Al-Punk
Still here
Fiksimi i Rexhep Taip Erdogan me Twitter ne veçanti dhe social median ne pergjithesi, nisi me shperthimin e skandaleve per korrupsion te njerezve shume te aferm me Kryeministrin turk. Dhe kur nje gje nuk mund ta kontrollosh, do ta sulmosh. Ne mars, Erdogan urdheroi (gje qe e pranoi me pas) personalisht bllokimin e Twitter ne te gjithe Turqine, duke e akuzuar ate per shperndarjen e mesazheve ofenduese ndaj Qeverise. Para se te arrinte deri ketu, kishte deklaruar: “Do ta zhdukim Twitter! Nuk me behet vone se cfare thote komuniteti nderkombetar. Do ta shikojne forcen e republikes turke!” Por dukej qe inatin e kishte me cdo (social) media qe nuk kontrollonte, pasi shtonte se nuk do ta linte Turqine “ne meshire te YouTube apo Facebook”.
Ndonese gjykatat turke urdheruan heqjen e bllokimit, Erdogan nuk i duron dot keto plaftformat ku dalin e qarkullojne lirshem te palarat e bashkepunetoreve te tij te ngushte. Ndaj akuzoi Twitter per evazion fiskal dhe pretendoi qe kompania te hape nje zyre ne vendin e tij duke paguar taksat per parate qe fitonte nga reklamat ne Turqi.
Pak dite me pare autoritetet turke dhe zyrtare te Twitter kane zhvilluar edhe disa negociata per te gjetur nje zgjidhje. Pjese e kerkesave te Ankarase ndaj Twitter ishte edhe dorezimi i te dhenave personale te kritikuesve te Qeverise. Kompania ka njoftuar se nuk e ka pranuar kerkesen. Ndersa ministri turk per Telekomunikacionin, Lutfi Elvan, ka deklaruar se ka arritur nje marreveshje per fshehjen e fjaleve apo fjalive te plota ne permbajtjen e atyre postimeve qe cilesohen si keqdashese.
“Lufta” e fundit mes Turqise dhe Twitter tregoi edhe njehere tjeter se, fatkeqesisht, edhe nje vend anetar i NATO-s e qe deshiron te behet pjese e Bashkimit Evropian, nuk eshte imun ndaj autoritarizmit; dhe se platformat e ofruara nga social media jane nje garanci me shume ne mbrojtjen e fjales se lire. Problemet me demokracine, Erdogani dhe shoket e tij duhet t’i zgjidhin ndryshe.
Nuk ka artikuj te ngjashem!
Artikulli i plote...
Last edited: