Deklarata PRO pavaresise

[StepbyAlbania]

Deklarata PRO pavaresise

marrur nga Deklarata PRO pavaresise


Komiteti Ad Hok thotë se pavarësia e Kosovës do të pranohet më 10 qershor të këtij viti

Prishtinë - Kosova do ta marrë pavarësinë më 10 qershor të këtij viti. Kjo do të arrihet përmes dokumentit "Përkushtimi për paqe", të shprehur nga qytetarët e Kosovës. Kështu thotë Komiteti Ad Hok, të cilin sipas kryesuesit dr. Sami Rexhepi e përbëjnë njerëzit që veprojnë në fushat të ndryshme dhe ka përkrahjen edhe të ndërkombëtarëve.

Sipas Rexhepit, populli i Kosovës i është mirënjohës NATO-s të prirë nga Shtetet e Bashkuara të Amerikës dhe Britania e Madhe për ndihmën dhënë UÇK-së dhe intervenimin pa miratimin e OKB-së. Mirëpo tha dr. Rexhepi, të njëjtat vende nënvizuan se kjo ndërhyrje ishte humanitare dhe botërisht u deklaruan se nuk e përkrahin pavarësinë e Kosovës. Por, kohëve të fundit, tha ai, organizatat ndërkombëtare pranuan realitetin dhe deklarojnë se pavarësia është zgjidhje për statusin final të Kosovës, por duke kundërshtuar caktimin e ndonjë date.
Deklarata e publikuar, që shoqërohet me dokumentin "Përkushtimi për paqe", për të cilin do të deklarohen kosovarët, si dhe propozim-deklarata e Kosovës për pavërësi do t'i dorëzohet Kuvendit të Kosovës dhe bashkësisë ndërkombëtare.

-------------


Anderson: Pavarësia- zgjidhja e vetme afatgjate për Kosovën

Në një dokument të Komitetit të Politikës së Jashtme të Parlamentit Britanik të miratuar ditë më parë, thuhet se statusi i ardhshëm i Kosovës duhet të jetë pavarësia. Kryetari i këtij komiteti Donald Anderson thekson se kjo është zgjidhja e vetme afatgjate për Kosovën.

"Mendoj se kjo është absolutisht reale dhe se nuk ekziston asnjë vëzhgues i cili është në gjendje që Kosovën ta shohë në afat të gjatë në çfarëdo varësie me Beogradin dhe Serbinë. Bashkësia ndërkombëtare, duke përfshirë edhe Mbretërinë e Bashkuar (Britaninë), në këtë drejtim duhet të ndihmojnë, kurse dialogu duhet të ekzistojë për t'u përcaktuar afatet e kalimit të statusit të Kosovës në pavarësi, si dhe kushtet nën të cilat ky status do të miratohej", ka thënë në një intervistë për BBC-në Donald Anderson.

-----


Ish-sekretari amerikan i Mbrojtjes thotë se e vetmja zgjidhje afatgjatë për Kosovën është pavarësia

Uashington - Frank Karluçi ish-sekretar amerikan i Mbrojtjes dhe njëkohësisht kryetar nderi i firmës investuese "Karlajl grup" (Carlyle Group) thotë se e vetmja zgjidhje afatgjatë për çështjen e Kosovës ëshatë vetëm pavarësia e saj, e cila do të sillte edhe stabilitetin në Ballkan. Ai e ka trajtuar ditët e fundit këtë çështje në një artikull të botuar për gazetën "Nju Jork tajms" me titull: "Lufta që nuk kemi përfunduar".

Ai thekson se shumica e ekspertëve janë dakord se ndarja e Kosovës do t'i acaronte tensionet etnike ekzistuese. Sipas tij përpjekjet për ndarjen e Kosovës do të ishin një proces zjarrëvënës, ka thënë Karluçi. Ai tha se ekziston rreziku i rënies në letargji duke u përqëndruar në standardet që janë të shumta pa krijuar një proces që do t'u ngjallte shpresat e dy palëve: shqiptarëve dhe serbëve të Kosovës, një proces që do t'u jepte zgjidhje disa prej çështjeve që ata kanë përballë. Ai i bëri këto komente në një intervistë për "Zërin e Amerikës".

