Kuvendi asnjë qëndrim për “vlerat e luftës” dhe për dialogun me Beogradin

[Albinos]

Kuvendi asnjë qëndrim për “vlerat e luftës” dhe për dialogun me Beogradin

Kuvendi asnjë qëndrim për “vlerat e luftës” dhe për dialogun me Beogradin

Faton Osmani
PRISHTINË – Kryeparlamentari Nexhat Daci vendosi ta shtyjë dje seancën e rregullt të Kuvendit të Kosovës, pa u diskutuar pikat sipas rendit të ditës dhe pa marrë në shqyrtim një projektrezolutë të AAK-së për njohjen e përpjekjeve shekullore dhe në veçanti luftës së fundit çlirimtare të popullit të Kosovës. Megjithë propozimin e disa deputetëve, Kuvendi nuk mori qëndrim as lidhur me bisedimet që mund të nisin javën e ardhshme me Beogradin. Në fillim të mbledhjes, shefi i grupit parlamentar të AAK-së, Bujar Dugolli kërkoi që në rend dite të futet miratimi i “Rezolutës së mirënjohjes për luftën shekullore të qytetarëve të Kosovës për liri dhe pavarësi”, propozim ky që u përkrah edhe nga PDK dhe disa deputetë të partive të tjera. Rezoluta e propozuar kërkon që Kuvendi të marrë një qëndrim për mbrojtjen dhe kultivimin e këtyre vlerave nëpër proceset që po kalon Kosova. “Angazhimi, veprimi dhe lufta e qytetarëve të Kosovës për lirinë dhe pavarësinë e Kosovës në shekullin e fundit, në të gjitha fazat e zhvillimit të vet, qofshin ato të hapura apo të fshehta, politike apo jopolitike, mosdëgjueshmëri qytetare e deri te rezistenca popullor është luftë e drejtë, luftë e drejtë luftë për lirinë e atdheut dhe luftë për shoqëri moderne e demokratike” -thekson rezoluta. Ndërkohë PDK deklaroi se Kuvendi nuk është njoftuar zyrtarisht për bisedimet mes Prishtinës dhe Beogradit dhe shtoi se nënshkrimet duhet të konsiderohen si nënshkrime individuale. Ai propozoi që Kuvendi të marrë një qëndrim lidhur me dialogun Prishtinë - Beograd, që nga Shtajner është propozuar të fillojë javën e ardhshme.

 

[amar]

Re: Kuvendi asnjë qëndrim për “vlerat e luftës” dhe për dialogun me Beogradin

pa lidhje!!!

 

[une_une]

Re: Kuvendi asnjë qëndrim për “vlerat e luftës” dhe për dialogun me Beogradin

Me duket se Kosova po i thote "lamtumire" enderres se nje shteti te pavarur.

Amerikanet as qe duan te ja dine sot per cfare do ndodhi ne Ballkan. Fajin e ka Europa si gjithmone qe i ve shkopinj nen rrota Amerikes. Tani do e zgjidhi punen shtajneri nipi i atij qe tha "Shqiperia eshte shprehje gjeografike"

Gjithe ky mllef qe eshte shprehur dhe po shprehet kunder Amerikes ketu ne kete cep kaq te vogel mos kujtoni se po shkon pa u degjuar dikund. Ky forum rezulton si "ajka e nje te ardhme intelektuale shqiptare" dhe si i tille elemente ne te (i dini vete se kush jane) per arsye madhore ose inati ose influence ose fondamentalizmi me te cilin Amerika nuk e honeps dot e ha sa krahu kombi shqiptar. Ta gezoni krahinen te Unionin Serbi-mal i Zi.

Ketu behet fjale per ekzistencen, mireqenien e ardhmerise se shqiptareve dhe Shqiperise fillohet dhe na cajne koken per irakun dhe irakenet disa qe te keqija i kane prure Shqiperise. Po fusim hundet ne punet e Amerikes. Ne Interesat e tyre duke harruar se Interesat tona i kemi bere realitet ne saje te Europes kurve.

 

[*Plisi*]

Re: Kuvendi asnjë qëndrim për “vlerat e luftës” dhe për dialogun me Beogradin

Fjalimi i kryetarit të PDK-së, Z Hashim Thaçi mbajtur më 5 mars në stadiumin e Prishtinës

Të nderuar qytetarë,

I nderuari z. Kryeministër,

-Për secilin vend dhe popull në botë ka ditë, data, ngjarje, fenomene dhe personalitete të veçanta me të cilat krenohen dhe i respektojne të gjithë, individi, institucionet dhe shoqëria.

