pra prapa të drejtës së autorit,(të gënjeshtërt), fshihet parazitizmi.

 

[109UV]

Re: SpellCheck per shqipen...

ajo është listë ama, jo hash. hash quhet kur cdo element ka një 'celës' për ta hapur (apo korrespondues). megjithatë, lista e fjalëve është e rëndësishme por unë nuk kam problem madhor listën e fjalëve. sepse në shqip...cdo emër ka mesatarisht 5-6 forma të ndryshme, cdo folje ka 7-8 forma të ndryshme. Pra, 40,000 mije fjale kalojne lehtësisht në 280,000 forma. shto fjalë e shto 7 herë më shumë forma...etj është dicka pa bereqet. pa marre parasysh asnjë informacion tjetër që përgjithësisht futet në këto fjalorë.

sa për krahasimin midis akademikëve shqiptarë dhe atyre amerikanë (apo evropianë)...është i padrejtë. sepse kushtet jane aspak të krahasueshme. rrogat janë aspak të krahasueshme. baza e materialeve ndryshon si nata me ditën. në amerikë ekziston koncepti i projekteve të financuara nga firma private, koncepti i tarifës së shkollës 25 mijë dollarë në vit..dhe koncepti i rrogës...një profesor full time në NYU apo Columbia merr mbi $100,000 ne vit, plus ngarkesë minimale në mësimdhënie etj etj...

dhe nuk ka vlerë për tu zënë...

besoj se ndihma më e mirë për mua dhe për ju, do ishte dicka funksionale përtej një forme të thjeshtë si deri më tani. do mundohem të merrem me të sonte në darkë. gjithë të mirat.

 

[vlera]

Re: SpellCheck per shqipen...

Përshëndetje 109UV

Fillimi eshte i veshtire dhe po aq edhe puna nese mendon te kesh nje rezultat te mire ne fund.
Mendoj se po te korigjohet nje fjale apo nje fjali e tere duhet te gjitha keto, pra rregullat gramatikore te merren parasysh, edhe morfologjia edhe sintaksa. Atehere besoj se puna juaj do te ishte nje mrekulli edhe pse qe ne fillim duket te tille per mendimin tim, sepse e di shume mire se sa i jeni perkushtuar gjithe kesaj.
Keto ide mund ti marresh edha nga microsoftWordi i cili cdo here te rekomandon si duhet te shkruash drejte nje fjale dhe sa qendron fjalia gramatikisht. Dhe sinqerisht e them me vjen shume mire qe i jeni perkushtuar kesaj gjeje e cila do tu hynte ne pune te gjitheve.

Shkruesi i meparshem te keshillon qe te kerkosh ndihme, edhe une kam mendim te njejte me te sepse vertete eshte nje pune shume e madhe dhe kerkon mund. Une per veten time me kenaqesi do ta pranoja per te te ndihmuar, por eshte problemi se nuk jam me profesion albanologe, por sidoqofte ndoshta mund te te ndihmoj sadopak dhe besoj se ka shume te tille qe do te mund te te ndihmonin.
Mendoj se nje projekt i tille eshte i mire per te gjithe ne dhe na hyn ne pune te gjitheve.


Gjithe te mirat!

 

[ladio]

Re: SpellCheck per shqipen...

Per mendimin tim per momentin nuk eshte shume e rendesishme se ke 10 apo 10000 fjale, por algorithmi. Ne qofte se programi punon ashtu sic duhet, ateher fjalet mund ti shtosh pa problem... cdo njeri mund te japi kontributin e vet.

Betina ka te drejte per punen e gramatikes sepse fundjafundit ajo eshte kryesorja, por mendoj se ai do jete stage final per kete projekt.

Ne qofte se si fillim ky program do te mund te gjeje fjalet qe jane shkruajtur gabim edhe do te sugjeroje fjalen/fjalet e sakta atehere do te jete nje arritje.

Ne qofte se qe ne fillim do qe ti gjesh gabimet gramatikore... pas nje fare periudhe projekti do hudhet ne ndonje cep sepse do behet i veshtire.

Nejse... keep up ur good work!

Per ndonje ide ose ndihme je i mirepritur (me aq sa kemi mundesi)

cheers,
mySteRioUs

 

[109UV]

Re: SpellCheck per shqipen...

http://216.87.111.12:10000/spell/sentence.aspx

Tashti mund të kontrolloni një fjali të tërë. Ideja është e njëjtë, shkruani fjalinë në kutinë e parë dhe pastaj shtyp butonin Korrigjo. Ky buton do kontrollojë fjalinë tuaj dhe për cdo fjalë që nuk do gjejë do krijojë një listë, ku fjala e parë ( e kësaj liste) është fjala gabim dhe fjalët e tjera janë sugjerimet. Ju lutem zgjidhni një sugjerim për cdo fjalë (nëse nuk ka një sugjerim të saktë, atëherë mos zgjidhni asgjë) dhe shtypni butonin "Rregjistro Sugjerimin".

Faleminderit për ndihmën tuaj. Nëse keni ndonjë pyetje, ju lutem postojeni këtu.

 

[ladio]

Re: SpellCheck per shqipen...

Tani duket klas fare!!

Nje pyetje thjesht per kuriozitet:
Cfare ndodh kur klikon "Regjistro Sygjerimin"?

cheers

 

[mistrec-sarande]

Re: SpellCheck per shqipen...

Universiteti i prishtines po punonte per nje projekte qe te kishte nje spellcheck ne gjuhen shqipe siç eshte ne anglishte.

Ndonjeri prej jush a di gje ku munde ta gjej.

:thumbsup:

 

[vlera]

Re: SpellCheck per shqipen...

Pershendetje!

Fillimisht postuar nga mistrec-sarande:
[qb] Universiteti i prishtines po punonte per nje projekte qe te kishte nje spellcheck ne gjuhen shqipe siç eshte ne anglishte.

Ndonjeri prej jush a di gje ku munde ta gjej.

:thumbsup: [/qb]

Edhe une kam degjaur per kete gje, eshte prite qe nje program i tille te kryhet veren e kaluar, por se a e kane perfunduar apo jo nuk kam informacione

Gjithe te mirat!

 

[109UV]

Re: SpellCheck per shqipen...

Fillimisht postuar nga mySteRioUs:
[qb] Tani duket klas fare!![/qb]

Faleminderit për inkurajimin.

[qb]
Cfare ndodh kur klikon "Regjistro Sygjerimin"?
[/qb]

Regjistroj fjalën që ishte shtypur gabim, sugjerimin, suksesin e sugjerimit (nëse u zgjodh një ngga sugjerimet), si edhe indeksin e sugjerimit të zgjedhur. Psh, nëse ti zgjedh një sugjerim nga mesi i listës, psh me indeks 15, kjo tregon që megjithëse u sugjerua një zëvendësim i pëlqyeshëm.. cilësia e listës së sugjerimeve nuk ishte e lartë. Idealja do ishte që për cdo fjalë të shkruar gabim, 3-4 sugjerimet e para të përmbanin zëvendësimin e duhur të fjalës.