"Për mendimin tim kjo është koha e përshtatshme për të folur për statusin përfundimtar të Kosovës. Jam i mendimit se Grupi i Kontaktit ka përgjegjësinë për ta bërë këtë, andaj duhet të veprojë", thotë Karluçi. Ai nënvizon se statusi i tanishëm i Kosovës është faktor destabiliteti.

 

[StepbyAlbania]

Re: Deklarata PRO pavaresise

Statusi i Kosovës duhet të jetë pavarësia, thuhet në një dokument të parlamentit britanik

Londër - Në një dokument të Komitetit të Politikës së Jashtme të Parlamentit britanik të miratuar ditë më parë thuhet se statusi i ardhshëm i Kosovës duhet të jetë pavarësia. Ndërkaq kryetari i këtij komiteti Donald Anderson thekson se kjo është zgjidhja e vetme afatgjatë për Kosovën.
"Mendoj se kjo është absolutisht reale. Mendoj se nuk ekziston asnjë vëzhgues i cili është në gjendje që Kosovën ta shohë në afat të gjatë në çfarëdo varësie me Beogradin dhe Serbinë. Pra, ndarja do të bëhet. Duhet bërë sa më të pranueshme dhe bashkësia ndërkombëtare, duke përfshirë edhe Mbretërinë e Bashkuar (Britaninë), në këtë drejtim duhet të ndihmojë, kurse dialogu duhet të ekzistojë për t'u përcaktuar afatet e kalimit të statusit të Kosovës në pavarësi, si dhe kushtet nën të cilat ky status do të miratohej", tha në një intervistë për BBC-në Donald Anderson.

Ndryshe Komiteti i Jashtëm parlamentar britanik ka vlerësuar se duhet rishqyrtuar politikën "standardet para statusit" në Kosovë. Anderson thekson se në këtë mënyrë është përkrahur raporti për gjendjen në Kosovë që përfaqësuesi i Norvegjisë në NATO Kei Aide e hartoi për sekretarin e përgjithshëm të Kombeve të Bashkuara. Anderson thotë se politika aktuale nuk shpie askund, duke sqaruar:
"Janë vendosur një numër i madh kriteresh dhe konsiderojmë se duhet vendosur cilat prej tyre janë prioritare. E dyta, nëse presim që standardet të përjetojnë zbatim të gjerë para se të fillojnë bisedimet për statusin e ardhshëm, kjo do të shtyhet deri në afatin që populli i Kosovës nuk do ta tolerojë. Prandaj është i nevojshëm një fleksibilitet dhe të bashkohen standardet me statusin".
Komiteti i jashtëm britanik rolin e Rusisë e sheh si obstruktiv, thekson Anderson.
"Ka dëshmi se ata pothuajse e inkurajojnë Beogradin të mos lëshojë pe. Konsiderojmë të rëndësishme që Rusia të luajë një rol pozitiv në rajon, gjë që përndryshe është në gjendje", thotë ai.


----

F.Karluçi: SHBA-të të bindin sa më shumë vende të BE-së në njohjen e Kosovës të së pavarur

Nju Jork - Zgjidhja e vetme afatgjate është pavarësia e plotë për Kosovën, ndërsa çështja e vetme është si të arrihet tek ajo, thotë ish-sekretari amerikana i Mbrojtjes Frenk Karluçi. Trajtimi më i mirë do të ishte që Uashingtoni me partnerët e vet në Grupin e Kontaktit, të iniconin një proces për zgjidhjen përfundimtare, një Marrëveshje për Kosovën, duke përcaktuar një afat kohor dhe disa rregulla.