-Për ne, në Kosovë dhe shqiptarët në përgjithësi, Pesë Marsi 1998, ngjarja ne Prekaz, projekti Ushtrisë Çlirimtarë të Kosovës dhe personaliteti i Komandantit Legjendar, Adem Jashari, paraqesin kthesën e jashtëzakonshme historike për Kosovën dhe rajonin.

- Adem Jashari është institucioni i shenjtë i lirisë dhe demokracisë së Kosovës, Adem Jashari ështe vetë simboli i saj.

- Ushtria Çlirimtare e Kosovës nuk u krijua pse shqiptarët e Kosovës donin trazira, luftë, vrasje, djegie e shkatërrime, por nga fakti se gjendja që ishte krijuar nga pushtimi serb, ishte e padurueshme.

-Ishte mençuri, nder, sakrificë dhe shpëtim për qytetarët e Kosovës formimi i UÇK-së. Në beteja ranë 1700 ushtarë, mbetën 700 invalidë të luftës, me qindra fëmijë jetimë, rreth 13.000 civilë të ekzekutuar, me dhjetëra varreza masive, mijëra të zhdukur. Një fakt që prapë askund nuk simbolizohet më mirë se tek tragjedia krenare e familjes së tijë.

Por ne dolëm faqebardhë, sepse ne istikame luftonin lutëtarët e lirisë, anekand Kosovës. Fituam, sepse na mbështeste populli, sepse lufta jonë ishte e drejtë dhe në fund na mbështeti dhe tërë bota demokratike me në krye SHBA dhe aleatët perëndimor.

Lufta jonë ishte sa çlirimtare aq humane, patëm dhe humbje të rënda në bashkëluftëtarë dhe popull, por luftëtarët e lirisë edhe në momentet më të rënda nuk shtien dorë kundër popullsisë civile serbe (grave, pleqëve, fëmijëve) edhe pse shumë u munduan armiqët tanë të krijojnë situata të tilla me individë të caktuar kriminel e keqëpërdorues.

Ne luftuam kundër aparatit represiv dhe administratës së Beogradit, ne i treguam tiranisë dhe padrejtësisë njerëzore se si komb jemi të gatshëm të mbrojmë veten, të çlirojmë veten ashtu si do të dijmë dhe të ndërtojmë shtetin tonë duke respektuar të tërë qytetarët tanë pa dallim etnie, religjioni apo ngjyre.

- Ushtria Çlirimtare e Kosovës arriti tri objektiva kryesore: zhvilloi luftë të drejtë, krijoi aleancë me shtetet më demokratike të botës dhe çliroi Kosovën.

Me të drejtë nga diplomacia dhe shkenca perëndimore, UÇK-ja vlerësohet si Lëvizja me e suksesshme çlirimtare e të gjitha kohërave në botë.

Ne sot kemi pse të krenohemi me rezistencën tonë heroike, me luftën dinjitoze që zhvilluam dhe fitoren e merituar që e arritëm.

Përjetuam situata të rënda, por nuk u përkulëm kurrë, vetëm e vetëm që ta kemi Kosovën të lirë dhe demokratike. Dhamë shumë si popull- bijtë më të mirë të kombit tonë, por sot familjet e dëshmorëve, invalidët, fëmijët jetimë, luftëtarët e gjallë të lirisë, nuk kanë nevojë për imunitet moral, por, për njohje, respekt dhe përkujdesje institucionale. (Ata nuk janë të mëshiruarit e Kosovës, por nderi dhe krenaria e saj).

Prandaj, Parlamenti i Kosovës duhet sa më shpejtë ta njohë luftën e UÇK-së dhe sakrificën e popullit të Kosoves.

-Sot, kur po përkujtojmë lavdinë e epopes së Prekazit dhe komandantit Legjendar Adem Jashari, shumë luftëtarë të lirisë janë të privuar nga liria, ose janë duke u përballur me procese të ndieshme denigruese dhe shumë të tjerë po përballën me shantazhi, mohime e denigrime, por ftoj gjithë ata që me dinjitet ditën të luftojnë dhe dhanë-ofruan shumë për lirinë e Kosovës se mbi pushtete dhe ego të përkohshme është shteti i Kosovës dhe procesi i ndërtimit të saj, që me çdo kushte ne duhet ta ruajmë dhe me dinjitet ta tejkalojmë.

Ne e kemi fituar luftën si popull duhet ta fitojmë dhe paqën të bashkuar.

Ashtu si koha e luftës që pati heronjtë e saj, ashtu edhe koha e paqes po i prodhon heronjtë e vet. Personaliteti i Fatmir Limaj i simbolizon ata.

Kosova sot, është e lirë, me institucione stabile, demokratike dhe gjithëpërfshirëse. Ne respektuam bashkëpunimin me ndërkombëtarët edhe kur zhvillonim luftë për liri a vdekje. Sot, ky bashkëpunim dhe ky kooperim, vetëm sa do të thellohet. Nuk do të ketë forcë a faktor që do ta dëmtojë këtë bashkëpunim.

