Re: Ceshtja Sollaku rikthehet ne politiken shqiptare
<div class="ubbcode-block"><div class="ubbcode-header">Quote:</div><div class="ubbcode-body"> Anëtarët e mazhorancës i kërkuan dje Kuvendit, të miratojë raportin e komisionit hetimor dhe t'i propozojë Presidentit shkarkimin e Sollakut
TIRANË- Në një kohë rekord, vetëm pas një jave pune të komisionit hetimor "Sollaku 2", anëtarët e mazhorancës, në mungesë të opozitës, i kanë kërkuar Kuvendit që të miratojë raportin e komisionit hetimor parlamentar dhe t'i propozojë Presidentit të Republikës shkarkimin nga detyra të Prokurorit të Përgjithshëm, Theodhori Sollaku. Në një raport prej 40 faqesh, anëtarët e mazhorancës kanë firmosur shkeljet që, sipas tyre, vërtetojnë faktin se Theodhori Sollaku nuk duhet të qëndrojë më në detyrën e kreut të organit të akuzës. Në përfundim të hetimeve të kryera, anëtarët e mazhorancës të komisionit hetimor u shprehen se, "Prokurori i Përgjithshëm, me anë të veprimeve dhe mosveprimeve të tij, të kryera në shkelje të rëndë të ligjit procedural, neneve 494 e vijues të Kodit të Procedurës Penale, nenit 6, të Konventës së Ekstradimit, nenit 27 të "Konventës mbi Transferimin e Procedimeve Penale" dhe nenit 116, të Kushtetutës së Shqipërisë, ka sjellë si pasojë mosekzekutimin e jo më pak se 210 Urdhër Arresteve Ndërkombëtare, të lëshuara nga autoritetet e huaja për shtetasit shqiptarë, lënien e lirë të këtyre personave me rrezikshmëri të theksuar shoqërore dhe ka krijuar një klimë të madhe mosbesimi tek autoritet e huaja". Për sa më sipër, anëtarët e komisionit bëjnë përgjegjës kryesor Prokurorin e Përgjithshëm. Më konkretisht, anëtarët e komisionit, ndër radhë shprehen se në rastin e kërkesave për Urdhrat e Arrestit Ndërkombëtar të lëshuara nga autoritetet e huaja për shtetasit shqiptarë, Prokuroria e Përgjithshme ka refuzuar apriori ekzekutimin e urdhrave, nën justifikimin se edhe po të viheshin në zbatim këto urdhra, nuk do të sillnin ndonjë efekt, pasi shtetasit shqiptarë nuk mund të ekstradohen. Duke u bazuar në Konventën Evropiane të Ekstradimit e vitit 1957, anëtarët e komisionit shprehen se Prokuroria e Përgjithshme në zbatim të kësaj Konvente, në rastin e mos ekstradimit të shtetasve shqiptarë, duhej të komunikonte, nëpërmjet Ministrisë së Drejtësisë, me autoritetet e huaja, duke i vënë në dukje faktin e mos ekstradimit të këtyre subjekteve, por dhe duke zbatuar urdhër arrestin ndërkombëtar, pra arrestimin e personave në çdo rast, duke i lënë të hapur shtetit të huaj kërkues mundësinë për të paraqitur kërkesën për transferimin e procedimit penal ose kërkesës për njohjen e vendimit penal, sipas rastit. Gjithashtu, nga raporti i Ministrisë së Drejtësisë, për lirimin e disa të dënuarve, sipas anëtarëve të komisionit, rezultoi se "në sistemin e prokurorisë është instaluar një fenomen korruptim sipas të cilit, prokurorët, në shkelje të hapur të neneve të Kodit të Procedurës Penale kanë pranuar lirimin e jo më pak se 22 të dënuarve për vepra penale të rënda, për shkaqe tërësisht manipulative dhe abuzive".
