Re: Re: Informacione rreth ekonomise ne Shqiperi
Mizsei: Investimet në vend, shumë të ulëta
780 mijë shqiptarë jetojnë në linjën e varfërisë absolute për të reduktuar numrin e tyre. Shqipërisë i duhen rreth 36 miliardë dollarë për dhjetë vitet e ardhshme, ndërkohë që Shqipëria arrin të sigurojë vetëm 15 miliardë dollarë
Investimet në vend janë shumë të ulëta, ndërkohë që infrastruktura e qeverisjes është shumë e dobët. Kështu ka deklaruar ndje para largimit nga Shqipëria, ndihmëssekretari i Përgjithshëm i Organizatës së Kombeve të Bashkuara, zoti Kalman Mizsei. Zoti Kalman erdhi në Tiranë tre ditë më parë për të marrë pjesë në një konferencë kombëtare të ekipit të Kombeve të Bashkuara, PNUD-it, qeverisë shqiptare dhe donatorëve. Ai deklaroi se Shqipëria nuk duhet të kishte këto ritme zhvillimi. Sipas tij, ato duhej të ishin më të larta të paktën në masën 8 deri në 9%.
Sipas zotit Kalman Mizsei, tha se, Shqipëria paraqet probleme me varfërinë në vend dhe ajo është shumë e larta për të reduktuar varfërinë.
Shqipëria sipas tij nuk ka asnjë arsye që të jetë në këtë nivel në të cilin ndodhet aktualisht, pasi sipas tij ajo nuk është e pushtuar nga asnjë shtet tjetër e as nga ndonjë ideologji. Zoti Mizsei i referohet kështu ritmeve të dobëta të zhvillimit ekonomik të vendit, të cilat janë rreth 6% në vit.
Korrupsioni është kyç i mosqeverisjes dhe qeveria duhet të marrë angazhimet e saj në këtë drejtim, nga i cili varet përmirësimi i jetës së njerëzve.
Ai i kërkonin qeverisë shqiptare rritje të investimeve të huaja në vend, dhe më shumë të plotësojnë angazhimet që kanë marrë para popullit të vet.
Sipas zotit Mizsei, Shqipëria duhet të kishte siguruar të paktën 500 milionë dollarë investime dhe një ritëm vjetor rritje prej 8 deri në 9%, sepse nuk kishte asgjë që ta pengonte, por faktin se Shqipëria ka siguruar vetëm 153 milionë dollarë investime në vitin 2002, tregon se zhvillimi i vendit është dëmtuar.
Po kështu edhe përfaqësuesi zyrtar i FMN-së u shpreh se, vendi ka nevojë për reforma dhe për të rritur më shumë bazën e taksueshme.
Të ardhurat e vendit janë shumë të kufizuara të paktën 50% e ekonomisë është ilegale dhe nuk paguan taksat, çka do të thotë më pak të ardhura për të mbuluar shpenzimet sociale apo ato të minimizimit të varfërisë
Në vend investimet e huaja për vitin 2002 ishin 153 milionë dollarë, ndërkohë që deri në 2015, Shqipërisë i duhen plot 21.1 miliardë investime të huaja për të ulur varfërinë dhe për t'u marrë në konsideratë nga BE. Deri tani Shqipëria paraqitet në nivelin e dobët në kapërcimin e disa prej problemeve që shqetësojnë vendin, siç janë varfëria dhe vdekshmëria e lartë foshnjore. Shqipëria është shumë e varfër në investime publike dhe ka probelme të mëdha me sistemin shëndetësor, i cili është i pareformuar. Kursimet vendase janë dy herë më të vogla nga kërkesat që ka ekonomia e vendit për të shpëtuar të paktën 100 mijë shqiptarë nga varfëria.