"Qëllimi përfundimtar do të ishte pavarësia për tërë Kosovën. Opsionet e tjera si bashkimi me Shqipërinë apo vendet tjera ku jetojnë shqiptarët, nuk do të duhej marrë parasysh. Ndërkaq shqiptarëve të Kosovës do të duhej t'u bëhet e qartë se progresi drejt pavarësisë do të përcaktohej nga trajtimi që ata u bëjnë serbëve dhe pakicave tjera", shkruan Karluçi në gazetën "Nju Jork tajms".
Ai është i mendimit se procesi do të duhej të fillonte sapo Kombet e Bashkuara ta përfundonin transferin e përgjegjësive te Qeveria e Kosovës dhe që pastaj të fillojë hartimi i kushtetutës. Ndoshta hapi i fundit, thotë ai, do të ishte një konferencë ndërkombëtare apo referendumi, dhe gjithçka do të kryhej deri në mesin e vitit 2006.

Karluçi thotë se Shtetet e Bashkuara duhet të bëjnë që sa më shumë vende të Bashkimit Evropian t'u bashkangjiten "në njohjen formale të Kosovës së pavarur, me shpresë që edhe Rusia më pastaj t'i bashkangjitet vullnetit të shumicës".

"Kosovarët kërkojnë shtet të pavarur, dhe vonesat e pafundme të bisedimeve për statusin final, do të shkaktojnë vetëm frustrime dhe fyerje të thella", thotë Karluçi dhe thekson se "statusi i pazgjidhur i Kosovës ka pasoja serioze për jetën e përditshme". Ai përkujton se për shkak se është nën administrimin e Kombeve të Bashkuara, Kosova nuk mund të bëhet pjesë e sistemit ndërkombëtar bankar, nuk mund të marrë kredi nga bankat për zhvillim, dhe nuk mund t'i joshë investuesit e huaj", shkruan mes tjerash Frenk Karluçi, ish-sekretar amerikan i Mbrojtjes në vitet 1987-89.

-------


Xhejms Dobins thotë se statusi përfundimtar i Kosovës do të jetë pavarësia


Uashington - Xhejms Dobins, drejtor i Qendrës së Studimeve Ndërkombëtare për Politikat e Sigurimeve të Mbrojtjes Rand dhe i dërguari i posaçëm i administratës amerikane për Kosovën, ka thënë se aktualisht gjendja në Kosovë është më e paqëndrueshme në Ballkan.

"Ne e shtymë vendimin për statusin përfundimtar të Kosovës pesë vjet më parë sepse ishim të shqetësuar për efektet që mund të kishte pavarësia e Kosovës mbi vende të tjera", ka thënë diplomati Dobins. Ai ka nënvizuar se "sot ka ardhur koha që Kosova të vihet në krye të listës së shqetësimeve tona dhe që vëmendja të drejtohet tek zgjidhja e statusit të saj përfundimtar". Ai u shpreh se ky status përfundimtar do të jet dhe duhet të jetë pavarësia brenda kufijëve të sajë të tanishëm. "Por një pavarësi në të cilën pakicat, duke përfshirë pakicën serbe të kenë garanci dhe siguri". Dobins i bëri këto komente për "Zërin e Amerikës".

Ai ka shtuar se sidomos Kosova kërkon vazhdimin e vëmendjes amerikane, ngase nuk është ky një problem që mund t'i lihet vetëm Evropës, por kërkon bashkëpunimin amerikano-evropian.

 

[StepbyAlbania]

Re: Deklarata PRO pavaresise

P.Koks: Për Kosovën nuk ka objektiv tjetër përveç pavarësisë


Pragë, 15 shkurt - Pavendosmëria e bashkësisë ndërkombëtare për të ardhmen e Kosovës po pengon zhvillimin e Kosovës, çfarë mund të çojë në shpërthimin e sërishëm të shqiptarëve të frustruar nga mungesa e prespektivës. Për Kosovën nuk ka objektiv tjetër për të shkuar veçse pavarësisë. Rikthimi në një shtet me Serbinë është i papranueshëm për shqiptarët dhe detyrimi për një zgjidhje të tillë të problemit do të çojë në luftë.