"Ministri i Drejtësisë ka vënë në dijeni për një fenomen të tillë Prokurorin e Përgjithshëm që në datë 11.04.2007, por Prokurori i Përgjithshëm nuk ka lëvizur nga vendi",- vijon raporti. Ndërkohë, nga analiza që ky komision i bëri fakteve të sjella nëpërmjet statistikave të Ministrisë së Drejtësisë, prokurorët, sipas anëtarëve të komisionit, në kundërshtim me disa nene të Kodit të Procedurës Penale kanë arkivuar jo më pak se 19 dosje të pushuara nga gjykatat. Pikërisht për shkeljet e ligjit, të konstatuara gjatë kontrolleve në disa prokurori të rretheve gjyqësore, anëtarët e komisionit bëjnë përgjegjës Prokurorin e Përgjithshëm i cili në bazë të Kushtetutës (neni 148) dhe të Ligjit "Për organizimin dhe funksionimin e Prokurorisë në Republikën e Shqipërisë", është autoriteti më i lartë, për ushtrimin e ndjekjes penale dhe përfaqësimin e akuzës në gjyq. Sipas anëtarëve të komisionit, është përgjegjësi direkte e Prokurorit të Përgjithshëm, realizimi i detyrave të sistemit të prokurorisë dhe funksionimi ose jo i këtij sistemi.
Në raport thuhet se ligji i njeh Prokurorit të Përgjithshëm shumë instrumente, që i mundësojnë dhe e bëjnë efektiv ndikimin e tij, si për shembull urdhrat dhe udhëzimet me shkrim, të cilat janë të detyrueshme për prokurorin më të ulët.
Përfundimet e raportit të Komisionit Hetimor "Sollaku 2"
Në përfundim të hetimeve të kryera, komisioni pasi analizoi provat e mbledhura, faktet dhe rrethanat, veprimet dhe mosveprimet e Prokurorit të Përgjithshëm dhe pasi i vlerësoi në bazë të Kushtetutës, ligjeve organike dhe procedurale, arriti në këto konkluzione:
Rezultoi e provuar se Prokurori i Përgjithshëm, me anë të veprimeve dhe mosveprimeve të tij, të kryera në shkelje të rëndë të ligjit procedural, neneve 494 e vijues të Kodit të Procedurës Penale, nenit 6, të Konventës së Ekstradimit, nenit 27, të "Konventës mbi Transferimin e Procedimeve Penale" dhe nenit 116, të Kushtetutës së Shqipërisë, ka sjellë si pasojë mosekzekutimin e jo më pak se 210 Urdhër Arresteve Ndërkombëtare, të lëshuara nga autoritet e huaja për shtetasit shqiptarë, lënien e lirë të këtyre personave me rrezikshmëri të theksuar shoqërore dhe ka krijuar një klimë të madhe mosbesimi tek autoritet e huaja.
Shkelja e rëndë e ligjit, përbën përgjegjës kryesor Prokurorin e Përgjithshëm jo vetëm si personin përgjegjës për marrëdhëniet me të tretët (neni 8 i ligjit "Për organizimin dhe funksionimin e Prokurorisë në Republikën e Shqipërisë", i përditësuar), por edhe si personi i vetëm përgjegjës për funksionimin e organit të Prokurorisë në Republikën e Shqipërisë (neni 3, i ligjit të sipërpërmendur).
Shkelja e rëndë e ligjit e shoqëruar me pasoja të rënda, të vazhdueshme dhe të pariparueshme për vendin, shoqërinë dhe marrëdhëniet me shtetet e tjera, cilësohet prej këtij komisioni si shumë serioze.
Këto shkelje, të analizuara dhe me qëndrimin subjektiv që ka mbajtur dhe mban Prokurori i Përgjithshëm, cilësohen prej këtij komisioni si shkelje të rënda në kuptimin kushtetues të tyre dhe si të tilla, në kuptim të nenit 149, të Kushtetutës, duhet të sjellin patjetër shkarkimin e Prokurorit të Përgjithshëm të Republikës.
