Al-Punk
Still here
Ja kush është Presidentja e re e Kosovës
PRISHTINË- Ajo që mori mbështetjen për presidente të Kosovës nga tri partitë politike PDK, LDK dhe AKR, pas tri ditësh bisedime për dalje nga kriza politike, dikur ka shërbyer si police e Kosovës, duke u avancuar deri në gradat më të larta të gjeneral-koloneles. Atifete Jahjaga u lind më 20 prill 1975 në Gjakovë, ndërkaq shkollimin fillor, atë të mesëm dhe studimet në Fakultetin Juridik i kreu në Prishtinë.
Si juriste e diplomuar nga Universiteti i Prishtinës doli në vitin 2000, ndërkaq më vonë përfundoi edhe studimet në Universitetin e Mançesterit në Angli, certifikimin postdiplomik në menaxhimin policor dhe të drejtës penale në vitin 2006/2007, ndërsa tash vazhdon studimet e magjistraturës në shkencat kriminalistike në Prishtinë.
Karrierën e saj e nisi në Policinë e Kosovës, duke u angazhuar në të gjitha çështjet e policisë dhe në të gjitha profilet, duke nisur nga patrullimi deri tek hetuesia.
Ajo, sipas kosovaonline, është konsideruar si një ndër pjesëtarët më profesional të Policisë së Kosovës dhe një prej të paktëve që ka kryer trajnimin në Qendrën Evropiane të Sigurisë “Xhorxh Marshall” në Gjermani dhe Akademinë Nacionale të FBI-së në Departamentin e Drejtësisë në Shtetet e Bashkuara të Amerikës. Si kadete e dalluar, kjo e fundit e përzgjodhi Atifeten për takim me presidentin e atëhershëm amerikan, George Ë. Bush, me rastin e një vizite që i bëri Akademisë.
Aktualisht, Jahjaga është zëvendësdrejtore e përgjithshme e Policisë së Kosovës, ndërsa një kohë pas shkarkimit të Behar Selimit deri në zgjedhjen e Reshat Maliqit në krye të Policisë, ajo ushtroi detyrën e drejtorit të përgjithshëm të Policisë së Kosovës. Atifetja është e martuar me Astrit Kuçin dhe nuk ka fëmijë.
(m.a/koha/BalkanWeb)
Si juriste e diplomuar nga Universiteti i Prishtinës doli në vitin 2000, ndërkaq më vonë përfundoi edhe studimet në Universitetin e Mançesterit në Angli, certifikimin postdiplomik në menaxhimin policor dhe të drejtës penale në vitin 2006/2007, ndërsa tash vazhdon studimet e magjistraturës në shkencat kriminalistike në Prishtinë.
Karrierën e saj e nisi në Policinë e Kosovës, duke u angazhuar në të gjitha çështjet e policisë dhe në të gjitha profilet, duke nisur nga patrullimi deri tek hetuesia.
Ajo, sipas kosovaonline, është konsideruar si një ndër pjesëtarët më profesional të Policisë së Kosovës dhe një prej të paktëve që ka kryer trajnimin në Qendrën Evropiane të Sigurisë “Xhorxh Marshall” në Gjermani dhe Akademinë Nacionale të FBI-së në Departamentin e Drejtësisë në Shtetet e Bashkuara të Amerikës. Si kadete e dalluar, kjo e fundit e përzgjodhi Atifeten për takim me presidentin e atëhershëm amerikan, George Ë. Bush, me rastin e një vizite që i bëri Akademisë.
Aktualisht, Jahjaga është zëvendësdrejtore e përgjithshme e Policisë së Kosovës, ndërsa një kohë pas shkarkimit të Behar Selimit deri në zgjedhjen e Reshat Maliqit në krye të Policisë, ajo ushtroi detyrën e drejtorit të përgjithshëm të Policisë së Kosovës. Atifetja është e martuar me Astrit Kuçin dhe nuk ka fëmijë.
(m.a/koha/BalkanWeb)
