Privatizime

K

komino

Valoris scriptorum
Privatizime

Ruli: Privatizimi i KESH-it, gati për vitin 2007


Ministri i Ekonomisë, Tregtisë dhe Energjitikës, Genc Ruli, në një seancë të veçantë të zhvillimit të Forumit të Crans Montanës, ka diskutuar rreth sektorit të energjitikës. Mes diskutimeve, Ruli theksoi domosdoshmërinë e privatizimit të Korporatës Energjitike Shqiptare, si një nga objektivat kryesore të qeverisë. "Tashmë, qeveria shqiptare ka një plan konkret për privatizimin e Korporatës Energjitike Shqiptare dhe privatizimi do të jetë gati për vitin 2007". Plani për privatizimin e KESH-it konsiston në dy faza, ku fillimisht do të privatizohet sektori i shpërndarjes dhe më pas ai i prodhimit.

Gjithashtu, ministri i Ekonomisë, Ruli, ka bërë të ditur edhe për uljen e çmimit të energjisë për biznesin dhe në qendër të strategjisë shqiptare për energjinë alternative mbetet gjetja e gazit natyror dhe zhvillimi i kapaciteteve të interkoneksionit. Gjithashtu, Ruli ka bërë të ditur edhe për përpjekjet e qeverisë në ndërtimin e hidrocentraleve dhe termocentraleve, në mënyrë që vendi të mos gjendet më në krizë energjitike.

www.rilindjademokratike.com
 
K

komino

Valoris scriptorum
Re: Privatizime

Drejt privatizimit korporatat shtetërore

Gati agjensia kombëtare e konçensioneve, e cila do të përshpejtojë projektet për ndërtimin e hidrocentraleve të reja


Kryeministri Sali Berisha deklaroi gjatë një takimi me përfaqësues të biznesit, se shumë shpejt do të ngrihet agjensia kombëtare e konçensioneve, në të cilën do të përshpejtohen të gjitha projektet ekzistuese dhe të reja për ndërtimin e hidrocentraleve të reja. Ai tha se ekziston një mirëkuptimin i plotë nga ana e qeverisë, për biznesmenët dhe investitorët, të cilët kanë hartuar projekte dhe kanë vendosur të investojnë në hidrocentrale të përmasave të vogla dhe të mesme në zona të ndryshme të vendit, por kërkohet gjithashtu mirëkuptimi i tyre se asgjë nuk ka ardhur nga neglizhenca e qeverisë, përkundrazi, qeveria ka patur angazhimin e plotë që këto investime të fillojnë sa më parë. Kreu i qeverisë gjithashtu e ka vënë theksin tek privatizimi i korporatave shtetërore. Sipas tij, ky do të jetë një nga drejtimet kryesore të qeverisë, pasi siç tha ai, qeveria mendon se nuk ka alternativë më të mirë për mirëmenaxhimin e pasurive të këtyre korporatave, përveç privatizimit me shpejtësi të tyre. "Drejtimi i tretë i qeverisë do të jetë privatizimi. Ka patur dy propozime në lidhje me këtë çështje. Njëra, të mirëmenaxhohet dhe pastaj të privatizohet, kurse tjetra, të privatizohet për ta mirëmenaxhuar. E dyta funksionon. Qeveria mendon se nuk ka alternativë më të mirë për mirëmenaxhimin e pasurive që përfaqësojnë korporatat, përveç privatizimit të tyre me shpejtësi, prandaj dhe qeveria është e vendosur të procedojë me ekspertët ndërkombëtarë, duke ngritur një grup pune për privatizimin e korporatave. Krahas privatizimit, qeveria është thellësisht e angazhuar për të përmirësuar në mënyrë të ndjeshme transmetimin. Linja Elbasan-Tiranë-Podgoricë është në ndërtim e sipër, fondet janë të siguruara dhe po punohet me intensitet për të siguruar fondet edhe për dy linja të tjera të mëdha, Vau i Dejës-Prishtinë dhe Elbasan-Shkup", tha Berisha. Ai theksoi se duke ecur në këto drejtime, qeveria synon që Shqipëria të shndërrohet jo vetëm në një vend të vetëmjaftueshëm për energji, por edhe në një eksportues rajonal të energjisë. Kryeministri, gjithashtu, tha se interes i madh është treguar për ndërtimin e termocentraleve me gaz likuid. "Një konsorcium ndërkombëtar ka vendosur të ndërtojë një të tillë prej 1200 mega/Vat në Seman, Fier. Konsorciume të tjera kanë treguar interes të madh për të ndërtuar termocentrale të tjera me qëllim eksporti. Ky është vetëm një prej hapave që shpall qeveria sot". Në përfundim të fjalës së tij, numri një i ekzekutivit tha se biznesi është fokusi i qeverisë dhe shtoi se kjo e fundit kërkon të mbështesë suksesin e biznesit, duke zbatuar ligjet e vendit, si kushti më vendimtar për lirinë e tregut.

