Rinia Shqiptare e Vitit 90

M

Marimba

Primus registratum
Rinia Shqiptare e Vitit 90

Duke u frymezuar nga nje teme tjeter (kush deshiron mund ta lexoje ketu , desha te shpreh disa mendime dhe ndjenja qe me erdhen.

Simpatizoj mjaft shqiptaret qe perbenin rinine e vitit 90, rinine qe hapi ambasadat, rinine qe hyri ne greve urie, rinine e 2 Korrikut, rinine e Dhjetorit, rinine qe realizoi revolucionin e atehershem. Atehere isha e vogel dhe mbaj mend me sa admirim i shikoja, dhe pyesja veten a do behem ndonjehere kaq e guximshme kur te rritem...
Por jo vetem kaq. Shqiptaret e kesaj moshe ishin ndoshta dhe me te humburit, sepse nuk arriten te zinin nje vend te mire shoqeror me sistemin e diktatures, dhe nga ana tjeter i ra ne kurriz pesha e mbijeteses ne nje sistem te ri, rregullat e lojes se te cilit nuk i dinin, sado te shikonin fshehtaz kanalet italiane me "grupe" te sajuara...
Nje arsye tjeter per te cilen i admiroj eshte se, te gjithe si brez dua te them, kishin nje etje per dijen, te cilen nuk e ka ne te njejten mase rinia e sotme shqiptare (ndoshta sepse ishin te ngujuar dhe kerkonin dalje me ane te dijes). Prekem kur kujtoj si perpiqeshin te gjenin nje rrobaqepes privat qe t'u qepte rrobat sipas modes se ndaluar, si perndiqeshin nga pleqte e Frontit per bishtat e flokeve paksa te gjata - "shfaqje te huaja"-, si hynin ne gare kush do mesoje sa me shume gjuhe te huaja, si i fishkellenin gocave te cilat skuqeshin dhe shpejtonin hapin, gjoja te zemeruara, si hanin fara tek Parku Rinia, etj.
Me vone, kur ata moren rruget e botes dhe punonin ne punet me te perbuzura, me erdhi akoma me shume keq kur kujtoja si i qortonin dikur per "rrugace" dhe "dembele" pse rrinin neper bordura, nderkohe qe vete shteti i linte te papune...
Nuk me vjen keq per 50 vjecaret e sotem, sepse ata arriten te shijonin ato pak te mira te asaj kohe, arriten te krijojne nje rreth shoqeror, te jene dikushat e lagjes apo pallatit te tyre. Nuk me vjen keq per 20 vjecaret e sotem, sepse i kane gati te gjitha mundesite per ta bere jeten e tyre si te duan. Me vjen keq per ata qe enderronin dikur te kercenin Abbat dhe BoneyM ne disko, dhe kur dolen ne Europe diskot ishin shnderruar ne night clubs, Abbat kishin perenduar, dhe ata vete u gjenden me dy femije per te rritur...
Valle jam e vetmja qe mendon keshtu?
 
G

Goca

Primus registratum
Re: Rinia Shqiptare e Vitit 90

Me pelqen shume kjo qe ke shkruar. Nuk e di pse, por gjeja e pare qe me erdhi nder mend eshte shkolla ime. Ajo permbante nxenes nga mosha 6 deri 18 vjec dhe ishte pak e cuditshme ti kishe ATA, te rriturit, gjithmone aty. I shihje e mendoje se edhe ti nje dite do shkoje ne vitin e katert e do silleshe si ato, por ja qe viti im i kater qe krejt ndryshe. Veshtire te shihje te gjithe klasen e ulur ne shesh! Ata ndaheshin grupe grupe sipas klasave te reja qe po formoheshin e keshtu humbnin privilegjin e te ndenjurit bashke e te shkembimit te mendimeve.
Ndersa te rinjte e 90 ishin aq te paster nga njera ane, akoma te painfektuar nga materializmi , por me shume endrra e ambicje. Me dije te fituara me mund ndaj edhe qene te paret qe moren rrugen.
5, 6, 7, mars 1991. Pastaj viti i kater i shkolles sime u pergjysmua. Ne varkat qe ne shihnim nga ballkoni e nje shtepie prane portit, po udhetonin muzikante te talentuar, kengetare e piktore. Ishte e cuditshe te ngjisje shkallet e shkolles e te mos shihje me violoncelistin e njohur ne krye te katit te katert. Te mos degjoje zerat kumbues te shoqeve te Morena Rekes e te mos kishte me ekspozita pikture ne katin e trete te shkolles. Maturantet e atij viti iken. Gjithcka qe me kujtohet jane dy fytyra. Nje vajze bjonde me floke kacurrele qe mbante me hater klasen e katert e nje djale te gjate e zeshkan, qe na perkedhelte e na akordonte violinen neper sallonet e shkolles. Shume prej tyre tani punojne , s`i dihet ku...
 
