Re: Hidrocentralet e eres
“General Elektric” në Tiranë për hidrocentralet e erës
Përfaqësuesit e kompanisë amerikane javën e ardhshme në Shqipëri
TIRANË-Kompania amerikane “General Elektrik” do të jetë prezente në Shqipëri javën e ardhshme. Kompania e fuqishme amerikane do të nënshkruajë me qeverinë shqiptare marrëveshje që do t’i hapin rrugë rrugë hyrjes së investimeve në fushat më jetike të Shqipërisë, si në energji, transport dhe në sistemin e telekomunikacionit të vendit. Përfaqësuesit e kësaj kompanie i kanë drejtuar një letër kryeministrit shqiptar Fatos Nano, në të cilën konfirmohet vizita e tyre në Tiranë. Sipas njoftimit për shtyp të qeverisë shqiptare, bëhet se ditur se javën e ardhshme një delegacion i lartë për përcaktimin më konkret të bashkëpunimit dhe të lidhjes së kontrateve në fushën e energjisë. “Kemi kënaqësinë t’ju informojmë se në javën e ardhshme një delegacion i lartë i “General Elektric” të SHBA-së, përmes organizatave të saj që operojnë në Evropë, pritet të vijnë në Tiranë për përcaktimin e hapave përfundimtare dhe të marrëdhënies kontraktuale me qeverinë e Shqipërisë, për implementimin dhe projektet e infrastrukturës, që duhen ndjekur e mbështetur në veprime të shpejta”,-thuhet në letrën drejtuar kryeministrit shqiptar. Në sektorin e energjisë, kjo kompani do të ngrejë një sistem nga më ekologjikët, me kosto efektive, dhe me burime efiçente energjie të bazuara në teknologjinë e turbinave me erë. Ndërsa në fushën e transportit, projektet kanë të bëjnë me implementimin e një sistemi modern hekurudhash, në nivelin dhe standardin europian, që do të lidhë kryeqytetin e Shqipërisë, Tiranën me Portin e Durrësit me lidhje të ndryshme me aeroportin ndërkombëtar të Rinasit, si për pasagjerë edhe për ngarkesa. Ky do të jetë implementimi i procesit të parë që do të sigurojë një rrjet të brendshëm modalitetesh në lidhjet e transportit nga porti drejt kryeqytetit dhe e të dyjave drejtimeve drejt aeroportit. Në sektorin e telekomunikacionit, projekti lidhet me zgjerimin e avancuar dhe kapacitete të larta të dhënash dhe sistemit të telekomunikacionit zanor i mbështetur në teknologjinë e fibrave optike mbi rrjetin elektrik ekzistues të vendit për 2300 km duke lidhur çdo fshat, zonë industriale, shkollë dhe njerëz dhe me zonat më të largëta të vendit.
B.Hoti
Me çduket nga shkrimi i plotë që citohet në hapje të temës është një gafë a pakujdesi drejtshkrimore e shtypit. Do mjaftonte vetëm që fjala të ishte "hidrocentralet" dhe gjithçka të qëndrojë.