Ylber Drazhi

www.rilindjademokratike.com
 
K

komino

Valoris scriptorum
Re: Privatizime

Ne artikull harrojne te theksojne se opsioni i zgjedhur

privatizim-miremenaxhim do te thote cmim me i ulet ne shitje.
 
K

komino

Valoris scriptorum
Re: Privatizime

Firma çeke DELOITTE do të kontrolloje ligjshmerine e privatizimit te Albtelekomit

Firma çeke “DELOITTE Czech Republic” eshte firma që do te kontrolloje procedurat e ligjshmerise se kontrates se privatizimit te Albtelekom sh.a –se per shumen totale prej 172.110 (njeqindeshtatedhjetedymije e njeqindedhjete) euro. Ne zbatim te Urdherit te Prokurimit Nr.120, date 14.02.2006, per tenderin e hapur nderkombetar me objekt prokurimi “Sherbimin e kryerjes se kontrollit te proçedurave dhe ligjshmerise se kontrates per privatizimin e “Albtelecom” sh.a-se”, me fond limit 500.000 (peseqindmije) euro, nga ana e komisionit te vleresimit te ofertave dhe njesia e prokurimit, u ndoqen te gjitha proçedurat e nevojshme ligjore per zhvillimin e ketij tenderi. Ftesa per oferte eshte derguar per publikim ne Buletinin e Agjencise se Prokurimit Publik, e cila e botoi kete njoftim ne buletinin e dates 20.02.2005. Gjithashtu ftesa per oferte eshte derguar per botim ne tre gazeta te perditshme kombetare si dhe ne zbatim te detyrimeve ligjore Ftesa per Oferte eshte derguar per botim edhe ne Gazeten Nderkombetare “Financial Times”, e cila e botoi ate per dy dite ne datat 21-23 Shkurt 2006. Per kete tender treguan interes dhe terhoqen dokumentat e tenderit gjithsej dhjete shoqeri: 1. Deloitte. 2. Wolf Theiss sh.p.k. 3. Pricewoterhouse Coopers. 4. Mason Hayes & Curran. 5.Ficadex-Albania sh.p.k. 6. Euro Strategies. 7. The Sabatier Group Inc. 8. Nadello Shwartz & Co llc. 9. SafirRosetti. 10. I.K Rokas & Partners. Sipas afateve te percaktuara ne Ftesen per Oferte dhe publikimeve te kryera data 07.04.2005 ishte data e caktuar per zhvillimin e tenderit. Ne mbledhje kane qene te pranishem te gjithe anetaret e komisionit dhe njesia e prokurimit. Ne oren e caktuar per zhvillimin e tenderit u paraqiten ne konkurim gjashte shoqeri dhe pikerisht: Deloitte; Wolf Theiss sh.p.k; Pricewoterhouse Coopers; Ficadex-Albania sh.p.k.; SafirRoseti.; I.K Rokas & Partners. Shoqerite e tjera qe kishin terhequr dokumentat nuk u paraqiten. Komisioni i vleresimit te ofertave, brenda afatit kohor qe parashikon ligji ka marre ne shqyrtim te hollesishem gjithe dokumetacionin e paraqitur nga te gjashte subjektet