Re: "Si te behesh milioner"?
A eshte problem karrierizmi ne nje sipermarrje????
(Shkëlqim Malavia): Nga eksperienca juaj, z. Kokëdhima, a e shihni si problem karrierizmin në një sipërmarrje, sidomos të tipit korporatë?
Përgjigja e z. Koço Kokedhima :
Nuk e di nëse kuptojmë të njëjtën gjë me termin karrierizëm por, për marrëveshje fjale, do të thoshim se karrieristë janë ata njerëz që mbi gjithçka vendosin karrierën e tyre. Ata janë shumë të fokusuar në nevojën e tyre për sukses dhe çdo interes tjetër iu dobësohet përpara këtij interesi. Në vlerësimin tonë kjo nuk është një gjë apriori e keqe, flas në një sipërmarrje, në një korporatë. Për aq kohë sa kjo nuk përbën një problem në marrëdhënie me stafin, me bashkëpunëtorët dhe nxit konkurrencën, nxit idetë, nxit kërkesat për më shumë zhvillim, është një gjë pozitive. Shumë kohë iu duhet menaxherëve që të harxhojnë për të mirëmbajtur marrëdhëniet brenda stafit dhe, kjo gjë është e nevojshme që të rregullohet mirë, që sensi i karrierës të anëtarëve të ekipit të mos cënojë nivelin e bashkëpunimit, të mos cënojë punën e anëtarëve të tjerë dhe vlerësimin për ta. I ashtuquajturi “karrierizëm”, nuk është e thënë që të prodhojë domosdoshmërisht efekte negative. Ai është një premisë që mund të menaxhohet me sukses në një kompani. Unë gjithashtu, kam vene re se ndër karrieristët, është e mundur që shpeshherë të nënvleftësohen shpresat, nevojat, shqetësimet dhe meraku i anëtarëve të tjerë të ekipit, të nënvleftësohen arritjet e të tjerëve dhe të mbivlerësohen virtytet personale. Një karrierist gjithashtu, është mjaft i ekspozuar ndaj rrezikut që të përqendrohet tërësisht tek vetja dhe të shpërqendrohet nga përpjekjet për të arritur rezultatet që kompania pret.
Ju si mendoni????
Per me teper pergjigje klikoni ketu :
http://www.biznesi.com.al/index.php?page=milioner
http://www.biznesi.com.al/forum/forumdisplay.php?f=25