Kosova ruhet, respektohet dhe ndërtohet vetëm duke punuar me menquri për të.

Respekt luftëtarëve të lirisë dhe obligim që të i shërbejnë atdheut

Respekt për bashkësin ndërkombëtare.

Lavdi e përjetshme komandantit legjendar Adem Jashari dhe gjithë dëshmorëve të atdheut.

 

[*Plisi*]

Re: Kuvendi asnjë qëndrim për “vlerat e luftës” dhe për dialogun me Beogradin

Fokusi: Ditën ndërmjet 5 dhe 7 Marsit, Kuvendi i Kosovës u
tha JO vlerave të luftës së UÇK-së
6 Marsi 2003 - koritja
akademike dhe
parlamentare e Dacit
6 Marsi është edhe dita kur Daci më nuk mundet të luajë me dy karta: një para
kamerave, dhe një prapa kamerave. Demagog dhe patriot para kamerave,
destruktiv dhe karrierist prapa kamerave. Kësi tipash kanë parakaluar shpesh
në historikun e godinës së Kuvendit të Kosovës. Po aty, 14 vjet më parë, krerë
të Kuvendit të Kosovës, kanë votuar kundër vullnetit të qytetarëve të Kosovës…
NGA ERNEST LUMA
Këtë herë nuk ishte dora e fortë e Steinerit, por “gjuha akademike” e
Nexhat Dacit plus gishtat e 61 deputetëve të Kuvendit të Kosovës
(prej tyre mbi 40 të partisë më të madhe parlamentare), që nuk votuan
pro hyrjes në seancën e marsit të Rezolutës për njohjen e vlerave
të luftës së Ushtrisë Çlirimtare të Kosovës. Edhe pse e definuar si është më së buti
dhe në mënyrë sa më gjithëpërfshirëse (përkufizimi i së cilës do t’i kënaqte të gjitha
palët, edhe minoritet serbe, turke, rome e myslimane, por edhe 45-përqindëshin
dominues të partisë më të madhe), Rezoluta për Mirënjohjen e Luftës Shekullore të
Qytetarëve të Kosovës për Liri e Pavarësi, nuk e mori vizën për të qenë së paku në
foltoren e institucionit më përgjegjës të vendit - në foltoren e Parlamentit të Kosovës.
Grupi parlamentar, deri më tash i reflektuar si më i vyeshmi me iniciativa dhe punë
në këtë insititucion, shtatëshja e udhëhequr nga Bujar Dugolli, duke parë klimën e
tendosur dhe disponim antiUÇK, nuk e bëri hapin në seancën e së enjtes, duke
refuzuar kështu prezencën në një tubim parlamentarësh ku do të flitej për gjera
tejperiferike, ndërkohë që, TË ENJTEN E 6 MARSIT, nga ky institucion pritej dhe duhej
bërë njohja praktike e përpjekjeve çlirimtare që kulmuan me heroizmin e Jasharëve.
Në anën tjetër, aradha parlamentare e Hashim Thaçit (edhe pse e goditur dhe, fizikisht,
minus prezencës së një vlere tjetër të UÇK-së në Parlament - Fatmir Limajn),
mori durimin dhe theu dhëmbët, prapë pa ndonjë rezultat, përballë “foreve”
akademike të kryeparlamentarit Nexhat Daci, duke mos arritur ta fusë në rend dite
Rezolutën Mirënjohëse…
Shih absurdin tjetër: Kryetari i Kuvendit të Kosovës, deri më tash shumë i përmbajtur
dhe balancues i mirë i rrymave politike në këtë institucion, autonominë e vet inetelektuale
- akademike këtë herë nuk arriti ta ruajë përballë apetitit politik të partisë nga e
cila vjen dhe, ndoshta, atij i rrëshqiti goja kur shprehu frikën se, partia e vet, më e
madhja nga zgjedhjet e fundit dhe të parafundit apo Grupi më i madh parlamentar,
mund të vendoset në anën tjetër të historisë, po qe se miratohet kjo Rezolutë, e
definuar butë dhe gjithëpërfshirshëm, për njohjen e vlerave të luftës shekullore të
qytetarëve të Kosovës… Për cilën anë të historisë dhe për cilën parti e pati fjalën,
këtë herë jo kryetari i Kosovës, por kryetari i Parlamentit të Kosovës? Apo, a ka parti
në Kosovë, që nga LDK-ja dhe deri te ajo më e fundit, e cila me angazhimin e vet në
të mirë të Kosovës mund t’ua kalojë përmasave të angazhimit dhe rezultateve të
luftës së Jasharëve të Prekazit, të cilëve, TË ENJTEN E 6 MARSIT, duke ua miratuar
Mirënjohjen…, nuk do t’ua shtonin a zbehnin aspak madhështinë, pos që do ta dëshmonin
të qenmit në anën e tyre? Andaj, akti i së enjtes në Parlamentin e Kosovës
është koritje akademiko-parlamentare me UÇK-në dhe me të gjitha vlerat e luftës
shekullore për liri e pavarësi.
Një ditë Mirënjohja… do të miratohet, por ajo do të jetë tjetër ditë dhe, për të qenë
edhe më rëndë, ajo do të ndodhë pas 6 marsit 2003, ditës kur Parlamenti veç u korit
dhe kur kështu do të raportohet edhe në media e do të evidencohet edhe në procesverbale.
Lum ai që, TË ENJTEN, ishte kundër Dacit dhe 61 votave kundër, e, dy
herë, lum ai që nuk qe fare në këtë seancë…
Ky, pra, drita e kuqe në semaforin e Dacit (alias Parlamentit të Kosovës) për vlerat e
luftës, dhe një sërë aktesh të fundit, në kuadër të institucioneve tona, janë sinjal alarmant
për perspektivën e unitetit, një pranverë pas formimit të tyre. Dhe, kjo, jo
shkaku i një beteje të ndershme politike, por shkaku i qasjes ndaj vlerave dhe respektimit
të tyre.
Lënë anash organizimin nën patronatin e Qeverisë dhe punën e madhe të TMK-së,
respekti për luftën, konkretisht për Epopenë e saj, Jasharët e Prekazit, edhe sivjet,
katër vjet pas asaj që po e quajmë liri dhe pesë vjet pas rënies së tyre, përgjithësisht,
mbeti të manifestohet, me tempon e deritanishme të respektit, vetëm stadiumeve,
akademive përkujtimore dhe pa ndryshime praktike, pa pranim institucional. Këtë
radhë në Kuvend nuk ishte në pyetje miratimi apo revidimi eventual i Steinerit, në të
cilin mandatarët e Kosovës zënë gjithnjë në thua…
6 Marsi është edhe dita kur Daci më nuk mundet të luajë me dy karta: një para kamerave,
dhe një prapa kamerave. Demagog dhe patriot para kamerave, destruktiv dhe
karrierist prapa kamerave. Kësi tipash kanë parakaluar shpesh në historikun e godinës
së Kuvendit të Kosovës. Po aty, 14 vjet më parë, krerë të Kuvendit të Kosovës,
kanë votuar kundër vullnetit të qytetarëve të Kosovës…