pjesemarrese dhe pas kontrollit te tyre rezultoi qe shoqeria ”Safirroseti”, sigurimin e ofertes e ka paraqitur ne shumen 10.000 USD, nderkohe qe kerkesa ne dokumentet e tenderit ishte qe sigurimi i ofertes te behej ne shumen 10.000 Euro. Gjithashtu sigurimi i ofertes nuk ishte paraqitur ne formen e kerkuar (Banke apo shoqeri sigurimi), por u paraqit ne forme deklarative. Ne keto kushte, komisioni ne zbatim te ligjit nr.7971, date 26.07.1995 “Per prokurimin Publik„, Udhezimit te Keshillit te Ministrave nr.1, date 01.01.1996 “Per prokurimin publik„, si dhe “Te dhenat e ofertes“, pjese e dokumentave te tenderit, vendosi te mos pranoje oferten e shoqerise „Safirroseti“, duke e quajtur jo te vlefshme per kete proçedure prokurimi. Komisioni ka kryer proçesin e krahasimit dhe vleresimit te ofertave te vlefshme, per te percaktuar klasifikimin perfundimtar te ofertave, duke perdorur si metode vleresimi, ate te percaktuar ne dokumentat e tenderit, ku fitues ne ofertat e vlefshme, do te shpallej shoqeria qe kishte paraqitur vleren me te ulet. Pas krahasimeve komisioni vendosi qe klasifikimi perfundimtar sipas ofertave te paraqitura nga shoqerite pjesemarrese, te jete si me poshte: 1. Ne vend te pare renditet shoqeria DELOITTE Czech Republic me vlere totale te ofruar prej 172.110 (njeqindeshtatedhjeteedymije e njeqindeedhjete) euro. 2. Ne vend te dyte renditet konsorciumi FICADEX Albania & FICADEX France, me vlere totale te ofruar prej 273.220 (dyqindeeshtatedhjeteetremije e dyqindeenjezete) euro. 3. Ne vend te trete renditet konsorciumi I.K ROKAS & PARTNERS LAW FIRM & GRANT THORTON, me vlere totale te ofruar prej 314.880 (treqindeekatermbedhjetemije e teteqindeetetedhjete) euro. 4. Ne vend te katert renditet shoqeria PRICEWATERHOUSE COOPERS, me vlere totale te ofruar prej 394.750 (treqindend e nentedhjeteekatermije e shtateeqindepesedhjete) euro. 5. Ne vend te peste renditet konsorciumi WOLF THEIS SH.P.K & K.P.M.G KROATIA me vlere totale te ofruar prej 450.000 (katërqindepesëdhjetëmijë) euro
 
K

komino

Valoris scriptorum
Re: Privatizime

si ka mundesi qe nje kompani nga cekia te jete me e afte te kontrolloje perputhshmerine e procesit te privatizimit te telekomit me legjislacionin shqipetar sesa nje kompani shqipetare?????????????????!!!!!!!!!!!!!!!!!!!!!!!
 
K

komino

Valoris scriptorum
Re: Privatizime

www.gazetashqiptare.com
Ministri rrëzon para kohe kontratën e firmosur me turqit e “Çalik Energji”