Rezultoi e provuar nga Raporti i Ministrisë së Drejtësisë për lirimin e disa të dënuarve, se në sistemin e prokurorisë është instaluar një fenomen korruptim, sipas të cilit prokurorët, në shkelje të hapur të neneve 478, 149, 151, 357, 367, të Kodit të Procedurës Penale dhe të neneve 16, 29 e 33, të ligjit 8328 "Për trajtimin e të dënuarve me burgim", të ndryshuar, kanë pranuar lirimin e jo më pak se 22 të dënuarve për vepra penale të rënda, për shkaqe tërësisht manipulative dhe abuzive. Ministri i Drejtësisë ka vënë në dijeni për një fenomen të tillë Prokurorin e Përgjithshëm që në datë 11.04.2007, por Prokurori i Përgjithshëm nuk ka lëvizur nga vendi.
Është detyrë kushtetuese e institucionit të Prokurorisë, që të përfaqësojë akuzën në emër të shtetit (neni 148 i Kushtetutës së Republikës, neni 2 i Ligjit "Për organizimin dhe funksionimin e Prokurorisë në Republikën e Shqipërisë"), dhe këtë përfaqësim duhet ta bëjnë duke zbatuar me përpikmëri ligjin dhe jo duke u bërë palë me trafikantët dhe vrasësit e dënuar nga gjykata, me vendim të formës së prerë. Është detyrë themelore e Prokurorit të Përgjithshëm që të luftojë korrupsionin, para së gjithash në radhët e prokurorëve të cilët drejton.
Është përgjegjësi direkte e Prokurorit të Përgjithshëm që të kontrollojë sistemin e prokurorisë, si strukturë e centralizuar (neni 148, pika 2 e Kushtetutës së Republikës, neni 3 i Ligjit "Për organizimin dhe funksionimin e Prokurorisë në Republikën e Shqipërisë"), dhe është përgjegjësi e tij direkte si drejtues i kësaj strukture.
Moskryerja e këtyre detyrimeve kushtetuese nga ana e Prokurorit të Përgjithshëm, ka sjellë pasoja shumë të rënda për shtetin e së drejtës në Shqipëri, duke krijuar imazhin e një vendi ku trafikantët lirohen për shkak të humorit të keq, dhe vrasësit për shkak se nuk janë optimistë për të ardhmen. Ka sjellë pasoja të rënda për shoqërinë, pasi jo më pak se 22 persona të dënuar për vepra të rënda janë sot të lirë dhe këto pasoja vlerësohen, në tërësinë e tyre, prej këtij komisioni, si shumë serioze dhe me vështirësi të dukshme për t'u riparuar. Qëndrimi subjektiv i Prokurorit të Përgjithshëm, në lidhje me këtë çështje hetimi, duke mos kryer asnjë veprim për më shumë se 4 muaj, nga marrja dijeni, e bën edhe më të rëndë shkeljen e ligjit, shkaktimin e pasojave dhe domosdoshmërinë e ndërhyrjes së Kuvendit nëpërmjet kontrollit konstitucional, duke e detyruar atë (Kuvendin) të marrë masa të menjëhershme për të ndryshuar gjendjen dhe shkarkuar Prokurorin e Përgjithshëm.
3- Rezultoi e provuar nga analiza që ky komision i bëri fakteve të sjella nëpërmjet statistikave të Ministrisë së Drejtësisë, "Analiza statistikore e veprimtarisë së Prokurorisë për vitin 2006, përfshirë informacionin për mosveprimin e prokurorisë në rastin e çështjeve të pushuara nga gjykata", se prokurorët, në kundërshtim me nenet 24, 93/1/ç dhe 326, të Kodit të Procedurës Penale, kanë arkivuar jo më pak se 19 dosje të pushuara nga gjykatat. Nga moszbatimi i kërkesave të parashikuara në dispozitat ligjore të mësipërme, ka ardhur pasoja e rëndë e arkivimit të padrejtë dhe në kundërshtim me ligjin e disa procedimeve penale, për vepra penale të rënda, si vrasje me paramendim, vrasje me dashje dhe vjedhje me armë.
