Ngrijnë nga të ftohtit dy vëllezër të mitur
Ngrijnë nga të ftohtit dy vëllezër të mitur
Has, njëri prej tyre vdes, tjetri në gjendje kome në spital. Në rrezik dhe 11 motrat e vëllezërit e tyre
KUKËS- Gjenden të ngrirë në banesën e tyre dy vëllezër të mitur që jetonin në një varfëri të tejskajshme, ndërsa në rrezik është dhe jeta e 11 motrave dhe vëllezërve të tyre. Ngjarja e rëndë ka ndodhur në Gjinaj, një fshat i thellë malor në rrethin e Hasit, në familjen e varfër Zyberi. Burime nga vendngjarja thanë për gazetën se dy nga 13 fëmijët e çiftit Zyberaj nga ky fshat janë gjendur të ngrirë nga të ftohtit në banesën e tyre gjysmë të shembur nga dëbora. Njëri prej tyre, Armir Zyberaj, 3 vjeç, ka vdekur në spitalin e Kukësit, ndërsa vëllai i tij Arditi 5 vjeç, gjendet në koma në spitalin e Kukësit. Mjekët e këtij spitali thanë për gazetën se fëmija 5-vjeçar rrezikon të humbasë këmbët e tij pasi ato janë kalbur nga të ftohtët. Burime të spitalit të Kukësit thanë për gazetën se fëmijët kishin dhe shenja djegie në trup. Po sipas këtij burimi këto shenja mendohet të jenë shkaktuar gjatë tentativës së tyre për t’u afruar pranë zjarrit në vatër. Ndërkohë autoritet lokale të Kukësit u kanë bërë thirrje organizatave të ndryshme jo qeveritare që të japin ndihmën tyre për shpëtimin e jetës së fëmijëve të tjerë të çiftit Zyberi, të cilët (burrë e grua) janë me të meta mendore.
Ngjarja
I pari që ka ka dhënë alarmin për ngjarjen tragjike në familjen Zyberi ka qenë kryetari i komunës së Gjinajve, Pëllumb Thaçi. Menjëherë në drejtim të fshatit Gjinaj, në mëngjesin e djeshëm, është nisur një ekip mjekësor i spitalit civil të Kukësit. Në shtëpinë rrënuar ata kanë parë dy fëmijët e zhveshur lakuriq dhe të mbuluar me një batanije të reckosur, të cilët jepnin shënja se ishin të gjallë, ndërsa shpirtrat e tyre luftonin me vdekjen. Menjëherë mjekët që kanë shkuar në vendngjarje u kanë dhënë ndihmën e parë, duke realizuar frymëmarrjen artificiale dhe më pas i kanë dërguar të miturit e ngrirë nga të ftohtit drejt spitalit të Kukësit. Por njëri prej tyre nuk ka mundur që të jetojë. Burime nga spitali i Kukësit thanë për gazetën se fëmija 3-vjeçar ka dhënë shpirt porsa ka mbërritur në spital. Kryeinfermierja e repartit të pediatrisë Hava Noka tregon se shkaqet e vdekjes së fëmijes trevjeçar kanë ardhur nga të ftohtit dhe uria. Sipas kryeinfermieres Noka edhe vëllai i tij Arditi nuk ka dalë nga gjendja e komës. Por sipas kryeinfermieres edhe nëse i shpëton vdekjes, atij duhet t’i priten këmbet, pasi i janë kalbur nga të ftohtit. Gjithnjë sipas kryeinfermieres Noka, Arditi 5- vjeçar është rritur në pavionin e pediatrisë pasi ishte braktisur nga e ëma e cila është me të meta mendore.
Ngrirja e vëllezërve trondit opinionin
Ngrirja e dy vëllezërve ka tronditur mbarë opinionin qytetar në rrethin e Kukësit dhe atë të Hasit. Prefekti i Kukësit, Shaqir Shehu, do të ndërmarrë nismën ligjore për t’i hequr fëmijët nga kujdestaria e çiftit pasi ata vuajnë nga të metat mendore. Edhe kryetari i qarkut të Kukësit Ylber Vata u ka bërë thirrje organizatave dhe shoqatave që fëmijet e tjerë të mbetur gjallë të merren në mbrojtje të shtetit apo të strehohen në ndonjë qendër rehabilitimi, pasi jeta e tyre është në rrezik. " E njihnim gjëndjen e kësaj familjeje, por nuk kishim se çfarë të bënim veçse t’i jepnim ndihmë ekonomike të plotë"- thotë kryetari i komunës Gjinaj, Pëllumb Thaçi. Afrim Dogjani , infermier i repartit të urgjences i cili ka qënë në vendngjarje tregon se ka parë skena tmerri në shtëpinë e rrënuar të cilat nuk i kishte parë as në ekranet e televizorëve në Ruanda apo vende tjera të Afrikës. Trupi i 3- vjeçarit është përcjellë dje për në banesën e fundit.