 

[eM]

Re: Kuvendi asnjë qëndrim për “vlerat e luftës” dhe për dialogun me Beogradin

Me falni, si eshte e mundur qe asnjeri prej jush kurre nuk jep mendimet tuaja po nxier vetem artikuj gazetash?

Ju lutem te hapni diskutime interesante, po te jete per artikuj edhe ne mund ti gjejme shume kollaj ne internet. Albinos dhe *Plisi* ne rast te kundert temen do ta leviz te Duke shfletuar mediat, koment i lire! /pf/images/graemlins/smile.gif

Pershendetje, dhe ja kalofshi sa me mire
eM

 

[*Plisi*]

Re: Kuvendi asnjë qëndrim për “vlerat e luftës” dhe për dialogun me Beogradin

Ka me mijera arsye se pse parlamenti i kosoves ka qene dashte shume me heret te njoh dhe te nderoj luften e uçk-es, shume nga keto i kishte radhitur per mrekulli z.Thaqi ne fjalimin e tij.
Ndersa ka vetem nje arsye se pse kjo nuk ka ndodh deri me tash. Ngase ne parlament jane shumica sabotues (ldk-se) te kesaj lufte apo edhe te tjere qe ishin ne krahun e kriminelit millosheviq...(povratakut) Prandaj ndoshta eshte vertete e tepert te kerkohet nga kjo shumice nje gje e tille.

 

Re: Kuvendi asnjë qëndrim për “vlerat e luftës” dhe për dialogun me Beogradin

Pse dhe politikanet tuaj qenkan te korruptuar eeee

 

[briiigi]

Re: Kuvendi asnjë qëndrim për “vlerat e luftës” dhe për dialogun me Beogradin

normale... te gjithe politikanet jane /pf/images/graemlins/laugh.gif

 

[bengu]

Re: Kuvendi asnjë qëndrim për “vlerat e luftës” dhe për dialogun me Beogradin

~jashte teme~

 

Re: Kuvendi asnjë qëndrim për “vlerat e luftës” dhe për dialogun me Beogradin

~boll me chit chat~