Çdo projekt për protektorate të reja ndërkombëtare do të shihej nga shqiptarët e Kosovës thjesht si një mënyrë për të fituar kohë nga bashkësia ndërkombëtare, por në kurriz të Kosovës dhe kosovarëve. Njëherësh nuk ka organizma të afta që të mund të ndërmerrnin projektin e një protektorati të ri. Kombet e Bashkuara e kanë humbur kapitalin politik në Kosovë pas 5 vitesh të një administrimi të papërshtatshëm, derisa Bashkimi Evropian nuk duket i gatshëm të marrë një mision të tillë.

Pa një siguri për statusin përfundimtar Kosova do të jetë një vrimë e errët në hartën e investimeve ndërkombëtare. Ndërkaq Banka Botërore dhe Fondi Monetar Ndërkombëtar kanë tërhequr vëmendjen se ekonomia aktuale në Kosovë është shumë e brishtë, derisa nivelet e eksportit janë tepër të ulëta krahasuar me importin, papunësia llogaritet mes 30 deri në 60% dhe shtyrja e privatizimit ka çuar në dështime. Në këto kushte caku llogjik i veprimeve të Kombeve të Bashkuara në Kosovë është pavarësia. Kosova nën administrimin ndërkombëtar ka institucionet qeveritare, sistemin e ligjeve, euron si monedhë dhe një numër marrëveshjesh të tregtisë së lirë si dhe sistem të pavarur të doganave. Kryeadminsitratori aktual, danezi Soren Jessen Petersen, e ka cuar më tej procesin e kalimit të përgjegjësive tek vendorët.

Por një bashkësi ndërkombëtare e ndarë dhe e papërqëndruar është pjesë e problemit të Kosovës. Me një shpresë plotësisht të vagullt, vendet anëtare të përhershme të Këshillit të Sigurimit presin që Kosova dhe Serbia e Mali i Zi të merren vesh për një zgjidhje. Këto vende i druhen krijimit të precedentit dhe ndikimit që mund të ketë zgjidhja e çështjes së Kosovës në pjesë të tjera të botës si në Ceceni, Kurdistanin e Irakut, Tibet dhe Abkazi.
Por Kosova dallon nga të gjitha këto territore pasi vetë rezoluta 1244 e Këshillit të Sigurimit kërkon zgjidhjen e statusit përfundimtar dhe i referohet marrëveshjes së Rambujsë, e cila megjithatë parashihte hapa që çonin drejt mbajtjes së një referendumi.

Kosova duhet të bëhet pjesë e bashkësisë së shteteve të botës përmes një proçesi të hartuar me kujdes nga bashkësia ndërkombëtare dhe institucionet e zgjedhura të Kosovës. Ato së bashku duhet të hartojnë kushtetutën e re, me garanci të forta për të drejtat e pakicës serbe dhe të tjerëve, përfshirjen e gjykatësve ndërkombëtarë në sistemin e drejtësisë së Kosovës, vendosjen e një misioni mbikqyrës ndërkombtar dhe vazhdimësinë e pranisë së NATO-s. Pranimi i kësaj kushtetute përmes referendumit do të çojë drejt pavarësisë. Në rastin më të mirë vendet anëtare të përhershme të Këshillit të Sigurimit do të merreshin vesh për afatet kohore të këtij proçesi në mënyrë që ai të ishte funksional. Një konferencë ndërkombëtare këtë vjeshtë do të mund të finalizojë atë që do të quhet "Marrëveshja për Kosovën".

Nëse Serbia do të përfshihet në këtë proçes do të mund të ndikojë në hartimin e kushtetutës lidhur me mbrojtjen e të drejtave të serbëve. Por nevoja urgjente për zgjidhjen e çështjes së Kosovës nuk mund të mbahet peng nga Serbia, Rusia apo Kina.

