Perse Rugova refuzoi ftesen e Kryeministrit Bajram Rexhepi?
PRISHTINE, 11 janar - Kryeministri i Kosovës Bajram Rexhepi tha se i ka ftuar tre liderët e partive kryesore, presidentin dhe kryetarin e Lidhjes Demokratike të Kosovës, Ibrahim Rugovën, kryetarin e Partisë Demokratike të Kosovës dhe atë të Aleancës për Ardhmërinë e Kosovës, për të marrë prej tyre rikonfirmimin për mbështetjen e punës së qeverisë së tij.
Qeveria që drejton Rexhepi është ndërtuar sipas një marrëveshjeje që të tre liderët kanë nënshkruar më 28 shkurt 2002, me ndërmjetësimin e kryeadministratorit Mihael Shtajner. Dje kryeministri u ka dërguar liderëve të partive një ftesë për një takim të hënën, në të cilin tre do të jenë pikat e diskutimit: funksionimi efikas i Qeverisë, prioritetet e punës për vitin 2003 si dhe çështje të tjera të ndryshme, ku përfshihet edhe diskutimi i situatës aktuale në Kosovë.
Mbrëmë kryetari i PDK-së, Thaçi, dhe ai i AAK-së, Haradinaj, e kanë konfirmuar pjesëmarrjen në takimin e së hënës. Ndërsa sipas Muhamet Hamitit, zëdhënës i Presidentit Rugova, ende nuk është konfirmuar deri tani pjesëmarrja e këtij të fundit në këtë takim.
“Për përmbajtjen e bisedës do ta informojmë opinionin pas takimit, nëse ai realizohet”, tha kryeministri Rexhepi, pa dashur të flasë më shumë për takimin. Megjithatë ai shprehet optimist për pjesëmarrjen. Takimi i së hënës, nëse realizohet, do të jetë takimi i parë zyrtar i liderëve politikë të Kosovës, pas “darkës” së krijimit të institucioneve, pa ndërmjetësimin e ndërkombëtarëve.
PRISHTINE, 11 janar - Kryeministri i Kosovës Bajram Rexhepi tha se i ka ftuar tre liderët e partive kryesore, presidentin dhe kryetarin e Lidhjes Demokratike të Kosovës, Ibrahim Rugovën, kryetarin e Partisë Demokratike të Kosovës dhe atë të Aleancës për Ardhmërinë e Kosovës, për të marrë prej tyre rikonfirmimin për mbështetjen e punës së qeverisë së tij.
Qeveria që drejton Rexhepi është ndërtuar sipas një marrëveshjeje që të tre liderët kanë nënshkruar më 28 shkurt 2002, me ndërmjetësimin e kryeadministratorit Mihael Shtajner. Dje kryeministri u ka dërguar liderëve të partive një ftesë për një takim të hënën, në të cilin tre do të jenë pikat e diskutimit: funksionimi efikas i Qeverisë, prioritetet e punës për vitin 2003 si dhe çështje të tjera të ndryshme, ku përfshihet edhe diskutimi i situatës aktuale në Kosovë.
Mbrëmë kryetari i PDK-së, Thaçi, dhe ai i AAK-së, Haradinaj, e kanë konfirmuar pjesëmarrjen në takimin e së hënës. Ndërsa sipas Muhamet Hamitit, zëdhënës i Presidentit Rugova, ende nuk është konfirmuar deri tani pjesëmarrja e këtij të fundit në këtë takim.
“Për përmbajtjen e bisedës do ta informojmë opinionin pas takimit, nëse ai realizohet”, tha kryeministri Rexhepi, pa dashur të flasë më shumë për takimin. Megjithatë ai shprehet optimist për pjesëmarrjen. Takimi i së hënës, nëse realizohet, do të jetë takimi i parë zyrtar i liderëve politikë të Kosovës, pas “darkës” së krijimit të institucioneve, pa ndërmjetësimin e ndërkombëtarëve.