G

Goca

Primus registratum
Re: Rinia Shqiptare e Vitit 90

Mos e kthe ne te qeshme... /pf/images/graemlins/wink.gif
 
Z

zog

Primus registratum
Re: Rinia Shqiptare e Vitit 90

se kisha per humor, po ngase shkrimi eshte teper nostalgjik dhe idealizus. ai mistifikon "rinine" e asaj kohe, Marimba (te cilen e simpatizoj mjaft) ka pas ne mendje baben e vet dhe e ka vendos veten ne propocion me te.

rinia shqiptare e asaj kohe ishte po "aq kot" sa rinia shqiptare e kesaj kohe. du me thon se "levizja rinore" e epokes ne fjale nuk u krye nga lart-poshte por nga poshte-lart, e kjo ishte fatkeqesia e saj por dhe epokes sotme. ajo u kry per nje "cop buk e nje pale zhinse", pra per "PAK" LEK ME SHUME. e pikerisht leku eshte sot epidemia ngjitese e vdekjeprurese qe i kercenon gjithe shqiptaret, ose me drejt me thone qe semur deri ne zhdukje dhe ate pak DINJITET te tyre.
 
M

Marimba

Primus registratum
Re: Rinia Shqiptare e Vitit 90

Ne fakt, nuk e kisha fjalen per babain tim, pasi ai i perket brezit 50-55 (mosha e tij degjonte Jesahel, Celentano etj). Ne ato vite brezi i tij i kishte "dorezuar armet", ishte bere pjese e regjimit, dashur-padashur, perderisa kishte nje pune dhe nje shtepi te veten.
E kisha fjalen me teper per 35-45 vjecaret e sotem , qe atehere ishin te rinj te papune apo studente te thjeshte, pa shtepi dhe pa vend shoqeror. Ata qe kendonin me nje kitare tek Parku Rinia ne grup, apo ata qe arriten te punonin ne Kombinat me tre turne sepse nuk kishin miq per te gjetur nje pune me te mire...
Ata qe nuk arriten te merrnin pjese ne mbledhjet e partise dhe t'i ngulnin thiken mbas shpine njeri-tjetrit duke i bere biografine...
P.S. Zog, flm per simpatine :wave:
 
E

edda

Primus registratum
Re: Rinia Shqiptare e Vitit 90

Shume gjera s'i mbaj mend sepse kur eshte ndrru sistemi kam qene 10-11 vjeç por per fat (here te mire e here te keq!!) kam bashkeshortin qe atehere ka qene 20 vjeç dhe sa here une marr ato superxhirot e mia te majta ai me kap prej veshi e me ul ne toke duke iu rikthyer per te disaten here historive te femijerise dhe rinise se vet. Ndonjehere me kap nje gaz i madh kur shoh ato fotot mikroskopike bardhe e zi, kuadrati i te cilave permbledh disa 20 vjeçare te veshur me ca xhinse blu apo me ca pantallone tipo cowboy, me ca funde veref qe fillonin nga siper kerthizes dhe mbulonin edhe gjunjet, me ca floke qe duken sikur kane kushedi sesa kohe pa u lare, apo kur degjoj ato historite e dashurive te pafilluara kurre, ato mbremjet (mengjeset apo drekat me sakte) me kercim danc /pf/images/graemlins/smile.gif ku trasgresioni qendronte ne hedhjen e kraheve rreth qafes se mashkullit dhe venien e duarve te ketij te fundit ne belin e femres.
Nuk besoj se te gjithe e bene per nje pale xhinse e per nje cope buke me shume siç thote zogu. Ndoshta gjithçka lindi per nje budallallek por ajo qe kerkonin, ndoshta te influencuar dhe nga renia e murit te Berlinit apo rrokullisja e ngjarjeve ne Rumani, ishte te ndryshonin gjithe ate sistem. Gjithe kjo levizje ishte si nje vullkan qe vlonte perbrenda dhe kur shpertheu mori gjithçka gjeti perpara.
Por ishin shume konfuze ndoshta dhe naive dhe si pasoje hipen ne shtet disa fytyra qe e kane çuar Shqiperine deri ne kete gjendje.
Une e adhuroj kete brez! Jane shume me te pergatitur kulturalisht se ne. Ato qe jetojne prej vitesh jashte (te pakten ato qe njoh une!) dhe ndjehen te integruar perseri ne menyren sesi gjykojne apo sesi e ndertojne jeten u ka mbetur diçka shqiptare. Jane shume me te pergjegjshem se ne!
 
B

b.k.

Primus registratum
Re: Rinia Shqiptare e Vitit 90

Pa dashur te tregohem pesimiste pranoj se ai brez me trishton shume. Nderkohe qe qendron shume lart ne disa aspekte (mardheniet shoqeorere, sinqeritet, deshira dhe pasione), mua me duket sikur rinia e tyre eshte prere ne mes, dhe po ashtu deshirat dhe aspiratat.

Gjetja e vetes ne nje bote polotesisht te re dhe mardhenie personale dhe nderpersonale plotesisht te reja, atehere kur ishte shume vone per te ndryshuar, nuk te lejon te besosh me as ne te rene dhe as ne te vjetren, kurse ne brezi (qofte dhe 5 vjecar me i ri) patem me shume kohe per te kaperdire dhe per tiu pershtatur atyre ndryshimeve rrenjesore te viteve 90.
 
You must log in or register to reply here.
Top