Një koalicion mes Shteteve të Bashkuara dhe vendeve kyçe të Bashkimit Evropian do duhet ta çojë proçesin përpara, duke e njohur dhe mbështetur Kosovën si një shtet të ri.
(Ky është shkrim autorial i z.Pat Koks, ish-kryetar i Parlamentit Evropian, botuar në gazetën "Irish Times" që e përgatiti radio Evropa e lirë)


-----------


Anderson: GNK-ja propozon pavarësi të kushtëzuar si zgjidhje të vetme të statusit përfundimtar të Kosovës


Londër - Përfaqësuesi i Grupit Ndërkombëtar të Krizave në Prishtinë (ICG), Aleks Anderson thotë se ky organizëm propozon pavarësinë e kushtëzuar si zgjidhje të vetme të statusit përfundimtar të Kosovës. Kjo duhet të arrihet deri në mesin e vitit 2006, tha Anderson për BBC-në.

"Ne konsiderojmë se pavarësia e Kosovës është rrugë e vetme e mundshme për të shkuar përpara që do të garantojë një formë stabiliteti afatgjatë. Ajo që nuk do të mbështesnim ne është një lloj pavarësie e njëanëshme triumfaliste", theksoi Anderson

Është e rëndësishme, thotë Anderson, që pavarësia të ngulitet në negociimin e modaliteteve të saj me komunitetin ndërkombëtar për të siguruar që Kosova si shtet i pavarur të garantojë sigurinë për pakicat, veçanërisht pakicën serbe.
Marrëdhëniet janë ende shumë të këqija dhe shumica e shqiptarëve të Kosovës nuk ka demonstruar ende bindshëm se do të mund të ofrojë një maturi dhe përgjegjësi për të siguruar që një Kosovë e pavarur nuk e shtyn ata jashtë, tha Anderson, duke shtuar:
"Ne propozojmë që një Kosovë e pavarur duhet të shkruajë instrumente garantuese në kushtetutën e saj dhe kjo duhet mbështetur nga monitorimi i vazhdueshëm ndërkombëtar dhe Kosova si shtet i pavarur duhet vendosur në rrugën drejt integrimint në BE me vlerat evropiane dhe me monitorimin që e shoqërojnë".

 

[StepbyAlbania]

Re: Deklarata PRO pavaresise

Pavarësia e kushtëzuar e Kosovës është një zgjidhje e mundshme, thotë eksperti amerikan i çështjeve ballkanike


Uashington, - Eksperti i çështjeve ballkanike Roj Staford thotë se pavarësia e kushtëzuar e Kosovës është një zgjidhje e mundshme.
"Një nga gjërat nga të cilat duhet të hiqet dorë është opsioni të cilin e thekson Koshtunica, përkatësisht kthimi i Kosovës në statusin të cilin e ka pasur Kosova para luftës. Shumica e politikanëve në Beograd e kuptojnë se kjo është e pamundur. Siç duket politika e brendshme e Serbisë është penge e kësaj çështjeje", ka theksuar Staford në një intervistë për "Zërin e Amerikës" (serbisht).

Ai gjithashtu ka thënë se ndonjë formë e pavarësisë së kushtëzuar, jo të plotë, sepse këtë e refuzojnë SHBA, BE dhe KB, do të mund të ishte zgjidhje. "Mirëpo, nëse nuk fillojnë bisedimet për statusin përfundimtar, ngjarjet siç është dhuna e marsit do të mund të përsëriteshin", ka thënë Staford.
Ndërkaq sa i përket Ballkanit, Staford thotë se administrata e Bushit do të mbetet konsekuente; ajo këtë rajon do t'ia lërë më tepër evropianëve në lidhje me kushtet që Bashkimi Evropian i ka vendosur për Kosovën, Serbinë e Malin e Zi, Bullgarinë dhe vendet e tjera. "Ka rëndësi vendimtare që SHBA-ja të mbetet në Kosovë, veçanërisht në dritën e ngjarjeve të marsit. Me fjalë të tjera, nuk shoh ndryshime të rëndësishme në politikën e presidentit Bush ndaj Ballkanit gjatë mandatit të ardhshëm", thotë Staford.