Në këto rrethana, autorët e disa veprave penale të rënda janë të pazbuluar dhe të lirë, duke përbërë një rrezik potencial për rendin publik dhe jetën e shtetasve tanë.
Nga analiza e statistikave dhe informacioni i përcjellë vihet re një mungesë e theksuar profesionalizmi nga ana e Prokurorit të Përgjithshëm, në menaxhimin e këtij institucioni, për kontrollin e ecurisë së politikës penale, politikës së dënimit dhe luftës ndaj krimit të organizuar dhe korrupsionit duke mos ushtruar kompetencat që ka, në lidhje me shfuqizimin e urdhrave të kundraligjshëm të vartësve të vet dhe ndëshkimin e prokurorëve të cilët kanë shkelur ligjin
Mospërdorimi ose keqpërdorimi nga ana e tij i instrumenteve të drejtimit dhe kontrollit të institucionit, kanë sjellë në rastin më të mirë, shkelje të rënda në ushtrimin e ndjekjes penale dhe përfaqësimin e akuzës në emër të shtetit, shkelje kushtetuese kjo sipas nenit 148/1, të Kushtetutës; dhe në rastin më të keq, ka sjellë shformimin e gjithë institucionit duke cenuar kështu parashikimin imperativ të centralizimit të institucionit, shkelje kushtetuese sipas nenit 148/2, të Kushtetutës.
Veçanërisht, përgjegjësia për shkeljet e ligjit të konstatuara gjatë kontrolleve në disa prokurori të rretheve gjyqësore, bie mbi Prokurorin e Përgjithshëm i cili në bazë të Kushtetutës (neni 148) dhe të Ligjit Nr.8737, datë 12.02.2001, "Për organizimin dhe funksionimin e Prokurorisë në Republikën e Shqipërisë", të ndryshuar (neni 8), është autoriteti më i lartë për ushtrimin e ndjekjes penale dhe përfaqësimin e akuzës në gjyq.
Këto shkelje të ligjit nga ana e Prokurorit të Përgjithshëm vlerësohen prej këtij komisioni, si shkelje të rënda në kuptimin kushtetues dhe me pasoja serioze për vendin, sistemin e drejtësisë dhe për shtetin ligjor dhe si të tilla, në kuptim të nenit 149, pika 2 e Kushtetutës, përbëjnë shkak ligjor për të kërkuar shkarkimin e Prokurorit të Përgjithshëm.
Për këto arsye, bazuar në nenin 149, pika 2 e Kushtetutës së Republikës së Shqipërisë, nenit 114, të Rregullores së Kuvendit të Shqipërisë, nenit 7, pika 2 e Ligjit Nr.8737, datë 12.02.2001 "Për organizimin dhe funksionimin e Prokurorisë në Republikën e Shqipërisë", i ndryshuar dhe nenit 20, të Ligjit Nr.8891, datë 02.05.2002 "Për organizimin dhe funksionimin e komisioneve hetimore të Kuvendit", Komisioni me vendim përfundimtar, në mungesë të anëtareve të opozitës së këtij komisioni, vendosi:
T'i propozojë Kuvendit të Shqipërisë, të miratojë raportin e Komisionit Hetimor parlamentar dhe t'i propozojë Presidentit të Republikës, shkarkimin nga detyra të Prokurorit të Përgjithshëm, z.Theodhori Sollaku.
</div></div>
Praktikisht perfundoi /ubb/images/%%GRAEMLIN_URL%%/smile.gif Nje Komision i shpejte pa juriste te mirefillte, nje jave kohe ...