Bashkim Shala
Ngrijnë nga të ftohtit dy vëllezër të mitur
Has, njëri prej tyre vdes, tjetri në gjendje kome në spital. Në rrezik dhe 11 motrat e vëllezërit e tyre
KUKËS- Gjenden të ngrirë në banesën e tyre dy vëllezër të mitur që jetonin në një varfëri të tejskajshme, ndërsa në rrezik është dhe jeta e 11 motrave dhe vëllezërve të tyre. Ngjarja e rëndë ka ndodhur në Gjinaj, një fshat i thellë malor në rrethin e Hasit, në familjen e varfër Zyberi. Burime nga vendngjarja thanë për gazetën se dy nga 13 fëmijët e çiftit Zyberaj nga ky fshat janë gjendur të ngrirë nga të ftohtit në banesën e tyre gjysmë të shembur nga dëbora. Njëri prej tyre, Armir Zyberaj, 3 vjeç, ka vdekur në spitalin e Kukësit, ndërsa vëllai i tij Arditi 5 vjeç, gjendet në koma në spitalin e Kukësit. Mjekët e këtij spitali thanë për gazetën se fëmija 5-vjeçar rrezikon të humbasë këmbët e tij pasi ato janë kalbur nga të ftohtët. Burime të spitalit të Kukësit thanë për gazetën se fëmijët kishin dhe shenja djegie në trup. Po sipas këtij burimi këto shenja mendohet të jenë shkaktuar gjatë tentativës së tyre për t’u afruar pranë zjarrit në vatër. Ndërkohë autoritet lokale të Kukësit u kanë bërë thirrje organizatave të ndryshme jo qeveritare që të japin ndihmën tyre për shpëtimin e jetës së fëmijëve të tjerë të çiftit Zyberi, të cilët (burrë e grua) janë me të meta mendore.
Ngjarja
I pari që ka ka dhënë alarmin për ngjarjen tragjike në familjen Zyberi ka qenë kryetari i komunës së Gjinajve, Pëllumb Thaçi. Menjëherë në drejtim të fshatit Gjinaj, në mëngjesin e djeshëm, është nisur një ekip mjekësor i spitalit civil të Kukësit. Në shtëpinë rrënuar ata kanë parë dy fëmijët e zhveshur lakuriq dhe të mbuluar me një batanije të reckosur, të cilët jepnin shënja se ishin të gjallë, ndërsa shpirtrat e tyre luftonin me vdekjen. Menjëherë mjekët që kanë shkuar në vendngjarje u kanë dhënë ndihmën e parë, duke realizuar frymëmarrjen artificiale dhe më pas i kanë dërguar të miturit e ngrirë nga të ftohtit drejt spitalit të Kukësit. Por njëri prej tyre nuk ka mundur që të jetojë. Burime nga spitali i Kukësit thanë për gazetën se fëmija 3-vjeçar ka dhënë shpirt porsa ka mbërritur në spital. Kryeinfermierja e repartit të pediatrisë Hava Noka tregon se shkaqet e vdekjes së fëmijes trevjeçar kanë ardhur nga të ftohtit dhe uria. Sipas kryeinfermieres Noka edhe vëllai i tij Arditi nuk ka dalë nga gjendja e komës. Por sipas kryeinfermieres edhe nëse i shpëton vdekjes, atij duhet t’i priten këmbet, pasi i janë kalbur nga të ftohtit. Gjithnjë sipas kryeinfermieres Noka, Arditi 5- vjeçar është rritur në pavionin e pediatrisë pasi ishte braktisur nga e ëma e cila është me të meta mendore.
Ngrirja e vëllezërve trondit opinionin
Ngrirja e dy vëllezërve ka tronditur mbarë opinionin qytetar në rrethin e Kukësit dhe atë të Hasit. Prefekti i Kukësit, Shaqir Shehu, do të ndërmarrë nismën ligjore për t’i hequr fëmijët nga kujdestaria e çiftit pasi ata vuajnë nga të metat mendore. Edhe kryetari i qarkut të Kukësit Ylber Vata u ka bërë thirrje organizatave dhe shoqatave që fëmijet e tjerë të mbetur gjallë të merren në mbrojtje të shtetit apo të strehohen në ndonjë qendër rehabilitimi, pasi jeta e tyre është në rrezik. " E njihnim gjëndjen e kësaj familjeje, por nuk kishim se çfarë të bënim veçse t’i jepnim ndihmë ekonomike të plotë"- thotë kryetari i komunës Gjinaj, Pëllumb Thaçi. Afrim Dogjani , infermier i repartit të urgjences i cili ka qënë në vendngjarje tregon se ka parë skena tmerri në shtëpinë e rrënuar të cilat nuk i kishte parë as në ekranet e televizorëve në Ruanda apo vende tjera të Afrikës. Trupi i 3- vjeçarit është përcjellë dje për në banesën e fundit.
Bashkim Shala