Re: Konsumatori dhe investimi : besim i humbur apo shprese per rikuperim ?
bankat private kane filluar te japin kredi por problemet nuk mungojne
nje artikull i gazetes dyjavore pakti
"Biznesmenë, tregohuni transparent me bankat!"
Flet Ilirian Zhapa, drejtor i Zyrës së Kreditit në "Tirana BANK"
Si mund të marrë kredi një biznesmen tek Tirana Bank?
Banka Tirana i ka ndërtuar marrëdhëniet e saj me klientët-biznesmenë në bazë të biznesit që ato ushtrojnë. Kjo nënkupton njohjen e biznesit të klientit, të produkteve dhe shërbimeve që ofron në treg, qoftë edhe përmes volumit të biznesit të tij. Duke respektuar këto parametra, bankat përpiqen të japin kredi brenda limiteve dhe rregullave të përcaktuara. Dhënia e e kredive bëhet mbi bazën e planeve të biznesit që ka një kompani për të ardhmen. Realisht ne përpiqemi të japim kredi kryesisht për klientët e bankës sonë, të cilët kanë ndërtuar marrëdhënie korrekte me ne gjatë veprimtarisë së tyre. Kuptohet, se për të marrë kredi, çdo biznesmen duhet të plotësojë një paketë dokumentacionesh të domosdoshme: si planin e biznesit, gjithë dokumentacionin ligjor të kompanisë (aktin e regjistrimit në gjykatë, statutin, programin etj), bilancet financiare të kompanisë (mundësisht të tre viteve të fundit), dokumentat që vërtetojnë marrëdhëniet korrekte me institucionet fiskale e sigurimet shoqërore dhe dokumentacionin në lidhje me garancitë që do të ofrohen për sigurimin e huasë. Gjithashtu, në bazë të specifikave të biznesit banka mund të ketë kërkesa specifike. Shumë vetë mendojnë se bankat kanë procedura burokratike për të marrë kredi, por unë mendoj se të gjithë këto rregulla duhen zbatuar me përpikmëri. Një gjë e tillë do të disiplinonte dhe do t'i bënte më serioz edhe vetë përfaqësuesit e biznesit. Por, duhet thënë se klientët e bankave janë të rinj në marrëdhënie me sistemin bankar në Shqipëri, prandaj, akoma nuk është krijuar një klimë bashkëpunimi normale midis tyre. Kuptohet, kjo ka arsyet e veta.
Cilat janë të metat që keni vënë re ju gjatë paraqitjes së kërkesave për kredi nga biznesmenët?
Unë do të cilësoja si dy të meta thelbësore që kam vënë re në shqyrtimin e kërkesave të biznesmenëve për të marrë kredi. E para është pasaktësia në të dhënat financiare, shpesh herë bilancet nuk pasqyrojnë realitetin dhe bankat e kanë të vështirë të gjykojnë për shëndetshmërinë e klientëve. Gjithashtu, si element i dytë negativ është edhe mungesa e transparencës nga ana e biznesmenëve ndaj bankës. Por, nuk mund të them se sistemi bankar është i përsosur. Edhe ai duhet të bëhet më i komunikueshëm me biznesin, duke kërkuar rrugë të reja bashkëpunimi me përfaqësuesit e tij.
Ju si kredidhënës, çfarë do t'u këshilloni përfaqësuësve të biznesit?
Do t'i sugjeroja që biznesi privat të mbajë kontakte të vazhdueshme me bankat. Ai duhet të tregohet transparent me to dhe të edukohet në mënyrë të tillë që kapitalin financiar ta qarkullojë nëpërmjet bankës. Kjo do të ndikojë që biznesi të mos priret për t'ju shmangur detyrimeve tatimore, por, edhe do ta bëj më serioz dhe më formal sektorin privat. Nëse respektohet këto dy kërkesa, të cilat për mua janë thelbësore në marrdhëniet e bashkëpunimit bankë-biznes, atëhere me të vërtetë do të krijohen premisa të suksesshme bashkëpunimi.
Cilat kanë qenë raportet e Bankës Tirana me biznesin privat gjatë këtij gjashtëmujori?
Tirana Bank është banka që ka rritjen më të madhe të tepricës së kredisë deri në qershor të vitit 2000, e cila ka qenë në masën 70 % më shumë se balanca e kredisë në fillim të vitit 2000.
Intervistoi: A. Gjoka
Interesat e kredive në bankat kryesore:
Banka Italo-Shiqiptare
Kredi Norma e interesit (%)
USD 10.5 - 12
DM 8.5
Lit 12 -14
Tirana Bank
Kredi Norma e interesit (%)
USD max. 22
Lek 10
Alpha Credi-Bank
Kredi Norma e interesit (%)
USD 7.5 - 11
International Comercial Bank
Kredi Norma e interesit (%)
USD 10-11
Banka Americane e Shqipërisë
Kredi Norma e interesit (%)
USD 11
Lek 15
Banka Kombëtare Greke
Kredi Norma e interesit (%)
USD 7-10
Lek 23-25
GDR 12-15
FEFAD Bank
Kredi Norma e interesit (%)
Lek 25
DM 12