Ruli: Brenda 6 muajve tender i ri për Albtelekom

Deklarata surprizë para fundit të ekspertizës


--------------------------------------------------------------------------------

TIRANE

Qeveria Berisha ka vendosur të nxjerrë në shitje në fund të këtij viti Albtelekom, duke rrëzuar kontratën e turqve të “Çalik Energji”. Deklarata e papritur është lëshuar dje nga ministri i Ekonomisë, Genc Ruli gjatë një takim të organizuar nga Dhoma e Tregtisë së Milanos në Itali. Ndryshe nga qëndrimi i deritanishëm zyrtar i qeverisë, e cila është shprehur për një vendim të saktë vetëm pas përfundimit të verifikimit të procedurave të ndjekura gjatë shitjes së Albtelekom, ministri Ruli ka zbuluar faktin se kontrata me “Çalik Energji” do të prishet. Deklarata e ministrit të Ekonomisë ka ardhur pas interesimit të gazetarit të agjencisë italiane të lajmeve “ANSA med”, mbi investimet italiane në Shqipëri. Në përgjigje të këtij interesimi, ministri shqiptar i Ekonomisë ka deklaruar se firmat italiane janë të ftuara të investojnë në Shqipëri, ku së shpejti pritet të privatizohen disa sektorë kyç, duke përmendur si ndër kryesorët shitjen e Albtelekom-it. Sipas Rulit, i cili citohet nga agjencia italiane “ANSA med”, në fund të vitit pritet që nëpërmjet tenderit ndërkombëtar të nxirren në shitje 80 për qind e aksioneve të Telekom-it.
“Çalik Energji”
Kompania turke “Çalik Energji”, në maj të vitit të kaluar u shpall fitues e tenderit për privatizimin e 76 për qind të aksioneve të Albtelekom-it. Me gjuhën e shifrave, kompania turke ofroi 120 milionë euro. Shpallja e kësaj firme fituese për gjigandin e telefonisë fikse në vend, u shoqërua me mjaft kundërshtime nga opozita e atëhershme, e cila përveç çmimit, ka kontestuar edhe procedurat e tenderit, pasi nuk kishte pasur konkurrencë. “Çalik Energji” ishte e vetmja kompani që kishte dhënë ofertën e saj, duke u shpallur njëkohësisht edhe fituese. Në rast se kontrata e shitjes së 76% të aksioneve të “Çalik Energji” do të miratohej, atëherë kjo e fundit kishte të drejtë ta rishikonte çmimin me ulje deri në 20%, gjë që teorikisht mund ta ulë çmimin e shitjes me 24 milionë euro. Sipas procedurave të shitjes mes ish-drejtuesve të Ministrisë së Ekonomisë dhe “Çalik Energji”, procedurat përfundimtare të këtij transaksioni duhej të kryheshin 120 ditë pas nënshkrimit të marrëveshjes. Pra sipas përllogaritjeve, data e fundit i takonte 24 tetorit të vitit të kaluar.
Bllokimi
Më 12 tetor të vitit të kaluar, 12 ditë para skadimit të afatit për firmat e fundit që do të bënin pronar të Albtelekom-it, “Çalik Energji”, maxhoranca e re e Parlamentit ka miratuar bllokimin e privatizimit. Sipas propozimeve të bëra në Parlament, për shkak të kontestimeve të shumta mbi procedurat dhe çmimin e shitjes, u vendos të verifikoheshin ligjshmëria e këtyre veprimeve. Nëpërmjet një tenderi ndërkombëtar, në maj të këtij viti u përzgjodh “Deloitte - Czech Republik”, kompani çeke e cila mori përsipër të kontrollojë ligjshmërinë e kontratës së privatizimit të Albtelekom-it. Kjo kompani fitoi tenderin ndër 10 kompanitë e paraqitura, duke ofruar çmimin më të ulët për kryerjen e ekspertizës së Albtelekom-it. Por ndërkohë që firma në fjalë prej një muaji ka nisur punën dhe ende nuk e ka thënë fjalën e fundit, ministri aktual i Ekonomisë ka deklaruar rishitjen e Albtelekom-it në masën 80 për qind të aksioneve të tij në fund të këtij viti, nëpërmjet një tenderi ndërkombëtar.

---------------------------------------
 
You must log in or register to reply here.
Top