Re: C' ndikim mendoni se mund te kete heqja e DOGANAVE ne kufi?
E ngatëruar kjo histori.
Si rallë në ndonjë fushë tjetër bota është treguar bujare, ka financuar ngritjen e ndërtesave të doganave duke prishur e riprishur (se i dogjëm ne nga një herë) miliona dollarë. E parë nga ana politike kjo ndihmë është e njëjtë me atë të Mirush Kabshit që vinte shishe në tokat e ishpronarëve (në film). Bota ngriti karakollet e na vuri kufijtë, e meqë thanës i futëm sëpatën, tek Qafa e Thanës. Ata e vunë një gur themeli në politikën e tyre ne u bëmë me dogana. Nga këto të shkreta që i gjen në çdo cep ne duhet të mbanim ekonominë. Si në gjithë botën duhet të kishim arkëtime dhe firo. Ne kemi firooo dhe arkëtime. Se sa dëm mund ti sjellë ekonomisë heqja e doganave e tregoi viti 1997, e vetmja ankesë ishin bandat. Vuajmë nga paaftësia për të marrë vendime të mëdha në kohë. Jemi pre i ekonomistëve të institucioneve financiare të cilët sipas rrymave që preferojnë a politikave për të cilat paguhen marrin vendime, shohin si rritemi ne kushte laboratorike, mbajnë shënime, përsëritin eksperimentin me kushte të tjera etj. Ne nuk jemi të zotët ti mbajmë doganat, as sot as mot, jemi si puna e sitës, s'mban ujë, bëji ç'të duash. Gjatë këtij dhjetvejeçari ka patur momente kur ne mund të ndërhynim atje, kur kanë ulur tatimet demokratët apo kur i rritën socialistët. Ne i kemi shifrat e gjithë kësaj periudhe, importe, eksporte, taksa, tatime, gjoba, sekuestrime e tendera të tyre e çdo gjë tjetër. Ato japin një rezultat, një shifër, sa ne i hedhim buxhetit nga doganat, të vetmen gjë shkencërisht ekzakte në këtë mesele. Buxheti i do ato para dhe ne mund tja kishim gjetur duke mos i ulur apo ngritur tatimet por hequr doganat. Po edhe me tatimet është e njëjta gjë. Mbase, por më lehtë e ke ti vesh një tregtari birre një polic tatimesh tek dera se një polic dogane majë malit a në porte ku edhe vetë ai që e ka blerë mallin (ka ndodhur shumë herë) nuk e di ekzaktësisht çka brenda. Kjo rrugë do të kishte ndihmuar biznesin, se do të kishte ekonomistët e shtetit ne firmë, ndihme që biznesit i duhej, ndërkohë që në doganë lidhja është e këputur, bosi paguan dhe mund të keni dëgjuar njëqind herë "çkini me mua e kam paguar doganën". Një moment ku ne mund të ndërhyjmë është i pritshëm, le të mos ulen tatimet po të hiqen doganat. Në fund të fundit, ka një grup artikujsh që zenë pjesën e luanit në këtë histori, për të cilat mund të mbash doganën sërisht. Transparenca dhe antikorrupsioni vijnë vetëm prej thjeshtësisë. Në Shqipëri siç ka qënë do të jetë, ne do vazhdojmë të dëgjojmë sofizma, më i fundit: shqiptarët këto 10 muaj kanë pirë më pak birrë importi se në të njëjtën periudhë një vit më parë, kjo sepse prodhuesit shqiptarë të birrës kanë rritur prodhimin me 20%. Askush nga prodhuesit nuk ka rritur kapacitetet, me çduket ja kanë futur shurrës, dhe fjala vjen Ministri i Financave në vend të Bavarias ka pirë Malto Tirane ndërsa ai i i Ekonomisë në vend të Peronit Birra Korça, ç'mjerim.