-------------

"Dejli telegraf": Pavarësia duhet të jetë statusi përfundimtar i Kosovës


Londër, "Dejli telegraf" në një shkrim kushtuar zhvillimeve të fundit në Kosovë dhe zgjedhjeve parlamentare, shkruan se pavarësia duhet të jetë statusi përfundimtar i Kosovës. Bisedimet mbi këtë çështje duhet të realizohen me qëllim që t'i jepet fund gjendjes së pakuptimtë në Kosovë sa më shpejtë që të jetë e mundshme. Sipas kësaj gazete çdo zvarritje në këtë aspekt, konstaton kjo gazetë vetëm sa do të shtojë tensionet ndëretnike në Kosovë.


--------------


Cërvenkovski ka deklaruar se pavarësia e Kosovës nuk do ta rrezikojë Maqedoninë

Shkup, Presidenti maqedonas Branko Cërvenkovski ka deklaruar se pavarësia e Kosovës nuk do ta rrezikojë Maqedoninë.
"Nuk pajtohem me vlerësimet që dëgjohen në Beograd se Kosova e pavarur do të çojë në shpërbërjen dhe zhdukjen e Maqedonisë, si dhe me vlerësimet e disa politakanëve kosovarë të cilët thonë sesi në rast se Kosova nuk bëhet sa më parë e pavarur, kjo do të ketë pasoja katastrofike për Maqedoninë", ka thënë presidenti Branko Cërvenkovski.

 

[StepbyAlbania]

Re: Deklarata PRO pavaresise

Stipe Mesiq tha se autoritetet e Kroacisë do të pranonin çfarëdo vendimi legjitim për statusin final të Kosovës

Zagreb, Presidenti i Kroacisë, Stipe Mesiq i ka hedhur poshtë pohimet se pavarësia e mundshme e Kosovës do të shpiente në copëtimin e vendeve të tjera në rajon. Mesiq tha se autoritetet e Kroacisë do të pranonin çfarëdo vendimi legal dhe legjitim për statusin final të Kosovës. Ai ka shtuar se këshilla e tij për vendet e tjera ballkanike do të ishte që t'i pranojnë standardet evropiane dhe të shohin përpara e jo në të kaluarën. Presidenti kroat Stipe Mesiq i bëri këto komente për radion "Evropa e lirë".


------------


Gjukanoviq: Pa zgjidhjen e statusit të Kosovës gjithmonë kërcënon rreziku i shpërthimit të një konlikti të ri

Berlin, - Kryeminstri malazez Milo Gjukanoviq është shprehur se çështja e raporteve midis Podogoricës dhe Beogradit është çështje demokratike, ndryshe nga ajo e Kosovës, e cila, sipas tij, ka të bëjë me sigurinë dhe stabilitetin e tërë rajonit të Ballkanit.

I pyetur se sa do të ndikonte pavarësia e Malit të Zi në zgjidhjen e çështjes së statusit përfundimtar të Kosovës, kryeministri malazez Gjukanoviq bën thirrje për hapjen sa më të shpejtë të çështjes së statusit të Kosovës.
"Pa zgjidhjen e statusit të Kosovës gjithmonë kërcënon rreziku i shpërthimit të një konlikti të ri, i cili do të mund të shtrihej edhe në shtetet fqinje të saj. Kjo ndikon në destabilizimin e Ballkanit. Prandaj mendoj se kjo çështje duhet të hapet në fillim të vitit të ardhshëm", është shprehur Gjukanoviq në një intervistë për "Dojçe velen".