Korrupsioni ka ndryshuar duar!

[Daniel H]

Korrupsioni ka ndryshuar duar!

Korrupsioni ka ndryshuar duar! Qeveria Berisha jo vetem qe nuk ka mundur te bej perpjekjen minimale per te ndryshuar per mire psikozen korruptive qe ka ekzistuar ne qeverisjet qendrore dhe lokale per 17 vjet pluralizem, por e ka thelluar me tej kete psikoze dhe me metoda teper te shemtuara qe rendojne direkt mbi kurrizin e taksapaguesve shqiptare.
Skandali me i fundit ka te beje me miratimin e nje buxheti shtese 45 mld lekesh per llogari te Ministrise se z. Basha per ndertim rrugesh nacionale vetem 12 dite para se te mbaronte 2006-a (e gjithe procedura ka qene antikushtetuese).
Deri kur do vazhdojme t'i bejme sehir fenomeneve te tilla? Kur do vije ajo dite qe te shohim nje Minister apo Kryeminister ne detyre te denohet per veprimet qe ka kryer? Kur do e shohim Shqiperine nje shtet ligjor, ku anetaret e qeverise te kene frike njesoj si qytetari i thjeshte kur qendron edhe per 8 ore ne rradhe per te paguar taksat dhe tatimet, sepse ka frike nga gjobat dhe ligjet e shtetit?
Di te them qe kjo qeveri e ka humbur legjimitetin dhe duhet te largohet nje ore e me pare dhe te fillojne hetimet e Prokurorise se Pergjithshme per korrupsion dhe thyerjen e Kushtetutes.

Me gjere mbi skandalin e fundit te qeverise mund te lexoni ketu

 

[MLK]

Re: Korrupsioni ka ndryshuar duar!

Nese eshte e vertete ngjarja, mendoj se Berisha dhe te vetmen pike te "strategjise" se qeverise se tij, luftes ndaj korrupsionit, e ka humbur, pra kjo qeveri nuk kam e asnje lloj legjitimiteti.

 

[MLK]

Re: Korrupsioni ka ndryshuar duar!

Dosjet, 144 zyrtare fshehin pasurine
Rozeta Rapushi
E Shtune, 21 Prill 2007


Nuk deklarojne pasurine 144 zyrtare te larte te shtetit. Inspektoriati i Larte i Deklarimit dhe Kontrollit te Pasurive zyrtarizoi dje mbylljen e deklarimit te pasurise, i cili ne fakt perfundon ne 31 mars dhe me kalimin e ketij afati rezulton se 144 persona nuk e kane deklaruar pasurine. Lista e gjate perbehet kryesisht nga kryetare bashkish edhe komunash ne te gjithe vendin. Nderkohe qe nuk mungojne ne listen e problematikeve edhe doganieret e tatimoret, te cilet refuzojne te deklarojne pasurine edhe pse kete ua detyron ligji. “Nga rakordimet e kryera me shkresat zyrtare te derguara nga vete institucionet, rezulton se, deri ne 20 Prill 2007, nuk e kane permbushur detyrimin ligjor 144 zyrtare, kryesisht drejtues te nivelit lokal. Nje pjese e ketyre subjekteve, rezultojne qe nuk jane me ne funksionet e tyre te meparshme, por kane qene ne detyre deri me 31 Dhjetor 2006 e, per kete arsye, mbartin detyrim per deklarim”, u shpreh dje zedhenesi i inspektoriatit, Albi Serani. Ndaj shkelesve te ligjit, do te zbatohen ndeshkimet ligjore, qe nisin me gjobitje e deri ne paralajmerim apo largime nga puna. Te gjithe ata qe nuk kane deklaruar pasurine e kane shkelur ligjin, pritet te gjobiten me 20.000 deri ne 30.000 leke. E nese vazhdojne te mos e deklarojne, rrezikojne edhe vendin e punes apo ndjekje penale. Ajo qe bie ne sy eshte se per here te pare se te gjithe zyrtaret e larte te administrates shteterore e kane deklaruar pasurine brenda afatit ligjor. Kete here ne liste nuk kishte zyrtare me poste te rendesishme ne administraten shteterore.

Politika po ushtron “presion” ndaj Inspektoriatit te Larte te Deklarimit te Pasurive, per te mos bere publike cdo detaj te pasurise te politikaneve. Kete e pranoi vete kryetarja Fatmira Laskaj gjate nje interviste te dhene dje. Sipas saj, ka qendrime te tilla, kur behet fjale per publikimin e pasurise se zyrtareve, por kane qene vete ligjvenesit qe e percaktuan ne ligj se pasuria e tyre mund te jete lehtesisht e publikueshme. Ne fakt kritikat e deputeteve ndaj hapesirave te ligjit, qe lejon publikimin e pasurise se tyre u bene hapur ne komisionin e ligjeve ku diskutohej raporti vjetor i ILDKP-se. Ne mbledhje Bashkim Fino sugjeroi edhe ndryshimin e ligjit, qe te mos lejohet me publikimi i pasurise per ata zyrtare, nese eshte i rregullt dhe pa probleme. Sipas Finos, deklarata e pasurise se nje zyrtari mund te publikohet kur ka probleme, por jo vend e pavend. Pavaresisht kritikave te bera, ende nga deputetet nuk ka asnje iniciative ligjore per te ndryshuar ligjin per “Deklarimin e Pasurise”, apo per “Konfliktin e Interesave”.