Re: Patriotizmi dhe Politika (anti)shqiptare
SALI BERISHA, DËGJO AMBASADORIN LIPONEN, JO NIKOLAS GEIXHIN
Në një takim para disa kohësh në qytetin e Gjirokastrës përfaqësuesi i OSBE në Shqipëri, ambasadori nga Finlanda, zotëri Liponen ka trajtuar edhe problemin e respektimit të të drejatve të minoritetve dhe të drejtave të njeriut. Ndër të tjera ai ka prekur edhe çështjen nëse në dokumentacionin e rregjistrimit të shtetasve të një vendi duhet shënuar edhe kombësia dhe feja. Zotëri mabasadori ka sqaruar se sipas standarteve demokratike të pranuara e të vendosura tashmë në botën demokratike dhe të sanksionuara nga dokumenta të mekanizmave europiane nuk duhet të figurojnë në këtë lloj dokumentacioni shënimet për kombësinë dhe fenë e individit.
Greqia dhe grekofilia në Shqipëri kanë bërë vazhdimissht trysni që në lëgjislacionin dhe praktikën adminisstrative të vendit të zbatohet rregulli se individi duhet të përcaktojë vetë jo vetëm fenë por edhe kombësinë dhe kjo të rregjistrohet në dokunmetacionin zyrtar duke përfshirë edhe në dokumentet e identifikimit vetiak të shtetasit. Fartmirëissht autorittet shqiptare nuk i kanë miratuar plotëisht këto kërkesa të paarsyeshme që bine ndesh edhe me rregullate praktikat botërore dhe sidomos me rekomandimet që bën Këshilli i Europës, të cilat më shumë se nga gjithkush kundërshtohen nga Kisha greke. Kjo kisha dhe deri tani edhe shteti grek kanë ndjekur me fanatizëm praj ktikën se feja përcakton kombësinë dhe kjo duhet të figurojë edhe në rregjistrat e gjendjes civile dhe dokumentet e identifikimit të individit. Kisha dhe autoritete greke nxisin me të gjitha mënyrat grekofilinë në Shqipëri të këmbëngulë që këto rregulla të zbatohen edhe këtu. Këto kërkesa në kushtet që janë krijuar për shqiptarët, shumë prej të cilëve janë detyruar të ndërrojnë emrat, fenë dhe të shpallin kombësi të rreme për shkaqe punësimi në Greqi, kanë marrë ngjyrimin e një spastrimi etnik në dëm të kombit shqiptar, për ta pakësuar këtë artificiliasht duke shtuar arbitrarisht numrin e njerëzve që hiqen për grekë e ortodoksë. Prdnaj zbatimi me rreptësi i rregullave të vendosura nga Këshilli i Europës ka rëndësi të veçantë politike për Shqipërinë.
Megjithatë Greqia dhe grekët nuk ndërpresin përpjekjet për të detyruar me çdo mënyrë mekanizmat pusshtetorë në Shqipëri që të miratojnë norma ligjore dhe të krijojnë undësinë që sa më shumë shqiptarë të rregjistroihet si grekë dhe ortodoksë. Ky është një plan shumë dinak me qëllimn politik djallëzor për të krijuar arbitrarisht një tabllo të kundërt me realitetin etnik e fetar në Shqipëri,. Për këtë ka një dhjetcjeçar që punojnë në mënyrë të ethëshme shteti grek, propaganda greke, kisha greke dhe mjaft mekanimzma brenda shtetit e shoqërisë shqiptare që me lëhtësinë më ta madhe kanë lejuar ndërrime emrash, shënimesh për kombësinë.
Gjatë viztës së tij në Shqipëri në dhejtor të vitrit 2002 antishqiptari nga lobi grek në Amerikë, Nikolas Geixh, kërkoi me tëmadhe që të pranohej që për çdo shtetas të Shqipërisë të shëohej edhe feja e kombësia sipas dëshirës së tij. Menjëherë pas kësaj kërkese të përsëritur nga Nikolas Geixh para kamerave televizive u shfaq Sali Berisha me një nga ato tiradat e tij prepotente propagandistike për të bindur shqiptarët se duheshin pranuar pa tjetër këto kërkesa, sepse vetëm ashtu mund të quhesh njeri demokrat, shtet e shoqëri demokratike. Mirëpo më pas për fat të mirë një personalitet me peshë në përfaqësimin europian në Shqipëri dhe autoritet në trajtimin e këtyre problemeve sqaroi se ishte e rregullt ajpo praktikë që ësshtë ndjekuyr deri tani në shtetin shqiptar. Pra pohoi se demokratike është e kundërta e asaj që kërkoi spekulanti antishqiptar Geixh. Sali Beerisha duhet të mësojë se çfarë është demkoraci dhe demokratike në këtë çështje. Berisha duhet të mësojë nga ata që i dinë punët dhe ua shpjegojnë shqiptarëve me sinqeritet e qëllim të mirë, jo nga ata që ngatërrojnë punët për shqiptarët. Sali Berisha duhej t’u kishte kërkuar publikisht falje shqiptarëve që i ka mashtruar kur u përpoq të mbronte teoritë e Geixhit. Sali Berisha duhet të pendohet publikisht që ka mbështetur qëndrime antidemokratike në dëm të Shqipërisë në çështjes e lejimit të shtetasve shqiptarë të shpallin sipas qejfit kombësinë të cilës i përkasin. Pushteti Berisha-Meksi në prill të vitit 1994 u pëpoq që një gjë eë tillë me shumë rrezik për Shqipërinë të sanksionohej në ligjin kushtetues për të drejtat e njeriut që t’i bëhej qejfi Greqisë.
Është e vërtetë se kohët e fundit një drejtues i PD-së, Fatos Beja, në emër të partisë ka mbrojtur qëndrimin se në rregjistrat e gjendies civile nuk duhet të shënohet kombësia e personit. Ky problem rilindi edhe pase ambasadori Liponen e shpjegoi qartë rregullin e praktikën e vendosur nga Këshilli i Europës. Por disa deputetë socialistë dhe një i PBDNJ bënë propozimin që të ndyshohet ligji mbi gjendjen civile që të lejohet rregjistrimi i kombësisë së personit. Edhe një herë kemi provën se Greqia e grekofilia nuk heqin dorë lehtë nga synimet tyre, pavarësisht se ata bien ndesh me rregullat demokratike europiane. Tashmë është shpjeguar mjaftueshëm se këto manevra kanë synime politike dhe krijojnë rreziqe poilitike. Prandaj është detyrë e atyre që ulen si përfaqsues të popullit në parlament të mos miratojnë propozime të tilla. Në të njëjtën kohë është detyrë e atre politikanëve si Berisha që marrin përsipër t’u mësojnë demokraci të kulluar shqiptarëve, edhe në dëm të interesave të tyrejetësore, se demokracinë duhet ta mësojnë së pari vetë, për hir të demokracisë dhe jo të tregohen koniukturalë në çështje që dëmtojnë shumë e në mënyrë të pandreqshme kombin dhe vendin.
16.03.2003 Abdi Baleta
